หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: ........................พระคุณแม่..................................

  1. #1
    เซียงข่อล่อ
    Guest

    ........................พระคุณแม่..................................


    ผู้บ่าว ผู้สาวบ้านมหาเอย............
    พนมมือ นบนอบน้อม พร้อมมะลิพวงมาลัย ด้วยหัวใจที่ใสตรง ก้มกราบลง ปงตักแม่
    ลูกอู๊แวขึ้นมาได้ ลมหายใจ ลูกยังอยู่ ยามลูกบุ๋ออกจากก้น แม่เจ็บล้น หลื่นเหลือ
    ตอนลูกเป็นก้อนเนื้อ เนาเพือ อยู่ในครรภ์ แม่สิหันยอขายก ได้ค่อยถก ยอขาก้าว
    แม่ทนหนาว แม่ทนฮ้อน ยามสินอน ค่อยทนนั่ง แม่ปวดหลังจ่องใส่ส้น ยังทนไว้บ่อหว่าหยัง
    ย้อนหว่าใจต่อตั้ง ให้ลูกครบสามสิบสอง แม่เบิ๊ดหมองเซาทุกข์ ลูกอยู่สุข คือเมืองบ้าน
    แม่อดหวานอดส้ม ขะลำขม ขะลำต่อน ยอถ้วยซดน้ำฮ้อน ให้สองเต้าได้หลั่งไหล
    ยามลูกตื่นสะเดิดไห้ ได้ตบดากเอิ้นเอาขวัญ ลูกฮวนเฮยามหิว แม่คัวหาแนวมาป้อน
    ลูกเจ็บเป็นเข็ญฮ้อน แม่อาวรณ์เป็นล้านส่วน หวนคึดพ้อเด้อหมู่เจ้า อย่าลืมเค้า คุณแม่เฮา......
    บุญคุณเฒ่าแม่นี้ หากหนักกว่าภูผา แหม่นเอาหยังมาซา บ่อถ่อคุณสองเจ้า
    แม่เคยหย่ำข้าวหมก แม่เคยจกข้าวป้อน โอบกอดนอนถนอมฮัก เฒ่าแม่เคยฟูมฟักฮักเฮาทุกวันมื้อ
    บ่อหว่าวันหรือมื้อ เวลานั้น กะพ้นผ่าน ปีเดือนเปลี่ยนไปนาน แม่ยังฮักลูกน้อย บ่เคยได้เปลี่ยนไป
    เฮาเป็นลูกควรสิได้ทดตอบแทนคุณ อย่าให้สองตายาย ได้จ่มหายามไกลบ้าน
    ควรกลับมาดูแลท่าน สองยายตาบาดยามแก่ ดูแลพ่อ ดูแลแม่ คือกับคราวก่อนกี้ สองเฒ่านั้นเบิ่งเฮา
    ฉันผู้เขียน ผู้เว้า ยกไว้หว่าง กลางใจ ขออภัยหากเขียนผิด คิดบ่ทันกะเป็นได้
    ไผผู้ลืมคุณเค้า สิทำมาค้าบ่ออก ขอบอกให้ ลูกฮู้ไว้ บุญคุณเจ้านั้นใหญ่หลวง
    ......................................ผญา ภูมิปัญญาอีสาน..........2542 : 45
    ขอนำลำลึกนึกนอบน้อม บูชาคุณพระมารดา




  2. #2
    NOTE
    Guest

    Re: ........................พระคุณแม่..................................

    รักเเม่นะครับ

  3. #3
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    Re: ........................พระคุณแม่..................................


    ............ฮักแม่................ (เว่าบ่ออก ปากบ่ได้ ใจเกินร้อย) ร้อยคำรัก กะบ่ครึ่งความรู้สึก ดอกเนาะ พี่น้อง

    ปล. เซียงข่อล่อ หายไปได๋มาน๊อ สอบเสร็จละยัง คิดฮอดเด้อน้องหล่าเอ๊ย.....

