หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: .........ขอหน้าที่แค่รักเธอ...........

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    .........ขอหน้าที่แค่รักเธอ...........



    ฮู้บ่น้อใจดวงนี้ ทุกนาทียังเป็นห่วง แม่นสิหลอกหรือลวง บ่นำทวงถามแล้ว ย่านเป็นแป้วหากเผิ่นเมิน
    หนทางเดินสิไกลไกล้ เอายิ้มใสเจ้าเป็นหมู่ เอาความฮักความเอ็นดู เป็นยาชูหัวใจชื่น ได้ยืนยิ้มเมื่อคิดถึง
    เก็บเอาความซาบซึ้ง ไว้คิดถึงมื้อล้าหล่อย เป็นแรงใจน้อย ๆ เว้านำฟ้าว่าฮักหลาย
    อ้ายบ่หวังสิย้ายดวงดารา กลางฟ้าแจ่ม ได้แต่เพียงเหลียวแนม กะพอใจแล้วหล่ะอ้าย ดีใจแท้ดอกเมื่อเห็น
    อ้ายขอเพียงหลบเล้น ยามค่ำคืนคอยยืนส่อง แอบคิดถึงแอบมอง ส่องเบิ่งดาวพราวฟ้า กะควรค่าผู้ห่างไกล
    ขอเพียงทิ่มอ้ายไว้ ให้เป็นหมู่แกมกา เป็นพฤษาอยู่เทียมดอน เป็นเห็ดขอนอยู่เทียมไม้
    ซำบายใจได้เลยหล่า ฮู้แล้วเด้อวาสนา บ่ควรค่าผู้สูงส่ง บ่หวังอาจประสงค์ ไปแซมดงดอกฟ้า ขอหน้าที่แค่รักเธอ หล่าเอ๊ย

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433


    มีหน้าที่มาฮักเจ้า เอาความเหงามาเป็นหมู่ มีความเศร้ามาเป็นครู สอนให้ฮู้หัวใจอ้าย ยามรักพ่ายกะอย่าหมอง
    อย่าหมายปองเด้อดอกฟ้า อย่าหวังคว้าดวงดาวส่อง มีหน้าที่แค่เหลียวมอง อย่าหมายปองนั่งไกล้ มันสิได้ไปขื่นขม
    คือจั่งลมพัดไม้ มาไส่กายพอสะเหม่น ได้ฮับฮู้ว่าเย็น บ่หวังเห็นสิจับต้อง กะคองชื่นรื่นอุรา
    บ่คือเดือนอาศัยฟ้า หนองนาวาปลาบ้อนอยู่ อ้ายบ่อาจสิเคียงคู่ ให้รับรู้ว่าฮักเธอ...คนงามเอย

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ได่ฮักแต่เพียงอ้าย มีควมหมายจนเกินกล่าว
    สุแลงเซ่ามีแต่เจ้า ทุกข์เศร่ากะจางหนี
    มีหน่าที่คือฮักอ้าย บ่เว้นวายหายจาก
    แม่นสิทุกข์สิยาก บ่เคยพรากจากใจน้อง..อ้ายเอ้ย
    มองต่าง..อย่างปลง

  4. #4
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139
    ส้มป่อยเอ้ย แม่นบ่อนอความเว้า สิขันเอามาเข้าฮวม
    แม่นสิทุกข์อาสาร่วม ความฮักเจ้าสิบ่อวาง
    ย้านแต่ตั๋วให้ฮ่าง หลงแนมทางจอบผ่อ
    เอาคำหวานมาล่อ พอให้ได้คิดนำ
    มันสิเป็นกรรมต้อง ตามสนองบาดเจ้าแก่ เด้หล่า
    คันฮักจริงเจ้าสิกล้า คองถ่าบ่าวพี่ซาย บ่อน้อ

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    อย่ามาหาสูนต้อยสาว(บ่)น้อยหลายซาย ฮักกันแต่บ่ก่ายไกลใกล้บ่มาแว่
    คั่นแม่นควมซายแท้แล้วอย่าเอาแต่สูนก้าน ให้มาถอนไปนำฮากเหง่าต้นหง่า
    หือแค่คำเว่าจาเย้าเหล่นเพียงหยอก สัพยอกกินงัวน้อยก้อยแล้วแจวหนี..ซั่นแหลว...

    มองต่าง..อย่างปลง

  6. #6
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139
    บ่อได้หวังสิลวงเล่น เป็นคือกาบินแส่ว
    บ่อหวังแจวมาผ่าย คือเฮือน้อยสิคอยไป
    แต่ว่าหากหวังได้ ต้นไม้ง่าสักขา
    จั่งได้แบกขวานมา สิโซนง่ามันลงพร้อม
    ทั้งหัวใจสิยอน้อม ป้อมเข้าใส่หว่างนางเดียว
    บ่อหวังยังเหง้าเดิม ตกกะเทินได้ลงป้ำ นางเอย

  7. #7
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    แนวอ้ายซากมาพ้อสิยอขวานมาตัดป่า หากบ่สมปรารถนาสิหลงป๋าปล่อยไว้พอปานไข้บ่ซ่วงเซา
    ย้านหลายเด๊ความเว้ามาตั๋วเอาบ่ฮู้ฮ่อย ผู้ใหญ่ตั๋วเด็กน้อยสิออยเล่นพอม่วนเพลิน
    สิไคแน่ถ้ามาเอิ้นไปกินเบียร์พอได้ม่วน สิมาชวนไปกินลาบ หม่องได๋แซปให้ว่ามา เด้ออ้ายเด้อ
    มองต่าง..อย่างปลง

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    @ หวังแค่ได้ฮักน้องนางนาทในมะโน บ่อหาญโสเฮียงฮักได้ฮ่ำฮอนแฮมแฮมฮ้าง
    บ่อหาญไขคำอ้างเอาพะอวนเอื้อนเอ่ย เคยแค่คำว่าห่วงเจ้าจาแจ้งแจบกะใจ
    ...ฮักกะแค่ได้ทำหน้าที่คะนิงหา ถามเถิงความเป็นมาอยู่สบายดีบ้อ
    บ่อหาญไปถามส่อความในใจให้เขาว่า ส่งแต่ความห่วงหา ฝากนภาแผ่นน้ำไกลล้ำฟากทะเล ฯฯฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  9. #9
    เซียงข่อล่อ
    Guest
    ปากก็บอกว่ารับได้ แค่เพียงฮักฝายเดียว
    เพียงได้เหลียวแลมองบ่อาจคองเคียงเจ้า
    เป็นคำปลอบใจคนเศร้าที่ฮักเขา เขาบ่ฮัก
    กะคือคนอกหักเจ็บหนักเกินทนได้
    อยากสิหนีไปให้ไกลคนหมู่มนุษย์
    อยากสิหนีให้สุดไปไห้ไกลเธอนั้น
    แทบอาสัญวายบ่วายเว้น คือสิตายกะบ่ซาง
    ย้อนหลงรักนางจนหมดใจสุดแท้ เธอนั้นบ่รับเอา
    ไปต่อบ่ได้แล้วหละ เอื้อย อ้าย เอย ฮักเขาหลายกะเจ็บปวดหลาย

  10. #10
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    เอื้อยนิผ่านไปเลยเด้อหล่า..บ่สามารถๆ ..ให้อ้ายศรี อ้ายทองคำเพิ่นพุ่นเด้อ..
    มองต่าง..อย่างปลง

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •