หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: .......ตัดใจซะเด้อจ้า.....

  1. #1
    แบ่งปันความรู้และประสบการณ์
    วันที่สมัคร
    May 2007
    กระทู้
    184

    .......ตัดใจซะเด้อจ้า.....


    ให้ตัดใจซะเด้อจ้า คิดว่าน้องหนีป๋า ได้ไปหามีชายใหม่
    คำเคยฮักเคยอาลัย ว่าสงสัยสิฮักอ้าย เพียงแต่คล้ายซื่อ ๆ เด้อ
    อาจเป็นคำเพ้อเจ้อ ที่น้องเผลอไปเว้าไส่ แค่ช่วงหนึ่งที่หวั่นไหว หรือหัวใจลักเศร้ากะเลยเว้าว่าฮักกัน
    แต่ที่จริงหัวใจนั้น ว่าฮักกันย่านบ่แม่น อ้ายเข้ามาทดแทน ช่วงใจแปนว่าง ๆ กะเลยอ้างว่าฮักเด้อ
    ฟังหมู่เกลอได้กล่าวเว้า ฟังความเขาแล้วกะแม่น ว่าช่วงหนึ่งที่คลอนแคลน มีคนแล่นเข้ามาไกล้ กะเลยได้สิ่งทดแทน
    ฮักเป็นแฟนจั่งได๋ได้ ฮักกันไปจั่งได๋พี่ หากสิเว้าอิหลี มื้อนี้มีไหม่แล้วจ้า อำลาอ้าย บ๊ายบาย เด้อ


    .... เฮ็ดใจซะเด้ออ้าย คิดว่าน้องมีผู้ใหม่ซะเด้อจ้า กะคิดซะว่าซ่างหัวมันเถอะ.......(เขาน่าร๊ากกกกกก เนาะเว้ากะดาย จะแม่นเว้าใส่คัก).....


  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ฮ่วยยย..มาเว้าเป็นตาเหลือตน(เจ้าของ)แท้ อิ อิ อิ...มีผู้ใหม่แล้ว พะนะ โอ๊ยยย น้อ...

    @ คันเจ้ามีทางเทียวแล้วหนีแจวไปทางใหม่ อ้ายดีใจนำอีน้องเถิงหมองเศร่าสิค่อยทน
    อ้ายขอไกลจากพ้นบ่อขอกีดทางขวาง บ่อว่านางเป็นคนลวงคึดว่าชายละเมอบ้า
    อ้ายขอหนีไกลหน่าบ่อหาญมาจาปาก ความลำบากอุกอั่งเอ้าสูญเศร่ากะซ่างตาม
    วาจาคนหากดั่งน้ำเทใส่กองทราย บ่อทันดนกะเลยหายเสื่อมซึมลืมจ้อย
    ขอหันถอยคืนหลังโค้งจรรโลงใจให้หายปวด หนีไปบวชให้ส่วงเว้นเวรฮ้ายอย่าหม่ายมา ฯฯฯ

    ......อยู่ดีสำบายเด้อนางเอ้ยย อ้ายสิหนีไปบวชซะดอก ....บ่อสมหวังหลายกะดาย.....

  3. #3
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    ฟังผญาน้องสาวหล่า มีเวลามาอ้อนออย
    ฟังผุสาวส่ำน้อย มาออยเว่า มาม่วนหูแทะน่อ ...

    ปล...คิดฮอดน้องแพรจังเลย ... ฝากบอกพี่ชายนำแน่เด้อคะ 555+

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    กระทู้ต้นฉบับโดยคุณ ไก่น้อย
    ฟังผญาน้องสาวหล่า มีเวลามาอ้อนออย
    ฟังผุสาวส่ำน้อย มาออยเว่า มาม่วนหูแทะน่อ ...

    ปล...คิดฮอดน้องแพรจังเลย ... ฝากบอกพี่ชายนำแน่เด้อคะ 555+
    บู๊ยยยย ฝากบอกพี่ชายนำแหน่ พะนะ หืยยย ผ่องใสเอ้ยย เฟือเข้าแท้ดอกผู้ใด๋มีพี่ชายอ่ะ อิ อิ อิ

  5. #5
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    กระทู้ต้นฉบับโดยคุณ ศรีสะท้าน
    บู๊ยยยย ฝากบอกพี่ชายนำแหน่ พะนะ หืยยย ผ่องใสเอ้ยย เฟือเข้าแท้ดอกผู้ใด๋มีพี่ชายอ่ะ อิ อิ อิ
    ฮ่วย..ยุสื่อๆคือแข่วทางเทิงนิเป็นหยัง บ่มักติแนวสิได้หมกลาบอ่ะ หึยยย....::)

  6. #6
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    @ หล่านางเอ้ย คันแม่นบ่อได้น้องสิไปบวชเป็นสงฆ์ ไปดำรงคลองธรรมดั่งองค์มุนีเจ้า
    ขอแค่เพียงบิณฑ์เข่าจังหันเททอด หวังแค่ฮอดหลีกม้มนิพพานกว้างแก่วไกล
    ฮักบ่อได้เฮียงฮ่วมสิเนหา ขอจากลาคนไคห่างไกลกลายเว้น
    ขออย่ามีเวรต้องติดตามยามอยู่ ให้พ้อคนผู้ฮู้ให้เห็นซู้ผู้งาม เถาะเด้อออ ฯฯฯ

  7. #7
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,165
    บล็อก
    9
    สอยก่าเป็นแล่ว จับจุดว่าอ้ายศรีสอยแบบเป็นตัวอย่าง ตอไปปุ้ยก้อจะหัดเขียนคำผญา
    อ้ายศรีสอนแน๊ อยากเป็นทุกอย่าง อิ อิ

    ตัดใจเด้ออ้ายศรี ถึงแม้้ว่าอ้ายและน้องพ่กั๋นซ่าไปนอย บ่ได้เป็นเนื้อคู่กั๋น ก็ขอฮักแบบอ้าย
    แบบน้องก๋าได้ แม่นบ่ อย่าฟ่าวหนีไปบวชหลาย สงสารพระรุ่นเกาจะลำบากใจนำกับอ้าย อิ อิ

  8. #8
    แม่นน้องแพรเมืองพลบ่อน่อ คันบ่อแม่นกะบอกแนเด้อ
    ขอบคุณเด้อครับผญา แทงใจดำคัก

    ฝากฮอดคนที่บ่ออยากฮู้จักผมแล้ว

    คันบ่อฮักอ้ายบ่อเว่า คันบ่อเอาอ้ายบ่อว่า เป็นหยังน้อน้องหล่ามาตัวอ้ายตั้งหลายปี
    แต่กะดีแล้วเด้อเจ้า อ้ายสิได้ตัดใจ สิฟ้าวหาคนใหม่มาหย่าฮูฮั่วหัวใจนี่
    แม่นสิเจ็บกะสิอดเอา แม่นสิเศร้ากะสิฝืนยิ้ม บ่อให้คนได้ซ่า บ่อต้องย่านดอกน้องหล่าว่าเจ้าสิด่างพอย

    ขอหยังได้บ่อหล่า ยามพ้อหน้าได้จาเว้า พอได้ถามข่าวคราว เป็นจังได๋น้อเจ้า ซำบายดีอยู่บ่อน้อ
    ขอซำนี่หละได้บ่อ

  9. #9
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961
    คักแท้น้อเว้าไส่หน้า ว่าให้เฮ็ดใจสา ซ่ำน้องป๋าไปมีไหม่
    คนที่รักสุดหัวใจ เป็นจั่งได๋จั่งมาเว้า ให้อ้ายเศร้าดอกคักหลาย
    สิค่อยหายไปดอกหล่า เจ็บซ่ำได๋สิอดสา เอาน้ำตาเด้อเป็นหมู่
    อ้ายขอเพียงได้เฝ้าดู ขอรับรู้อยู่ห่างหน้า กะมีค่าเกินคู่ควร
    ขอสงวนความรักใคร่ เป็นส่วนหนึ่งของหัวใจ คอยอาลัยและเป็นห่วง
    แม่นสิหลอกหรือลวง บ่ขอทวงรักจากเจ้า เพียงอยากเว้าว่ารักเธอ เด้อจ้า

  10. #10
    ส.มักม่วน
    Guest
    หลีโตนบ่าวโจ่โล่ มาเว้าเป็นตาหลีโตนคักแท่น้อ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •