สาธุการมารดา

[สาวบ้านนา]

ช่าย เดียวเหล่าเรืองหนึงไห่ฟังพี่น้อง ขออนุญาติ นี้ไม่ใช่ ผญา แต่นี้เป็นเรื่องจิง
ไม่ได้ตั้งใจนินทาผีดอก แต่ก้ออดสูใจแทน สมัยนางไปอยูสุพรรณกะแม่นะ
นางรู้จักเด็กหนุ่มคนหนึง ด่าพ่อแม่ไปทั่วทีปคําใหนหยาบๆด่าออกมาหมดเลย
ผลสุดท้าย ก้อได้รับกรรม ด่นรถสิบล้อชน หัวลุบเข่าตัวเหมือนเต่าเลย สาธุเด้อ อย่าไห่บาปนินทาผี
ขอ อโหสิกรรมไห่กันและเด้อ ขอโทษหลาย มันสลดใจกับคําที่ได้ยิน

[ศรีสะท้าน]

@ สาธุการมารดาน้อม จอมใจผู้ประเสริฐ ก่อนแหล่ว
ผู้ข้าถือกำเหนิดได้เฮียนฮู้ จนเก่งการ
วจีจาความต้าน บ่อหาญขีนคำพากษ์ แม่แหลว
ตั้งหากคึดต่อเจ้า เจียนเถ่าแก่ชรา
กรุณาเพียรเลี้ยง นอนเฮียงนำแนบ นั้นแหลว
บ่อห่อนวางแจบได้ ใจเจ้าห่วงนำ
ข้าขอจำพระคุณเจ้า มารดาตนประเสริฐ ท่านนั้น
สุขบังเกิด ลูกขอมอบแม่เจ้า เฮียมเถ่าให่อยู่ดี แม่เอ้ยยย ฯฯฯ

[พลายแก้ว]

สาธุการมารดาเจ้า ตั้งแต่คราวอยู่ในครรภ์
เป็นหลายวันหลายเดือน เคลื่อนคราวหนาวฮ้อน
ทุกข์เมื่อนอนสะแนนข้าง ขางไฟให้เจ้าฮ่ำ
ทุกข์ขะลำข้าวน้ำ เกลือก้อนเจ้าอ่อนแฮง
ทุกข์เมื่อแพงเพียรตุ้ม คุมเทาเลี้ยงลูกอ่อน
บางวันนอนบ่ได้ หลงไห้ว่ากล่อมกัน
วันเวลาผ่านพ้น โดนหลายบ่ได้ข่าว
เบิ่งแต่รูปเก่า ๆ พอคลายความเหงาบ้าง อยู่ข้าง ๆผัดแม่นหมา
หญิงชราสายตาหม่น เหลียวมองคนที่กายผ่าน
บอกข้าวสารถึงลูกด้วย ช่วยคืนบ้านให้เห็นหน้าแน่ถ่อน ก่อนแม่นี้สิสิ้นลม แน่เด้อ..

[เเมงสะดิ้ง]

ขอบคุณยาอ้ายหลายๆ เด้อจ้า
พอดีล่ะ...ลอกไปเว่าในงานวัดวันเสาร์นี่
สาธุ...บุญจ้า อยู่ดีมีแฮงเด้อจ้า ฮักแพงคือเก่า

[ทองคำ]

สาธุ ยอมือขึ้น เสมอตาเทียมเนตร ข้าขอทูลเกศเกล้า ถึงคุณเจ้าแม่ตน
บารมีสูงพ้น เขาเถื่อนยุคันธร ลูกขอวอนวานหา คุณมารดาแม่เจ้า
ผู้สดใสบ่มีเศร้า แม่นลูกเหงาแม่บ่ห่าง ฮักบ่จางจืดจ้อย เสมอน้ำซุ่มบ่เซา
คุณของแม่ปกเกศเกล้า เลี้ยงเฮาจนเติบใหญ่ ไผผู้หวนเห็นพ้อ สิยอไหว้อยู่ซู่วัน
อัศจรรย์แต่เพิ่นเพียรถนอมเลี้ยง ใหญ่เพียงตาแม่กะฝ่า น้ำนมเหือดแม่ยังกล้า อดสูหน้าเลี้ยงลูกแพง
จักยามแลงยามเช้า แม่ยังเอาหัวใจต่อ บ่ได้รอให้ลูกเอิ้น แม่ยงฟ่าวต่าวหา
พระคุณแม่ ใหญ่กว่าดินหนักกว่าฟ้า หาหยังเปรียบปุนปาน
ชาติที่สงสารเฮา เอาหยังตวงบ่มีได้........ .....เดี๋ยวมาต่อเด้อท่าน