น้องบ่ถือ เอาฐานะ มาเป็นใหญ่
บ่ร่ำรวย บ่สนใจ ดอกอ้ายจ๋า
เพียงฮักน้อง ซื่อตรง คงเส้นวา
คือแต่ก่อน ที่เป็นมา ค่าเพียงพอ
เฮือนหลังน้อย เก่าเก่า เช่าเขาอยู่
บ่งามสู้ ผู้อื่น ก็บ่ท้อ
ขอมีเพียง อ้ายกับน้อง สองคนพอ
บ่คิดขอ สิ่งมากมาย ให้อ้ายจม
สองแขนคู่ สู้งาน บ่ย่านหนัก
เอาควมฮัก ปักหลัก เป็นคู่สม
เช็ดเหงื่ออ้าย ให้เหนื่อยหาย คลายเศร้าตรม
อยู่เคียงชม ทั้งทุกข์สุข ทุกคืนวัน
อย่าฟ้าวท้อ รอมื้อหน้า ว่ากันใหม่
วันนี้อ้าย ช่วยทลาย เอาใจกั้น
สองมือกุม ให้แรงใจ กันและกัน
บ่เคยหวั่น หยันน้ำหน้า คำว่า ?จน?
Bookmarks