หน้าที่ 3 จากทั้งหมด 7 หน้า หน้าแรกหน้าแรก 12345 ... หน้าสุดท้ายหน้าสุดท้าย
กำลังแสดงผล 21 ถึง 30 จากทั้งหมด 61

หัวข้อ: @ ชมดอกไม้ @

Blogger
  1. #21
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    กระทู้ต้นฉบับโดยคุณ ผู้ก่อการรัก
    มาชมสวนดอกไม้จ้า ^_^
    @ ชมกะชมให้ถี่ถ้วนดวงมาลาคี่ไคว่ อย่าหลอยหักดอกไม้เมือบ้านแห่งตน
    คันเจ้าหักออกพ้นมันสิเก่าเสียศรี บุปผางามละออดีสิเ-่ยวเฉาเบาก้าน ฯฯฯ อิ อิ อิ

    หมายเหตุ คีไคว่ = มากมาย สลับซับซ้อน (ขวักไขว่)


  2. #22
    ผู้ช่วยผู้ใหญ่บ้านมหา สัญลักษณ์ของ lukhin_inter
    วันที่สมัคร
    Sep 2007
    ที่อยู่
    อิสานใต้ ประเทศไทย
    กระทู้
    1,860
    อ้ายศรีเจ้าขา...อ้ายศรีนี่เป็นปรมาจารย์ทางภาษาอีสานอีหลีเลยเน๊าะ ตอนแรกลูกหินอ่านก็ไม่ค่อยเข้าใจ..อ่านต่อมาก็เห็นอ้ายแปลให้คนไม่เข้าใจ...อ่านแล้วจะได้เข้าใจ(เขียนให้อ่าน แปลให้พร้อม...จ่มนำนิดนึง).ลูกหินก็เลยเข้าใจไงคะ...เดี๋ยวนี้ลูกหินรู้เรื่องเยอะขึ้นแล้วนะคะภาษาอีสานเนี๋ยะ...ขาดแต่ฝึกประสบการณ์เท่านั้นหละคะอ้าย...

  3. #23
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    @อินถวาอ้มนมสาวหลิงหล่ำ จิกจอกจ้ำจานดั้วดอกแดง
    แพงคำฮ้อยตีนดอยดาษดื่น สีซมซื่นพุ่มพั้วพายพู้นมากมี
    มืออ้ายซี้เบยบอกให้นางแนม ปุปผาแซมเครือซาวทุ้งทาวเทิงท้าง
    ใบบางซ้อนซอนลำหลายหลั่น อัศจรรย์หมู่ไม้มวลแม้งบ่อหมาง
    เห็นดอกต้างไต่ต่อกอกก มีทังสกุณานกตอดกินกายก้าน
    เห็นคนย้านเหยาะยองยื้อแหย่ง ทั้งพ่องเตาะแต่งเต้นเห็นแล้วม่วนใจ แท้นา ฯฯฯ

  4. #24
    ผู้ช่วยผู้ใหญ่บ้านมหา สัญลักษณ์ของ lukhin_inter
    วันที่สมัคร
    Sep 2007
    ที่อยู่
    อิสานใต้ ประเทศไทย
    กระทู้
    1,860
    อ้ายศรี...เจ้าคะ...แปลให้แน๋ ขอบคุณหลาย ๆ

  5. #25
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    กระทู้ต้นฉบับโดยคุณ lukhin_inter
    อ้ายศรี...เจ้าคะ...แปลให้แน๋ ขอบคุณหลาย ๆ
    อินถวาอ้มนมสาวหลิงหล่ำ จิกจอกจ้ำจานดั้วดอกแดง
    ดอกอินถวาดอกอ้มดอกนมสาวที่แลดู ดอกจิกดอกจอกดอกทองกวาวที่ออกใหม่สีแดง
    แพงคำฮ้อยตีนดอยดาษดื่น สีซมซื่นพุ่มพั้วพายพู้นมากมี
    ดอกแพงคำฮ้อยอยู่เชิงเขามีมากมาย ดอกเขยตายที่อยู่เป็นพุ่มทางนั้นก็มี
    มืออ้ายซี้เบยบอกให้นางแนม ปุปผาแซมเครือซาวทุ้งทาวเทิงท้าง
    มือพี่ชี้เอ่ยบอกให้น้องดู ดอกไม้สลับเครือที่ยื่นหาที่เกาะเกี่ยวด้านบน
    ใบบางซ้อนซอนลำหลายหลั่น อัศจรรย์หมู่ไม้มวลแม้งบ่อหมาง

    ใบบางๆซ้อนสลับกับลำต้นเป็นหลายชั้น อัศจรรย์ใจกับมวลไม้ไม่มีเบื่อหนี

    เห็นดอกต้างไต่ต่อกอกก มีทังสกุณานกตอดกินกายก้าน
    เห็นดอกต้าง(ประเภทกล้วยไม้)เกาะไต่อยู่กับลำต้นไม้ มีทั้งหมู่นกตอดกินตามกิ่งก้านและลำต้น
    เห็นคนย้านเหยาะยองยื้อแหย่ง ทั้งพ่องเตาะแต่งเต้นเห็นแล้วม่วนใจ แท้นา
    พอเห็นคนก็เดินกะย่องกะแย่งยื่นคอ ทั้งที่กระโดดโลดเต้นเห็นแล้วสำราญใจ