  4. #4
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    Re: ........................พระคุณแม่..................................

    แม่ครับ ผมรักแม่

    ฝากความรักถึงคุณแม่ ที่ดูแลด้วยความห่วง สุขใหญ่หลวงของลูกเจ้า อยากคืนเท่าหมื่นทวี
    ให้สุขขีอิแม่จ้า อยากเว้าจาว่าฮักแม่ ฝากแทนความดูแล คือให้แม่เป็นสุขล้ำ อยู่ค้ำฟ้าดอกสู่ยาม

  5. #5
    เซียงข่อล่อ
    Guest

    Re: ........................พระคุณแม่..................................

    Re: ........................พระคุณแม่.................................. กระทู้ต้นฉบับโดยคุณ แก้มแดงแรงใจ
    ............ฮักแม่................ (เว่าบ่ออก ปากบ่ได้ ใจเกินร้อย) ร้อยคำรัก กะบ่ครึ่งความรู้สึก ดอกเนาะ พี่น้อง

    ปล. เซียงข่อล่อ หายไปได๋มาน๊อ สอบเสร็จละยัง คิดฮอดเด้อน้องหล่าเอ๊ย.....
    ยากหลายเอื้อยเอย บ่มีมื้อเว้นว่าง บ่มีมื้อปล่อยวาง งานการมันยากยิ่ง
    แต่ว่าในความจริง ในใจจริงดวงนี้ คนิงเจ้าอยู่บ่เซา พะนะหว้า

    ..........................................ฮักแท้คือพ่อแม่เฮา...............................อ้ายทองพรานนก ฝากมา
    ฟังเด้ออ้ายสิเว้าอ้ายสิเล่าความจริง บ่ได้อิงนิทนเรื่องได๋ทั้งนั้น
    ประสบการณ์คือครูอ้ายเห็นมาหลายจั่งบอกเล่า คนฮักเฮาคักแท้คือแม่นั่นดอกผูเดียว
    ความฮักแม่บ่มีปดลดเลี้ยวใสซื่อบริสุทธิ์ ดุจดั่งน้ำหวานใสๆ อยู่ในหน่วยหมากพร้าว
    ส่วนคำเขาผู้อื่นน้นร้อยพันคำเว้าอ่อย หวานพอปานน้ำอ้อยทางใจส้มกว่าหมากนาว
    อ้ายฮักเจ้าจั่งซั้นน้องฮักอ้ายจั่งซี่ดีแหน่แต่คำจา จักสรรหามาแต่ใสเว้าไปบ่อมีสิ้น
    นี้หละนางลมลิ้นของชายอย่าได้เซื่อ บัดเขาเบื่อเจ้าแล้วสิป๋าถิ่มปล่อยวาง
    ให้น้องทวนดูบ้างทางพ่อด่านางผัดสูน หลงลิมคุณขืนความบ่เซื่อฟังพอดี้
    หนี่งคำดาของพ่อนี้มีค่ามหาศาล พันคำหวานจากซายบ่อาจมาเทียมได้
    หล่านางเอยการสิเผวซ้อนเคียงสองให้คิดห่ำ บ่อแหม่นคะลาดต้ำตำตี้งห่าแหม่นเอา
    อย่าสะหลงเด้อเจ้าห็นเขาหล่ออย่าถลำ ให้เขาคลำเขาบายสิเสียใจเดน้อง
    คันเขาฮักเฮาแท้ให้บอแม่ไปขอ เขาห้องหอมื้อไจ่งให้บายกอกตุ้ม
    ศรีปทุมคนโก้อย่าโมโหยามพ่อด่า กะย้อนหว่าฮักลูกแท้แลงเช้าจั่งค่อยเตือน
    น้องพี่เอยพ่อแม่เบิ่งอยู่เด้อหล่าถึงเวลาสิบอกกล่าว คันลูกสาวพรั่งพร้อมสิยอมให้คุ่สู่แนว
    คันเจ้าพร้อมพรั่งแล้วคือเฮีอนสามน้ำสี่ มีหยังแหน่น้องหล่าชวัญตาน้องให้ไต๋ถาม
    ฮีตสิบสองครองสิบสี่อีซ้ำคนงามอุ่นต้องศึกษา ประเพรีอีสานตั้งแต่โดนคราวกี้
    คันเฮ็ดได้จั่งซี้ฮู้ประเพณีเบิ๊ดสู่บ่อน คันสิมีคู่ซ้อนพ่อนั้นหากข่อขีนนางเอย
    ฮู้แล้วไป่น้องหล่าผญาเล่าเว้าขานไข หว่าผู้ได๋ฮักเฮาจริงบ่อมีลวงล้อ
    พ่อเพิ่นด่า แม่เพิ่นฮ้าย ย้อนฮักหลายดอกน้องพี่ ฮักอยู่ในโลกนี้มีแท้พ่อแม่ตน นางเอยฯ

