หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 18

หัวข้อ: ย้านบ่มีชาติหน้า

  1. #1
    NONGNAN
    Guest

    ย้านบ่มีชาติหน้า

    ถ้าสวรรค์เพิ่นรับประกันว่ามีชาติหน้า
    น้องเองก้อคงกล้า ตัดใจลาไปจากพี่
    ถึงบ่ได้ฮักในชาตินี้ ขอพบพี่ในชาติหน้า หวังว่าฟ้าสิเป็นใจ...
    ย้อนสวรรค์เพิ่นใจร้าย เว้าไปหลายอยากอายหมู่
    หลงฮักคนเขามีคู่ มาอดสูใจแท้ สิยอมแพ้แล้วตัดใจ
    เทวดาใจร้าย ถามคำเดียวสิตอบบ่ มีบ่น๊อชาติหน้า ไผ๋สิกล้ารับประกัน..


    ย้อนว่า ?ย้านบ่มีชาติหน้า? บ่กล้าลาไกลพี่
    แค่ได้รักชั่วชีวี บ่ขอหนีไกลอ้าย บ่ขอย้ายไปฮักไผ๋
    หากตราบได๋แดดยังใสแสงส่องฟ้า ปลายังอาศัยสายน้ำอยู่
    ป่ายังคู่แผ่นดินไว้ หัวใจน้องบ่เปลี่ยนผัน เพราะ "ย้านชาติหน้านั้น...บ่มี


  2. #2
    ฝ่ายเทคนิคและโปรแกรม สัญลักษณ์ของ เต็มใจให้เธอ
    วันที่สมัคร
    Jul 2007
    ที่อยู่
    ดอกคูณ เสียงแคน ขอนแก่น
    กระทู้
    1,340
    บล็อก
    6

    Re: ย้านบ่มีชาติหน้า

    ย้านบ่มีชาติหน้า

  3. #3
    Himawari
    Guest

    Re: ย้านบ่มีชาติหน้า


    ****ย่านบ่มีชาติหน้า****

    ถ้าหากสวรรค์กล้ารับประกันว่ามีชาติหน้า
    น้องอาจสิหา สิหาวิธีห้ามใจฮักอ้าย
    เมื่อเทวดาบ่กล้ายืนยันถึงชาติต่อไป
    น้องจึงขอเททั้งใจฮักอ้าย ลงในชาตินี้
    ตอบแทนไมตรีแทนฮักที่มีที่อ้ายมีให้
    สื่อมอบความหมายฮักที่จริงใจให้อ้ายเต็มที่
    หัวใจจนๆถูกใครสักคนฮักมากอย่างนี้
    เวลาชาติเดียวที่มีย่านทำดีแทนคุณบ่พอ
    หนักบ่ท้อเหนื่อยน้องก็บ่แคร์
    ขอเพียงแต่ได้สิทธิดูแลได้ทำดีต่อ
    ยื่นผ้าซับเหงื่อ ซักเสื้อเปื้อนเหงา ขัดรองเท้ารอ
    ทางใจเป็นหลุมเป็นบ่ ก็ขออยู่คู่เคียงฝัน
    ในเมื่อสวรรค์บ่รับประกันว่ามีชาติหน้า
    น้องจึงรักษาทุกเสี้ยวเวลาเพื่อใจฮักมั่น
    ทุ่มเททุกอย่างเพื่อจะปูทางให้เราคู่กัน
    ทำดีกับอ้ายทุกวันเพราะย่านชาติหน้าบ่มี
    สิขอฮักอ้ายทุกวันเพราะย่านบ่มีชาติหน้า



  4. #4
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    Re: ย้านบ่มีชาติหน้า

    หล้านางเอ้ย คันสิรอชาติหน้า อ้ายคิดว่ามันไกล ย่านแต่ไปคนละทาง ห่างกันคนละก้ำ
    ย่านแต่กรรมเวรม้าง บ่เห็นทางสิพ่ออุ่น ย่านแต่บุญบ่ส่งยู้ ให้เห็นเจ้าชาติสิมา ย่านแต่ไกลไปหน้า
    คือกุลาหาบนุ่น บุญพี่ชายเฮ็ดไว้น้อย แม้นคอยได้กะบ่เห็น นางเอ้ย


  5. #5
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    Re: ย้านบ่มีชาติหน้า



