บั้งลันดักเอี่ยน(ปลาไหล)

[บ่าวคนเดิม]

เว้านำนึ่งเอี่ยนนิ หยังบ่ทันเคยกินเด้ออาว....บ่เห็นแม่ออกเอาไปจังหันจักเทื่อ

[ไก่น้อย]

เมิดคำเว่านำไทอุบล แหล่วว...นึ่งเอี่ยน พะนะ ฮ่าๆๆๆ....โอยยเกิดได่ใหญ่มากะหัวตะเคยได้ยิน 55+ สิบ่คาวปานหยังติอ้าย..

[มั่วหน่าฮ่าน]

ต้มเปรตเบิ่งเด้...เน๊าะ....ซดน้ำฮ้อนๆgoodgood

[ตรี ศรีเมืองใหม่]

ฮ่า ฮ่า ฮ่า ไทกาสินบ่อเคยกินนึ่งเอี่ยน นึ่งเอี่ยนก็คล้ายกับนึ่งปลาทั่วไปแระน้อง เครื่องเทศดับคาวก็มีตะไคร้ใบมะกรูดคือกันกับนึ่งปลาทั่วไปฮั่นละ ที่สําคัญนึ่งทั้งตัวเด้อ.....ได้ข่าวว่าอยากไปอยู่ทางศรีเมืองใหม่แม่นบ่อ เดี๋ยวก็ได้กินแล้วละน้องนึ่งเอี่ยน อิอิๆๆ

[สาวเมืองกะสิน]

นอกจากนึ่งเอียน ที่เพิ่งสิเคยได่ยินแล้ว ตั้งแต่เกิดมาได่ใหญ่ซ่ำนี่ อยู่ทางเมืองกะสินกะเพิ่งเคยเห็นแนวดักเอียนนี่หล่ะค่ะ อย่าสิว่ากันเด้อ บ่เคยได่ยินบ่เคยได่เห็นอีหลี แล้วกะบ่เคยกินนำ เห็นแล้วย้านพร้อมพู้นแล้วค่ะ แต่ว่าเคยมีผู้เว้าให่อยู่ว่าเกิดมาเสียชาติเกิดพะนะ ที่บ่กินเอียน กะย้านเน๊าะ มันคืองูแหมอ้าย

เอื้อยไก่น้อย อยู่ยางตลาด อยู่บ้านหยังเอื้อย มีหมู่อยู่พู้นหลายคนอยู่เด้ ที่เข้ามาเรียนในเมืองกะสินแหม นางอยู่เมืองกะสินจ้า ทางทุ่งสีเมือง

[ฅนภูไท]

เนื้อเอี่ยนผุเฒ่าเพิ่นว่าคือสุดยอดของเนื้อประเภทปลา นึ่งเอี่ยนผมกะมักอยู่เฒ่าแม่เฮ็ดให้กินประจำครับ แซบอิหลีขอบอกครับ

[แม่ดอกกระโดน]

เว้าพื้นเอี่ยน อย่าหาว่าผู้ข่าเว้าถั่วทีปเด้อค่า เป็น ปัจเจกคติ

สมัยยังเป็นอีนางน้อย กะเคยไปเบิ่งเขาต้มเปรต กะย้อนอยากฮู้กะอาสาไปปิดฝากหม้อต้มเปรตให้เผิ่น
น้ำเดือดใส่ยอดมะขามอ่อน แล่วเทเอี่ยนเป๋นๆลงไป
ผู้ข่ากะจับฝาแล่วเอาครกปิดทับอีกเทื่อ
เสียงมันกะดิ้นขลุกขลั่กๆ ทรมานแฮงเด้อ ผู้บ่าว ผู้สาว
พอเสียงหมิดแล้วเปิดฝา เอี่ยนกะสิลอยคอซูปาก

ข้อยกะบ่เข้าใจ๋ ปาดคอมันก่อนจั๋งลงหม้อกะซิบ่แซบติ๊
ผู้ข่าเคยซิมเทื่อนึง ยังแยกความต่างระหว่างปลาดุกกับเอี่ยนบ่ได๋

แล่วแถวบ้านผู้ข่า บ่ไกลจากผีป่าซ้า
พอเขาล้างป่าซ้าเถื่อใด๋ พ้อเอี่ยนโต๋ถ่อแขน เหลืองอ่วยล่วย
เลิกพิสมัยเอี่ยนนับแต่นั้นมา

ซั๊นล๊า.....

[หมูหวาน]

ทันสมัยขึ้นเนาะ อั่นแนวดักแมะ อิอิ

[บ่าวดอนโบม]

ระวังงูไปหลอย อยู่ในบั้งลันเด้อ

[ฅนภูไท]

ส่วนหลายสิเป็นเอี่ยนครับเพราะงูส่วนมากบ่มุดน้ำ บั้งลันใส่อยู่ใต้น้ำงูบ่เข้าดอกครับ