กำลังแสดงผล 1 ถึง 6 จากทั้งหมด 6

หัวข้อ: ผญา..น้ำตาผู้แพ้...V.2

  1. #1
    poo01
    Guest

    ผญา..น้ำตาผู้แพ้...V.2

    คงบ่มีมื้อไว้เนื้อเชื่อในจิต จากเคยหวานยังกะปานยาพิษพี่ชายสิตายเมี้ยน
    คิดเถิงคำส่ำมีเสี๋ยนถั่งเอาทรวงจ้วงกระหม่อม ความตรมตรอมแล่นเข้าทื้นน้ำไหลจื้นอยู่ตา
    บ่คึดว่าน้องหล๋าสิตั๋วพี่ลงคอ อุกพอ-พออยากเอาคองัดกกเสาย่านหมู่เขาทานพื้น
    ได้ยินเพียงเสียงสะอื้น กลืนลงคยามคึดพ้อความเก่า
    กอดกกเสากินเหล้าพร้อม เอามาย้อมบ่ให้อาย
    อุปสรรคฮักอ้ายบ้านเขาซ่ากันแซวแซว เคยวาวแววสังมาหมองนั่งนองน้ำตาไห้
    อุกพอปานสุมขอนฮ้อนส่ำมีไฟไหม้ ปานหัวใจสิขาดถ่อง
    ฮ้องกะได้ท่อฮ้อง นางน้องกะบ่หวน
    มีแต่ทุกข์ล้วนล้วนน้ำตาหล่นปานฝนตก ไหลฮำตาย้อยป๊กป๊กโศกกระสันหันปี้น
    หัวเถิงหมอนนอนแดดิ้น เวียนวินกลิ้งเกลื่อน
    บ่อยู่เฮือนกินแต่เหล้าย่างเลาะบ้าน ให้คนป้อยจ่อยผอม
    เทื่อคึดสั้นคึดจ้อมอยากตายมับให้มันสม ฟาดเหล้าขาวไปหลายกลมย่างเซไปเต๋ฮั้ว
    ย้อนสาวตั๋วหัวใจแล้ง บ่สมแพงบ่สมฮัก
    ยังกะปานไก่แม่ฟักอยู่กับหม๋องฮ้องแล้ว ไห้เป็นไข้บ่ใส่ยา
    ซึ้งแก่ใจอ้ายแล้วหล๋าคำว่าคนอกหัก อดีตหลอนได้นอนซักจ่มนำทุกคำข้าว
    ยอมผิดศีลนั่งกินเหล้า กะยังเหงาบ่อาจซ่วง
    เป็นบ้า-บ้าป่วง-ป่วงลวงกันนอ น้องหล๋าหวังสิฆ่าพี่หรือ
    นับแต่มื้อสืบมื้อน้ำตาหล่นคนตกอับ มื้อกี่หนบ่ทนนับก่องน้ำตาบูชาแพ้
    ไผสิมาอาสาแก้รักษาแผลยังถ้าอยู่ ไผบ่เป็นบ่อาจฮู้ยามซู้ต่างกะใจ
    ฝากน้ำตาผู้แพ้ไว้ให้ไหลหล่นลงดิน ธรนินทร์เป็นพยานว่าวินานพังแล้ว
    เหลือแต่แผลกับแป้วบนฤดีที่ระลึก เจ็บแล้วจำในสำนึกฮักแฮ่งหลายอ้ายจั่งเศร้า
    เป็นอุก-อึกเอ้า-เอ้าบาดยามเจ้าต่างกะใจ นางเอย น้องหล๋าเอ้ย........
    ................................................จบแล้วเด้อพี่น้อง........................................................


  2. #2
    Himawari
    Guest

    Re: ผญา..น้ำตาผู้แพ้...V.2

    ซึ้งอีหลี อ้ายเอ้ย ถืกใจบัวจังซี่ เอาไป 1แต้มเด้อจ้า อ้ายบ่าวภู

  3. #3
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    Re: ผญา..น้ำตาผู้แพ้...V.2

    ปาด ผญาเพิ่นมาคือยาวคักแท้สิบ่ได้ป่าแคนใส่นำพุ้นบ่นี่ อิอิ

  4. #4
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    Re: ผญา..น้ำตาผู้แพ้...V.2

    ย่านแต่ไกลไปหน้าบ่หวนมาคือเก่า แม่นสิเหมารถแท็กซี้นำส้นกะเถิง
    ได้แต่แหงนคอตั้งบ่มีหวังอีกคือเก่าแม่นสิเอา f.16 เซิ้นทั้วฟ้าบ่มีได้ว่าสิเห็น นางเอ้ย

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23

    Re: ผญา..น้ำตาผู้แพ้...V.2

    จักหยั้งเนาะจารย์..เทิ้งแท๊กซี่ เทิ้ง เอฟ สิบหก..ผญา เพิ่นกะดาย..

  6. #6
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    Re: ผญา..น้ำตาผู้แพ้...V.2

    มันบ่มีความสิเว้ากะเลยเอามาว่า หาซอกความสิเอ้ยอ้างมันตันตื้ออยู่สมอง
    เลยคิดเอาว่ามันคล่อง เป็นทำนองพอได้ว่า คิดทั่วดินฮอดฟ้าหาความเว้ากะบ่มีสั้นดอก ก่อสิเอามาว่านี่กะดาย
    อิๆๆ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •