มาเด้อกินข้านำกันพี่น้อง มื้อนี่เพื่อสุขภาพคักกะยังว่า...ปลาทบทิมทอดน้ำปลา
ลงมือเฮ็ดโลดเนาะ...ล้างปลาทับทิม ซับน้ำออกให้แห้งเลย บั้งตามโตปลา ข้างละ2แผล...
เอาน้ำปลาลาดให้ทั่ว หมักไว้จัก30นาที แล้วนำไปทอด น้ำมันฮ้อนๆไปกลางๆ จนสุกดี แล้วกะเร่งไฟ
เพื่อที่ปลาจะได้บ่อมน้ำมัน แล้วกะหนังปลากรอบๆ ข้างในนุ่มๆ ตักขึ้นซับน้ำมัน
มาถึงคิวปลาแดกบอง คั่วเครื่องปรุงให้หอม มีกระเทียม หอมแดง ตะไคร้ ข่า โขลกให้แหลก
ล้างปลาแดก สับกับหมากขามเปียก เอาลงใส่ครกตำใส่กันกับเครื่องปรุง ใส่พริกคั่วป่น ใบหมากกรูดหั่นฝอย..
ตำให้แหลกลานไปเลย คึดพ้อหน้าแฟนเก่าหละโขลกให้ดังๆเลย บ่ต้องย่านครกแตก::)
ตักออกแล่นผ่านกระทะฮ้อนๆจักหน่อย พอสุก ตักใส่ถ้วย
เสริ์ฟกับผักสด ผักลวก พร้อมข้าวมันปูหุงงามๆ โอ้ยยยย...แซบจนลืมอิ่ม::) ติงคิงบ่ได้เลยหละ
ตักป้อนคนละคำ2คำ เนาะ เพิ่นว่าข้าวมันปูดีต่อสุขภาพ...กินลองเบิ่งเนาะพี่น้อง
อ้ายหล่อว่ามี โปรตีน แคลเซี่ยมสูง อยากเอิ้นเฒ่าพ่อ กับเฒ่าแม่มากินนำเด้ พี่น้องเอ้ย
มาอยู่คนละซีกโลกจังซิ้น้อ...
Bookmarks