กำลังแสดงผล 1 ถึง 10 จากทั้งหมด 10

หัวข้อ: .....ชาติหน้าพ้อกันแน่เด้อ..........

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    .....ชาติหน้าพ้อกันแน่เด้อ..........



    หากแม่นมีชาติหน้า ขออาสาพ้อเจ้าก่อน อ้ายขอซ้อนฮักเจ้า แต่ต้นเค้าจนว่าปลาย
    แม่นฮักหลายเด้อชาตินี้ อ้ายฮักซ่ำชีวี จนบ่มีมื้อสิปล่อย หากสิว่าเกินร้อย กะยังน้อยพุ้นตั๊วคน
    ขอชาตินี้ให้ผ่านพ้น จักแม่นทนคักหลายเด่ จักแม่นไกลกันหลายเด๊ เจ้าผู้สวยล้ำค่า ผลาอ้ายกะแค่มอง

    สิประคองนบดินฟ้า หากแม่นมีชาติหน้า ให้ผู้ข้าพ้อกันแน่ อย่าคือชาตินี้แท้ สิเป็นบ้าอยู่ผู้เดียว
    สุดทางเทียวไปเนี่ยวรั้ง เหมิดความหวังเป็นบ้าเห่อ มีแต่นอนฝันเผ้อ ละเมอเศร้าดิ้นดั่นแด
    จักแม่นแพ้เขาเอาฮ้าย มาสวยหลายเขาพ้อก่อน เป็นละครบทเศร้า ได้ฮักเจ้าบัดเผิ่นแซง

    หลงฮักแพงปานหน่วยแก้ว คือแนวหนึ่งของหัวใจ สิหึงหวงเจ้าซ่ำได๋ ไปเอามาบ่มีได้
    แค่น้อยใจถ่อนหล่ะหล่า ย่อนว่าโชควาสนา บุญผลาน้อยทุกสิ่ง
    หากชาติหน้ามีจริง ทานทุกสิ่งที่เฮ็ดไว้า ขอให้พ้อเจ้าผู้เดียว
    อย่ามีหยังมาข้องเกี้ยว ให้เลี้ยวห่างทางหัวใจ ไปทางได๋กะให้เจอ ให้พบเธอเด้อคนนี้

    ทุกเดือนปีขอเห็นหน้า ขอถนอมบูชา รักท่อฟ้า บ่มีหวั่น
    แม่นกลางคืนหรือกลางวัน ขอคงหมั่นรักหวานจ้อย สิออยเว้าดอกแต่เธอ น้องหล่าเอ๊ย

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,148
    จัดไปละครับ 5 ดาว สำหรับ ผญาซาติหน้าค่อยพ้อกัน

    ซาตินี้เพียงได้คิดถึง 8)
    ขอบพระคุณสมาชิกและทีมงานที่เคารพรักทุกท่าน

  3. #3
    บ่าวมน
    Guest
    ขอบคุณหลายๆครับอ้ายโจ่โล่ เข้ากับชีวิตจริงของผมเลยครับ

  4. #4
    แบ่งปันความรู้และประสบการณ์ สัญลักษณ์ของ ลาวสวิส
    วันที่สมัคร
    Mar 2009
    กระทู้
    345
    ฮือๆๆๆๆ เข้าชีวิตจริงน้องนำ......

  5. #5
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    ฮักแต่เจ้าคนเดียว

    ฮักแบบนี้เข้าเอิ้นว่าฮักกาวตรา...?.ตั่วนี้ คันสิว่าความฮักขี้สูด คือสิบ่อเหนียวท่อกาว

    ว่าซั่นดอก...ฮักกะฮักโพ้ด ฮักจนติดแอดแปด ฮักจนแกะบ่อออกเนาะ

    "จงลืมเสียเถอะ อย่าให้ความหลังเปื้อนเปรอะหัวใจ

    ถ้าหากการจดจำไว้ มันไม่ทำให้ใจเราดีขึ้น

    แม้แต่ดวงตะวันยังมิอาจอยู่คู่จันทร์ยามค่ำคืน

    ใครที่เป็นของคนอื่น......ก็มิใช่ของเรา"

    ...ให้กำลังใจผู้ลางคน.....ดอกว้า.....ฮักแต่เจ้าคนเดียว

  6. #6
    ม่วนคักจ้าอ้ายโจ่โล่:g-:g-

  7. #7
    แบ่งปันความรู้และประสบการณ์ สัญลักษณ์ของ สาวพุเตย
    วันที่สมัคร
    Apr 2009
    กระทู้
    298
    เริดดดดดดดดดดดดดดดดดค๊า.... เริด....น้องกะสิขอพบอ้ายพุเดียว....อิอิ

  8. #8
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,229
    บล็อก
    5

    มาเชียร์..อ้ายข่อย..อิอิ

    :heart:....................:heart:
    ออนซอนเด๊......
    ออนซอนนำคำอ้าย ละเมอหมายนำผุสาว หนาวฤทัยใจสะท้าน วาจาหวานใส่ผู้เดียว
    ผู้อ้ายเกี้ยวเพิ้นบ่มอง อ้ายเลยหมองใจหม่น ตาหลูโตนพี่ชายแท้ เบิ้ดทางแก้แล้วซั้นบ้อ

    :heart:

    อย่าฟ้าวท้อเด้อชาย อย่าฟ้าวหน่ายเด้อใจพี่ ฮักอีหลีใจเย็นๆ สิได้เห็นดอกทางแก้
    เข้าทางแม่พู้นเด้ออ้าย เห็นมาหลายคนแล้วตั้ว คาแต่มั่วอยู่หน้าฮ้าน คนทางบ้านเขาสิเห็นเด้ อิอิ

    :heart:

    ให้ละเว้นซุมกิ๊กก้อน ถึงยามนอนให้เข้าบ้าน อย่าเที่ยวหว่านวาจาเกี้ยว เทียวลดเลี้ยวอยู่บ่เซา

    อย่าคึดเอาแต่ชาติหน้า ยาดเอามาโลดชาตินี้ คนดีๆคืออ้ายน้อง สาวรอจองอยู่เป็นร้อย..ตั้วละอ้าย

    :heart:

    *******
    อิอิ..จั๊กเป็นน้องหรือพี่ดอก สอนอ้ายว่านิแหมะ.. :1-:em01)
    แก้ไขครั้งสุดท้ายโดย ต่าย; 27-06-2009 at 16:36.

  9. #9
    เจ้าหน้าที่ประชาสัมพันธ์ สัญลักษณ์ของ ชายหล่ามาดามศรี
    วันที่สมัคร
    Feb 2007
    กระทู้
    762
    หากชาติหน้ามีจริง ทานทุกสิ่งที่เฮ็ดไว้ ขอให้พ้อเจ้าผู้เดียว
    ถืกใจหม่องนี้หลายอ้ายเอ่ย สุดยอด....

  10. #10
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    610
    บล็อก
    5
    ม่วนคักน้อค่ะน้อ ม่วนอีหลี ม่วนหลายๆ จ้า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •