แด่..บรมกวีศรีคำสอย (อาวทิดศรี )

[nuzing]

แหม่นเบิ่งอีหยังละอาวทิดศรี คือเบิ่งคักเบิ่งแหน่แท่.......โอ่ ๆๆ
อยากฟัง " คำสอยจากภาพ " นี่หลายเด้ กรุณาแต่งให้ยายอ่านแหน่(หะสอยดีเนาะ ) ขอบคุณล่วงหน้าเด้อจ้าผ่ออาว

[ศรีสะท้าน]

@สอย สอย นกเค้าน้อยหลอยเข่าโกนบ่าง อันแนวค่างคล้ายกันกับลิง ยาย NUZING ให้ข้อยสอยใส่ภาพ ข้อยพออยากสิกราบ จักแม่นภาพอิหยัง ข้อยหล่ะมาคึดซังผู้เถ่าแท้หน่อ เบิ่งหยืดคอก่อด่อมาจอบเบิ่งความสอย หล่ะจั่งแม่นเพิ่นหลอยมาดีแท้ดอก ศรีกะเลยสิบอกติดต่อมาเด้อ ให้เจ้าโทรมาเบอร์๐๐๐๔๔ ข้อยสิสอยถี่ๆจนเจ้าสะจายยยยยยยย ฯ ฯ ฯ อิ อิ อิ ส่ำนี้ได้บ่อยาย โทรมาโลดสิสอยให้ฟังทางโทรศัพท์
.....ฮ่วยยยย บ่อแม่นเจ้าพาข้อยมาผิดหม่องบ้อยาย คือบ่อแม่นบอร์ดสอย ผู้ดูแลบอร์ด พิจารณาย้ายเอาเด้อ คะรับ อิ อิ อิ......

[บ่าวโจ่โล่]

ว่าสิมาต่อจักโบกเนาะ จักแม่นหยัง คือบ่มีเอาโลด ฮูปหยังลุงทิด

......สอย สอย หลอยเข้ามากะบ่มีฮูป นั่งตาตูบ กะบ่ได้เห็น ลุงศรีเล่นให้เบอร์ไว้พร้อม
เขาสิป้อมสิ่นแล่นดำเด๊ ระวังเพเด้อเฮือนลุงใหญ่ ย่านป้าไล่ไม้คานหน่ำหัว ไผสิปัวเจ้าน้อพ่อใหญ่ .....ถ้าควักมือไหว่ ๆ กะแล่นไผ แล่นมันเด้อพี่น้องเด้อ...สอยนำแน่

[ไก่น้อย]

สอย สอย สาวส่มป่อยถ่ายุกรุงเตบ สาวไก่กะเก็บกะเป๋า มื้ออื่นเส่าสิเข้าเมืองกรุง โบกมือลาบ้านทุ่ง ลาบ่าวคำศรี เฮดหน้าดำคิมี่สิไห้นำก้น นางไปบ่โดนดอก จัก3มื้อกะมา ...555+

บ่แม่นสอย บอกสื่อๆ

[ศรีสะท้าน]

..จั่งว่านี้หล่ะอาว..อิ อิ อิ...สอย สอย นกอีจู้บินข่วมทางโพ่ บ่าวโจ่โล่มาย้องใส่แม่ใหญ่หนู โฮ..สิบ่อส่ำจับปูวางลงกระด้ง ข้อยสิบ่อแอวซ้ง เจ็บหลังบ่ออาว คันแม่นย้องใส่สาวกะยังไคอยู่แหน่ นี้ย้องใส่คนแก่คราวแม่เจ้าของ ระวังเด้อสิสะหยองบีบคอจักบาด สิบ่อลิ้นคาดลาดปลิ้นออกสองวา มาคึดซังแท้หวา ทั้งอาวโจ่โล่...ฯฯฯ

[nuzing]

ยายสิ ตบ รางวัลเด้อจัก 2 จ้วบ ถูกใจหลายเอาอีกๆเด้ออาว หายากเด้อปราชญ์คำสอย
เข่ามาสอยหม่องนี่ละไหย่ ลุกหลานสิได้จื่อได้จำคำสอยนำกัน
ขอบคุณหลายอาว

ป่าวโจ่โหล่ + ไก่น้อย กะเก่งบ่หยอกเนาะสอยปั๊ด..สอยแป๊ด สอย....กะเป็น อิอิอิ

[nuzing]

อาวจารย์สอย.......กรุณาเข้ามาสอยให้ยายฟังแหน่ ( เอาจากภาพนี่หละ )
อย่านอนแต่เว็นเล่นแต่ผู่สาวหลายฟ่าวเข้ามา สรอยๆๆ สิเข่ามาอ่านจ้า

[ศรีสะท้าน]

สอย สอย ใหญ่อ้านต้านศรีผ่านมาเจอ โฮ..ของเธอสังมายาวอาดหลาด ต่งอุบาทมาแต่ทางได๋ จนเสื้อในคอมมะหยิบสิขาด จั่งแม่นคักขนาดข้อยอยากฟาดจักที เอาปลาแดกดีๆปูดองใส่พร้อม ปั้นคำข้าวอ้อมป้อมคุ้ยเบิ่งนอยาย ย้านตั้งแต่แซบหลาย เลียฮอดก้นถ้วยยยยยยยยยยย ตาแซบเนาะ ตำใส่ปูดองแมะ อิ อิ อิ

ปล. ยายจ๋า ยายมาตั้งชื่อกระทู้เป็นตาข้อยอยากอายคนแท้ ข้อยบ่อมีความฮู้พอสิเป็นบรมกวีปานนั้นดอกเด้อ เปลี่ยนชื่อกระทู้ใหม่ซะเป็นหยังครับ
...ภาพแรกบ่อทันได้สอยใส่เด้อ เพราะตอนแรก มันบ่อมีภาพแมะ เดี๋ยวสอยให้ใหม่ครับ..

[nuzing]

ยายบ่เปลี่ยนเด้อ...ลูกหลานเห็นควรด้วยทุกคนแหม่นบ่ ถ้าไผมาต้อยมาเปลี่ยนกระทู้นี้ถือหว่าเป็นศัตรูหมายเลข 1
กับยายและยายสิขอลาออกจากบ้านนี้เลย..ถึงยายสิบ่มีความรู้ด้านกาพย์กลอนแต่ยายกะสัมผัสถึงความสละสลวย + ไพเราะเพราะพริ้ง
ยายมั่นใจเด้ออาว...นี่หละกวีศรีอีสานบ้านมหาของแท้....กวีศรีสะท้าน (ยายบ่ได้ยอย่องเกินจริงมีแต่ความจริงใจเด้อไหย่..)
ยายสิหาเรื่อง...มาให้สอย...ถ้าว่างกะมาสอย...เด้อคะร้า ( สอย...บักหุ่ง....อาดหลาดนี่กะคักแท่ๆจ้า )

[สาวบ้านนา]

สอย สอย ตื่นมากะเห็นนมโอ้นโต้น โอ๊ะ บ่แม่น หมากกอโอ้นโต้น ใส่เสือซันในสีชมพู อ้ายศรี อ้ายโจ่

เมิ่ดเวียก ซัมบ้อ จังเอาเสื้อซันในไปใส่ไห่หมากกอ ครั้นบ่มีหม่องไว้ ฝากคุณยายหนูซิงไปกองขาย

ตลาดนัดกะได้เด้อ ค่าบ่าวเซียงน้อย ยางผ่านมาพ้อ ซื้อไปฝากสาว สาวหมอซิ่ง นิกะวาสอย