  6. #26
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    แนมหมู่ไม้ ผกาพันธุ์หลายหลั่น
    อัศจรรย์แจ่มจ้า บุปผาก้านก่องกวย
    พวงยาบล้วย สวยหลากพรรณะสี
    ภุมรีเซยซม ไต่ดมดวงดั้ว
    บินสนสั่ว คัวคีงกลิ้งกล่อม
    สุคนธ์หอมฮ่วงเฮ้า ลมเอ้าอูดตี
    ดวงดอกนี้ เอิ้นซื่อพรมมหา
    เป็นบุปผามงคล แต่งกลนามอ้าง
    สีเหลืองจางพวงย้อย เป็นยอยยาบหย่าง
    ดอกคูณนอเพิ่นอ้าง ชัยยะพร้อมพฤกษะพันธุ์
    เลาะเลียบขั่น ถันถี่มีแถว
    ไปตามแนวไพรสณฑ์ หมู่คนเขาท้วง
    ไปนำลวงลีล้าย กลายเห็นเป็นต่าง
    งามหลายนอหมู่ต้าง ตาลซ้อนซ่อแซม
    คือดังอินทร์แต่งแต้ม แนมฮูปสิเหนหา
    ซมมาลาสะออนอก อิ่มกะใจพระทัยท้าว
    มือโซมน้าว หอมขาวมาลาอ่อน
    ป่อนให้นางนาดน้อง แซมซ้องใส่ผม ฯ


    หมายเหตุ ยาบล้วย(ระย้า) บินสนสั่ว(บินว่อน,สับสน) คัวคีง(กลั้วกาย) พรมมหา(ชื่อดอกไม้) ยอยยาบหย่าง(ย้อยเป็นพวง) ลวง(ป่า,แนวป่า) ลีล้าย(เดินเลียบไป) ต้าง(กล้วยไม้ชนิดหนึ่ง) โซมน้าว(ประคองดึง) แซม(เสียบ) ซ้อง(มวยผม,ผมปลอม)

  7. #27
    ดวงจำปา
    Guest
    ชมมวลไม้ ดวงดอกจำปา
    ขาวมาลา ดอกพวงพีพั้ว
    ควาซมซ้อน ออนซอนสะออนกลิ่น
    หอมบ่หายจากสิ้น ใจน้องนาดแพง แม่นบ่อ้ายศรี อิ อิ อิ


    อ้ายสีมาเที่ยวเวียงจันตอนดั๋ย ก็ส่งข่าวมาล่วงหน้าก่อนเด้อ น้องสิพาเที่ยววัดทาดหลวง

  8. #28
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    เจ้าผู้จำปาต้นก้านกีบหอมไกล
    ไผเด้น้อสิได้เด็ดดอมดมซอมซ้อน
    มาสะออนแท้น้อหล้ามาลาบ้านเพิ่น
    คันบ่เกินกว่าล้านสิหาญสู้ค่าดอง


    อยู่ฟากของพุ้นติหล้าสิได้ไปยามอยู่ดอกสั้นหนะ
    อ้ายอยู่หนองคายเฮือนงอยตะฝั่งของตั้วน้อง

  9. #29
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    บู๊ยยย เพิ่นสิข่วมของไปหาผู้สาวแมะ อดว่าเฮือพาหล่มแหน่แม้ อิ อิ อิเห็นสาวผู้ดีแหน่บ่ได้ ต๊อดลอดใส่โลดดอกเพิ่น เหอ ๆ ๆ เอ้า..ว่าไปหมอ

    บัดนี้ แนมเห็นกวยแกมก้าน หอมบานซองซ่อ
    ผ่อเห็นไม้ก่องก้าน ขาวสะอ้านอ่อนแซง
    ทั้งสีแดงสลับสิ่ว ลมปลิวทวยก่อง
    คือดังแขนนาดน้อง คองเอิ้นกูกเอิน
    ผาใหญ่เยิ้น เกินอร่ามงามตา
    มีหมู่มวลมาลา พุ่มผกาพวงซ้อน
    ออนซอนเซื้อ มาลาเฝือเฟืออุ่ม
    แมลงซุมซื่นซ้อน ภมรแม้งแม่นหมาย แลนา

  10. #30
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    งามสลอนส่วย ทวยกอก้านก่อง
    สุรีย์แสงสาดต้อง เหลืองเข้มค่าคำ
    งามหลากล้ำ ภมรหล่ำนำใบ
    บางพ่องไซเกสร ส่วนสะออนเกินอ้าง
    หาไปส่าง วางฮังเดียระดาษ
    บุปผชาติสู่ซ้อน เกสรซู้สู่สม
    กลีบหล่าล้ม หลุดหล่นลงลา
    เกิดผลาผองผล เหลี่ยมมนตามเรื่อง
    มีทั้งเหลืองสุกแหล่ แลแดงแสงส่อง
    สืบสายพันธุ์พวกพ้อง ผองไม้มากมี
    เป็นดังนี้ ธรรมซาติสังขาร
    สืบวงศ์วานตามสาย แผ่กระจายบ่สูญสิ้น
    อาศัยดินผืนหญ่า นภาพางค์ทางอากาศ
    ชลธาตุแหล่งน้ำ อาศัยด้ามดั่งกัน แท้นอ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •