อ้างข้อความนี้ดีมากน้องเอาอาหารหลากหลายมานําเสนอ...ยิ่งเป็นการดี////แต่ว่าอ้ายคือสิบ่อมีวาสนาได้กินหรอกครับอั้นปลาม่อนๆนี้ อิอิๆๆ
แลงนี่บ่กินข้าว แต่กินอย่างอื่นแทน 1ในนั่นคือ ต้มโคล้ง โดยปกติติ๋มเป็นคนมักกับข้าวรสจัด เผ็ด เปรี้ยว เค็ม
ห้ามหวาน ไปค้นตู้แช่แข็งได้ปลาแซลมอนมา 4 ชิ้น
กะเลยต้มโคล้งซะ กินผู้เดียวชิ้นเดียวกะอิ่มแล้ว แต่นี่เป็นคนเฮ็ดหยังหน่อยๆบ่เป็น ต้มเบิดทั้ง 4 ชิ้นหั่นหละจ้า
เครื่องปรุงที่เตรียมไว้มี ปลาแซลมอน เห็ดแซมปิญอง ต้นหอมหั่น ผักชีฝรั่งหั่น ผักชีหั่นให้เป็นท่อน ใบมะกรูดฉีก
มะเขือเทศผ่าชีก พริกขี้หนูแห้งทอด พริกขี้หนูทุบพอแตก น้ำหมากนาว
คั่วหอมแดงทุบ กระเทียมทุบ ข่าหั่นแว่น ตะไคร้หั่นแฉลบนำไปคั่วให้หอม
เอาน้ำใส่หม้อ้มให้เดือด ใส่เครื่องที่คั่วลงไป พอเดือดอีกเทือใส่ปลา ปรุงรสด้วยเกลือ ซีอิ๊วขาว
น้ำหมากขามเปียก ห้ามคนพอเดือดใส่เห็ด ใส่มะเขือเทศ
ชิมรส บ่ต้องเค็ม บ่ต้องเปรี้ยวหลายดอกจ้า เดี๋ยวไปปรุงต่อในถ้วย พอเห็ดสุกใส่ต้นหอม+ผักชีฝรั่ง ปิดไฟ
เอาพริกขี้หนูทุบใส่ถ้วย ใส่น้ำหมากนาวนิดหน่อย น้ำปลานิดหน่อย
ตักต้มใส่ลงในถ้วย โรยด้วยพริกขี้หนูทอด ใบผักชี เชิญแซบจ้า หาเอาเด้อจ้าเครื่องดื่ม คั้นอยากให้เลี้ยงกะมายาม อิอิอิ
ขอใกล้ๆอีกจักภาพ อ้ายเซียงจ๋า ถ้ากระทู้ติ๋มหลายไป อนุญาตให้ลบกระทู้เก่าๆได้เด้อจ้า บ่ว่ากัน
แก้ไขครั้งสุดท้ายโดย ติ๋ม เปอร์โย; 28-03-2010 at 01:14.
ดีมากน้องเอาอาหารหลากหลายมานําเสนอ...ยิ่งเป็นการดี////แต่ว่าอ้ายคือสิบ่อมีวาสนาได้กินหรอกครับอั้นปลาม่อนๆนี้ อิอิๆๆ
จาแมนน้อ คือมักเอาแนวกินมาล่อกันยามเดิกแท่หล่ะน้องติ๋ม..เป็นตาซังเนาะ // คือเป็นตาแซบแท่หล่ะ มามะ จงมา ๆ มาลงพุงตูซะโดยดี อิอิ ล่ายบ้าพุเดียวกะเป็นน้อ....ย่อนควมหิวจังล่ายบ้า น้องติ๋มจ๋าส่งมาแน พอให่อ้ายได้ซิมแก้ ท้องงอแงให่มันส่วงตั้วหล่ะนาง..
ขอบคุณจ้าอ้ายเซียงที่ย้อง เอิ๊กกๆ//อ้ายเซียงปีหน่าเมื้อยามสิไปแกงสู่กินเบิ่งดอกจักหม้อ แซบอยู่อ้าย กะหาปลาค่อบ่ได้จ้า กะเลยดัดแปลง ใช้ได้จ้า อิอิ
ติ๋มขอโทษอ้ายพรรณาฯที่เฮ็ดให้หิว 5555+++คือหยอกกันคักแท้บุหละ  อิอิ
นี่หล่ะโตหยุ่งขี่ดื้อคักกะยังวาเป็นเด็กน้อยมาหาแซววัยรุ่นได้จังใด๋...ย่านได้เอาไปอบรมเข้มก่อนยุดอก/// หิวอิหลีแหล่วน้องติ๋ม สีสันบาดตาบาดใจเข่าหม้อนึงกะสิเบิดพุ่นแหล่วอ้ายวา
ป้าด....ตาแซ่บแท้ เบิ่งซงคือสิรสจัดจ้านเนาะสาวติ๋ม ขอบคุณเด้อที่เอารูปมายั่วกันยามเดิก มื้ออื่นสิไปซื้อมาต้มคือกันละข่อย ฮิๆๆๆ :) :)
หิวตะเส่าเลย น้องติ๋มเอามายั่วพยาธิตะเส่า ใช้ปลาค่อ (ช่อน) บ้านเฮาแทนกะสิได่ยุเดะเนาะ ปลาม่อนๆนิทางโคราชโลละเกือบ 500 กลืนบ่ลง อิ อิ ..
1แต้มนะคะสำหรับแนวดี ๆ
เอ...คันบ่อมีปลาแซลมอน เอาปลาซาร์ดีน เฮ็ดได้บ่อน่อคะรับ คุณแม่ครัว..
อยากกินแต่ซุปเห็ดแซมปิญองหั่นหล่ะข่อย...ซุปเห็ดฝรั่งเบิ่งเด้เน๊าะ...ใส่น้ำปลาแดกหลายๆ....เอิ๊กส์ๆๆๆ
แซบคักอิหลีจ้าสาว lucy ลองเฮ็ดเบิ่งเด้อ รสจัดจ้านคักอยู่แหล่วน้ำแกงติ๋ม ห้ามสะมักน้ำแกงเด้อ บอกไว้ก่อน อิอิ
เอื้อยไก่ขอบคุณหลายๆจ้าสำหรับกำลังใจให้คืนทุกคนคือกันจ้า กะย่อนหาปลาค่อบ่ได้หละพี่กะเลยได้เฮ็ดไปทั่ว แซลมอนหาง่ายกว่าปลาค่อเนาะทางนี่
อ้ายทิดคำศรีติ๋มว่าเข้าท่าเด๋อ้าย ต้มโคล้งปลากระป๋อง คือสิแซบไปอีกแบบ ลองเบิ่งเด้ออ้าย
เห็ดนี่กะปิ้งซุปได้คือกันหละอ้าย แต่กะบ่แซบบ่หอมคือเห็ดไค เห็ดเฟืองบ้านเฮาดอกจ้า อยู่เมืองไทยกินเห็ดไทยๆหั่นหละดีแล้ว