    ...ย้านบ่มีชาติหน้า บ่ขอลาไปจากพี่
    ขอติดตามในชาตินี้ ชาติหน้าน้องบ่สน
    ทุกตัวตนของอ้าย น้องบ่หน่ายแปรผัน
    ทุกคืนวันเฝ้าห่วงหา ผลาชายบ่มีเว้น


    ในชาตินี้น้องขอเอา ฮ่วมเข้ายอพาขวัญ
    ได้จับมือเช็ดเหงื่อนั้น แบ่งปันฝันกับญาอ้าย
    สิขอหมายเคียงเจ้า บ่ขอเนาไปเป็นอื่น
    เถิงสิบืนอยู่ฟากฟ้า สิขอถื้นทกเอา........เด........ชายเอ้ย....



  6. #6
    ฝ่ายเทคนิคและโปรแกรม สัญลักษณ์ของ เต็มใจให้เธอ
    วันที่สมัคร
    Jul 2007
    ที่อยู่
    ดอกคูณ เสียงแคน ขอนแก่น
    กระทู้
    1,340
    บล็อก
    6

    Re: ย้านบ่มีชาติหน้า

    ถึงแม้นความหวังแสนริบหรี่กะสิขอสานต่อ บ่ขอรอเจ้าแม่นชาติหน้า เพราะใจอ้ายแม่นฮักแฮง
    ....บ่าวเต็มย้านบ่มีชาติหน้าคือกันครับ ตอนนี้กะสิขอฮักเพิ่นไปแบบนี้ดอกครับ
    จนกว่าว่าจะสิ้นลมหายใจพู้นล่ะ ....ถึงแม้ว่าชาตินี้สิบ่สมหวังกะตามส่าง
    กะยังดีใจที่ได้มีความฮักกับเพิ่นอยู่.....อยากบอกว่าฮักเจ้าหมดหัวใจ....


  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: ย้านบ่มีชาติหน้า

    @ ย้านบ่อมีชาติหน่า ย้อนว่าเพิ่นไปคุม มันมาสุมหัวใจ ดั่งไฟลนจี้
    พากันหนีไปหาหม่อง โรงยาบาลคุมกำเนิด ยากนำเกิดบ่อได้ ไผเด้สิซ่อยซู
    อันความฮักกะหากฮู้ ไปเกิดใหม่แล้วเจอกัน ได้แต่เพียงความฝัน เพิ่นไปตันหนทางแล้ว
    หาเอาแนวมากั้น กันทางหม่องสิเกิด แปนเอิดเติดเด้อบัดนี้ ความฝันพี่ห่างหาย นั้นแหลว ฯฯฯ

  8. #8
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    Re: ย้านบ่มีชาติหน้า

    เพิ่นยังว่าบุญกุศลสร้าง สิเป็นทางยู่ส่ง อานิสงส์ส่งอยู่ แม่นตันไว้กะบ่เหลือ อิอิ
    แต่เดียวนี้คนหากบ่อ่าวเอื้อ เอาใจต่อทางบุญ หาแต่ทุนกำไรเสีย เรื่องบ่ดีมาโอมท้อน
    ย้อนว่าเป็นแนวนี้เพิ่นจั้งมีวิธี ให้ผู้หญิงคุมกำเนิด ไผอยากเกิดใหม่ได้ อย่าไลถิ่มเรื่องศีล
    เพิ่นว่าศีลข้อห้า ตั้งแต่ข้อปาณา ให้พากันเอาใจใส่ สุราเมมาต่อท้ายขยายข้อต่อเติม
    หม่องนี้หละสิเริ่มให้เกิดใหม่ภายหลัง บ่มีหยังสิมาขวางแม่นสิตันกะมาได้ พี่น้องเอ้ย

    (เพิ่นว่าศีลห้าเป็นหลักมนุษยธรรมคือธรรมที่สิให้เกิดเป็นมนุษย์ว่าสั้นเด้)



  9. #9
    แบ่งปันความรู้และประสบการณ์
    วันที่สมัคร
    Jun 2006
    กระทู้
    37

    Re: ย้านบ่มีชาติหน้า

    เเม่นครับ...
    ถ้าชาติหน้าบ่มีเด้อสั้น...เอ็ดจั๋งได๋...

  10. #10
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ถ้าชาติหน้าบ่มีเด้อสั้น...เอ็ดจั๋งได๋...

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •