กำลังแสดงผล 1 ถึง 5 จากทั้งหมด 5

หัวข้อ: นี่กะผญา

  1. #1
    chai33
    Guest

    รอบยิ้มพิมใจ นี่กะผญา

    ฝนตกย้อยฮำใบตองครั่ง คันสิเอิ้นสั่งชู้เฮือสิหล้มเคิ่งวัง คันสิเหลียวหลังรื้อคืนมาหาอุ่น ย้านแต่บุญบ่พร้อมกลางน้ำสิจุ่มจม

    ฝนตกยังฮู้เอื้อนเดือนหงายยังฮู้มืด บาดอ้ายมักน้องสังมาเอื้อนอิ่มบ่เป็น


  2. #2
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    อุกมโนในเนื้อ หนาวทางในคือไข้สั้น สารพันแล่นหุ้ม กุมกั้งอยู่ว่างใจ
    อันคนฮักหวังสิได้ ผัดลาไลไกลห่าง เหมิดหนทางได้นั่งโอ้ มโนม้อยเมื่อยใจ
    แสนสิทรมานฮ้าย ทางกายกะหมองหม่น สาระวนป่วงบ้า เป็นหน้าหน่ายสะอางค์
    ย้อนใจคนมาเพม้าง มันเลยต่างทางหัวใจ เหมิดอาลัยบ่หวลคิด ฮ่ำคนิงคือเค้า
    คือบ่สมความเว้า แนวเคยจาแต่คราวก่อน บ่ออนซอนวาทเว้า คือเค้าแต่หลังแท้น้อ นางเอย.

  3. #3
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    จิตกระสันต์แสนเศร้า โสกากลั้นโศก โลกความเหงามาแล่นกุ่ม กุมกั้งอยู่ว่างใจ
    ย้อนว่าอยากอยู่ใกล้ ใจเลยห่วงพวงหา ในอุราหวลคิด ฮ่ำคนิงแต่นำเจ้า
    บ่มีเบาพอน้อย หัวใจลอยอยู่นำอุ่น ทูลหัวนางนาดหล้า คิดนำอ้ายแน่บ่น้อ
    อันหน่วยใจซ่างมาโพดกะด้อ ย้อนหลงมักนางหลาย ย่านแต่ตายบ่มีเหลือ มาฮักหลายแท้น้อนางเอย

  4. #4
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918

    Facebook Video

    โอ๊ย อ้ายเอ่ย มักจังดายมะสิมักคักมักแหน๋ บ่หัวใจไว่เผือ่ไผ๋แหน๋บ๊อ

    อยูไกลปานใด่น้องกะฮักคือเก่า ขอเพียงชายใจหมั่นเตื้องต่อนางน้อง

    นอนหลับหยามใด กะสิส่งใจไปหา ฮักน้องบ่ต้องฮักหลาย

    ให้ฮักหน่อยเดียว แต่ฮักด่นๆ คาหมั่นคงน้อ เอ้า อ้ายเอ้ย

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    สายัณห์ย่างชินกรกำลังเคลื่อน พวมสิเลื่อมลับไม้คงกว้างทั่วพนา
    บนท้องฟ้าทางก้ำฝ่ายตะเว็นตก ทางทิศหรดีแม่นทีวังน้ำ
    ฝูงวิหกบินข้ามคืนฮังยามค่ำ เมฆสีดำแสดเข้มเหลืองอร่ามแจ่มใส
    ดวงดอกไม้มาลัยบานก้านก่อง ยามเมื่อลมต่อยต้องขจรจี้กลิ่นหอม
    ในมโนนึกน้อมนางนาดจอมแพง ยามเมื่อแสงทองลับฮ่ำคนิงแต่นำน้อง
    ปองแปลงสร้างหวังนางเคียงคู่ ผลาบุญส่งยู้ให้ซูซ้อนหม่อมพนาง นี่แหล่ว

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •