ลาบหมู

[ติ๋ม เปอร์โย]

ลาบหมู เป็นสูตรของเฒ่าพ่ออยู่เฮือนเผิ่นสอนให้มาเฮ็ดกินเองจ้า
เครื่องลาบทุกอย่างเตรียมไว้ก่อนลงมือปรุงเลยจ้า คั่วพริก+ข้าวคั่วเองตำแล้วจามอยู่เบิดค่ำ
มีเนื้อหมูบด(ถ้ามีหนังหมู+ตับหมูกะต้มหั่นใส่นำเด้อจ้า)ติ๋มหาซื้อบ่ได้ กะติ๋มไปตลาดค่ำโพดเขาบอกว่าหมดแล้ว
เตรียมหั่น--ซอยหอมแดง ผักชีฝรั่ง ต้นหอม ผักชี หัวข่าอ่อน ใบสะระแหน่ ไว้โลดจ้า ปรุงรสน้ำมะนาว น้ำปลา ผงชูรสนิดหน่อยคั่นบ่กินกะใส่น้ำตาลแทนได้จ้า
คั่วเนื้อหมูใส่เกลือ+น้ำปลาแดกจนสุก ปิดไฟยกหม้อออกจากเตา ใส่หนังหมู ตับหมูที่ต้มหั่นไว้ใส่นำ บีบมะนาวใส่หอมแดง ข้าวคั่ว พริกป่น น้ำปลาคนเร็วๆชิมเบิ่งขาดหยังกะเติมเอง
แล้วใส่หอมต่างๆคน2-3เทือ เทใส่จานโรยใบสะระแหน่ ทอนี่หละจ้า

เสริ์ฟกับผักสด ข้าวเหนียว อยากยอดข้าวสิหาให้ทีหลังดอกจ้า บ่อยากเอาออกอากาศ อิอิ
หนี่เป็นเมนูสุดท้ายสำหรับวันหยุดเทือนี่ ไปสู้งานก่อนจ้า พุ้นหละอีก2อาทิตย์จังสิได้เฮ็ดกับข้าวอีก ช่วงนี้กะไปกินข้าวฟรีที่ทำงานไปก่อนจ้า
แล้วกะกับข้าวที่กินบ่เบิดที่ติ๋มแช่แข็งไว้ แค่เอามาอุ่น หุงข้าว แค่นี่กะพอแล้ว แพงแฮงไว้สู้งานจ้า อิอิ