  6. #6
    NOTE
    Guest

    Re: ........................พระคุณแม่..................................

    พระคุณของเเม่อยากเเท้เปรียบปาน เเม่ทุกข์เเม่ทรมาร ค่อยไปถามพรศักดิ์ ส่องเเสงเอาเด้อ

  7. #7
    sinponglang
    Guest

    Re: ........................พระคุณแม่..................................

    พี่น้องเอย....
    ไทยเดียวกันสัมพันธ์เว้า เฮาคนไทยไกลบ้างช่อง
    ฮีตอีสานสืบคอง แผ่นดินทองค่าล้าน มาสานคล้องส่องกวี
    อันผญาว่านี้ ของดีลื่น ราคาหลาย
    ประมาณไปเป็นเงิน จั่งแม่นเกินสิตีได้
    ขออภัยเมธีฮู้ ผู้เป็นครูไว้สาก่อน
    ปราชญ์ผู้เก่งอำนวยพร ขอให้กลอนเว้ามื้อนี้
    มีแนวต้อนได้คึดนำ
    มื้อนี้มาฝากย้ำ คำเก่าเก่าให้เฮาจด
    คุณมารดรให้แทนทด คุณบิดาอย่าลืมได้
    อั่นแนวได๋เคยผิดพลั้ง ให้หันหลังอย่าเดินผ่าน
    ขอเตือนลูกชาวอีสาน บ้านหมู่เฮาเจ้าและข่อย
    อย่าลืมแท้พ่อแม่เฮา
    ทำหน้าที่ลูกเต้า ให้เต็มค่าอย่าแปรผัน
    คุณความดีของวานวัน สิส่งผลให้คนโก้
    อย่าทำโชว์ให้คนย้อง ให้ทำโดยใจเที่ยงแถ่ (เที่ยงแท้)
    ให้ฮักพ่อฮักแม่ ให้คอยแลหล่ำจ้อง
    อย่ามองข้ามเรื่องคุณ
    ห้าข้อเฮาคงสิคุ้น คือหน้าที่ลูกชายหญิง
    คือความจริงที่ควรเฮ็ด ให้สมบูรณ์พูนเพิ่ม
    คือแต่เดิมดาได้ แหม่นผู้ได๋เลี้ยงเบิ่ง
    ตลอดกาลแต่นานเหิ่ง สุขเลิงเลิงอยู่ได้
    ย้อนสองไท้เผิ่นเบิ่งแยง
    ข้อที่หนึ่ง...น้ำใจลูกอย่าสิแล้ง ให้เพียรหล่ำแทนคุณ
    ตอบการุณมารดา อย่าผัดวันประกันพรุ่ง
    ได้กินปลากินกุ้ง ให้คิดเห็นพ่อกับแม่
    ให้สมเผิ่นที่คอยแล เลี้ยงหมู่เฮาเจ้าและข่อย
    สอยลอยขึ้นใหญ่มา
    ข้อที่สองเด้อลูกหล่า ให้ฝักใฝ่ในการงาน
    พ่อเอิ้นจามารดาขาน ฟ้าวซ่อยงานอย่ามีเบี้ยน
    ให้ลูกเพียรขยันสู้ บู๋การงานอย่ามีจ่ม
    เฮ็ดหน้าที่ลูกให้สม ซ่อยการงานพ่อแม่เจ้า
    เฮาสิได้ดอกต่อนคำ
    ข้อที่สามให้เจ้าค้ำ ดำรงสืบพงษ์พันธ์
    ให้ลูกขันอาสา อย่าให้สูญตระกูลท่าน
    อย่าให้พันธ์ตระกูลนี้ เฮ็ดบ่อดีไทบ้านด่า
    ให้คนเห็นคุณค่า นามสกุลลูกแม่นี่
    มีดีแท้บ่อเสื่อมหาย
    ข้อที่สี่เด้อเอื้อยอ้าย สหายเสี่ยวเคยเกลียวกลม
    ทำโตดีให้เผิ่นชม จั่งสิสมพระคุณเลี้ยง
    บ่อมีเถียงบ่อมีป้อย ฮอยความดีสิมีป่ง
    บาทและเบี้ยสิแก่นถ่ง มรดกผู้เฒ่า
    สิยอเต้าเจ้าผู้เดียว
    ข้อที่ห้าเจ้าอย่าเบี้ยว คุณพ่อแม่ให้แลเห็น
    อย่าสิเป็นลูกผัน อกตัญญูแท้
    บาดยามเป็นบาดยามแย่ พ่อแม่ตายจำไว้อุ่น
    ให้ลูกซ่อยทำบุญ อุทิศทานให้เผิ่นบ้าง
    อย่ามัวนิ่งอยู่เฉย
    เผิ่นสิยิ้มอยู่เป้ยเป้ย คันลูกฮักบ่อลืมคุณ
    หมั่นทำบุญสุนทาน หมั่นสืบสานความดีไว้
    ความที่ใขในวันนี้ คือความดีลูกควรฮ่ำ
    ลูกของแม่ให้จดจำ ทำหน้าที่ลูกเต้า
    ให้สมพื้นพ่อแม่เฮา...แหน่เด้อ... ลูกอีแม่เอย...ลูกอีพ่อเอ้ย...ฯ


    แต่งโดย.....หนุ่มภูไทพลัดถิ่น สินธุ์ โปงลาง
    12 สิงหาคม 2550
    คิดฮอดอีแม่ กะเลยแต่งผญานี้ขึ้นครับ

  8. #8
    แบ่งปันความรู้และประสบการณ์ สัญลักษณ์ของ konjaidee
    วันที่สมัคร
    May 2007
    กระทู้
    14
    อ่านแล้วคิดฮอดอีแมอยู่บ้านเด้

  9. #9
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,552
    บ่มีแม่.......กะบ่มีลูกในมื่อนี่
    ลูกจะเป็นคนที่ดี
    ตอบแทนพระคุณ
    บ่มีคำที่จะมาบรรบาย
    อธิบายคำว่ารักคำนี่
    บ่มีคำที่จะมาแทนที่
    บ่มีคำที่จะยิ่งใหญ่กว่าคำนี้
    คำที่มีความหมายว่า


    "ลูกรักแม่ครับ"

  10. #10
    แบ่งปันความรู้และประสบการณ์ สัญลักษณ์ของ นวรัตน์
    วันที่สมัคร
    Feb 2008
    กระทู้
    785
    บ่กล้าบอกต่อหน้าแม่บอกออกอากาศกะได้

    :) แม่ครับผมรักแม่ :)




    [WMA]http://download-v5.streamload.com/Y76uCIVP~wXyt~zv3r~DL9F~5P0TnK3nEG6-/mr_lek/FileManager/emunn.mp3[/WMA]

    :)

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •