หน้าที่ 5 จากทั้งหมด 7 หน้า หน้าแรกหน้าแรก ... 34567 หน้าสุดท้ายหน้าสุดท้าย
กำลังแสดงผล 41 ถึง 50 จากทั้งหมด 61

หัวข้อ: @ ชมดอกไม้ @

  1. #41
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    อ้างถึง:ม่วนๆอ้าย..มะคืออารมณ์สุนทรีย์ได่ใจแท่ะหน่อ.
    ...นึกภาพสวยดอกไม้ขึ่นมางามๆเนาะกำลังย่างเล่นเบิ่ง ผีเสื้อตอมดอกไม้กับผู่บ่าว..บาดยามคึดฮอดหน่าอ้านศร ีขึ่นมาละจั่งแม่นมันเหมิดอารมณ์คัก..คริๆๆ

    เอ้อ..สุนทรีย์อยู่ แต่จักหน่อย ย้านเกิดอารมณ์สูนทุรังขึ้นมาอยู่ /หั่งว่าตั๊ว munสิตลบหลัง ทางนี้กำลังว่าสิยิ้มว่าmunย้องอยู่ บัดอ่านมาฮอดประโยคท้ายๆ หืยยย สวกเอ้ย
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  2. #42
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,412
    อันว่าดวงดอกไม้ ส่งกลิ่นประทินหอม
    ส่งไปกับสายลม เด่ดมเข้าไปใกล้
    อันว่ามาลาไม้ ยามบานจังมีกลิ่น
    อันประทินกลิ่นกลั้ว พะยอมพั่วสะมั่งดอย
    การะเกดกะบ่ย่อย หอมไปทั่วพนาดอน
    ในสิงขรวันนา หมู่กระดังงาต้น
    บ่หอมโดนเพราะมันแห้ง จำปาแดงยามมันเหี่ยว
    แมงเผิ่งเทียวแอ่นเล่น เห็นแล้วบ่อยากหนี
    นำเกษรดอกไม้ เข้าไปไส่ฮวงฮัง
    นำเกษรมวลมี ไส่น้ำหวานตุนไว้
    บาดห่ามาลาไม้ เหยลงบ่มีกลิ่น
    แมงเผิ่งบินเผ่นพ่าย หนีจ้อยฮอดบ่มอง
    เคยสัมผัสถูกต้อง ฮอดบ่เกี่ยวนำเลย
    แมงเผิ่งเคยหากิน ได้ห่างกอไกลต้น...ไปหาดอกไหม่ซั่นแหลว

  3. #43
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ชมดอกไม้ กะหากไต่อยู่นำดิน
    บ่อาจผินชมเชย ผี่เผยเกสรซ้อน
    เป็นแค่หนอนมอนบ้ง บ่เทียมองค์มาลาก่าน
    เทียวแต่กัดกิ่งก้าน บ่หาญสู้หมู่ภมร แท้นา
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  4. #44
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    เลาะมาเบิ่งหมู่ภมรแอนด์หนอนน้อย ซมดอกไม้ซือๆดอกหว๋า...
    มองต่าง..อย่างปลง

  5. #45
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,412

    อายหน้าแดง

    หมู่ภมรตอมได้ กะบินเจ้ยเจิดหนี
    เทิ่งแมงวันแมงหวี่ กะบินหนีเจิดจ้อย
    บ่คือจั่งหนอนน้อย สืบไต่อยู่นำดิน
    คันสิบินคือภมร กะบ่เป็นไปได้
    แต่หากไต่ขึ้นต้น หม่นอยู่นำก้านกิ่ง
    คลานอ้อยอิ่งเกลือกกลั้ว เฟียเล่นตามใจ
    นอนเชยชมดอกไม้ กัดก้านใบมาลาก่าน
    หาน้ำหวานกินเล่น กะดังเช่นหมู่ภมร

  6. #46
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ซมดอกซ้อน ซอนสอดเผยบาน
    ภุมรินทร์หวานไต่ตอม เต็มด้าง
    เล็บมือนางพวงย้วย แหนงกวยดอกสะมั่ง
    มวลปุปผังก่องน้าว หอมจ้าวจูบดัง

    จวบต่อตั้ง ลมถ่อมาตี
    ดอกจำปีปาหอม หมู่กะยอมหมกุ้ม
    ฝูงแมลงตอมหุ่ม ซุมดมดวงดอก
    สัพพะหยอกก่ายเกี้ยว เกินกั้นสิก่องปลายฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  7. #47
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    พุดแซมซ้อนคะยอมอ่อนหอมหวาน
    บุปผลามาลย์บานกาบติดกิ่งต้น
    ใบหุ่มห่อมดแดงแปงฮังห่อ
    ภู่สิชมเผิ้งสิพ้อกะคาซ่นดอกฮังแมง

  8. #48
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    หอมหมู่ไม้ดวงดอกลำดวน
    หอมนวลนวลหมู่มวลเอมอ้ม
    เห็นเครือล้ม ลมตีหลายหล่วง
    แนมไปดงป่ากว้าง พวงย้วยก่วยแหนง
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  9. #49
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ดวงดอกไม้คันธนาไม้ป่า
    รุกขะระสาขาแผ่มาปกไม้
    จวงจันทน์ไต้คู้ค้อมหอมอ่อน
    หอมขจรกลิ่นกุ้มกาบแก้วกาซะลอง

  10. #50
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    มาชมดอกไม้นำขะเจ้ากอนน่า.......
    โอน้อมาลาดวงดอกไม้ ภมรไพรได้หอมห่วน
    ขอเชินชวนทั้งไกลใกล้ มาซร้องไซร้ห่อดม
    กลิ่นดอกอ้มชมชวนหอมอ่อน
    มาสะออนมะลิซ้อน ภมรหุ่มหวนหา
    ดอกจำปาหอมด้วย ออกช่อสวยงามสง่า
    ฮ้อยเป็นมาลาพวงน้อยคอยห่อยใส่คอ
    งามละออพุดน้อย มาฮ้อยห่วงพวงมาลัย
    งามละมัยเป็นสายคือดอกฮักฮ้อย
    ปลายเป็นซ้อยกลีบย้อยดอกจำปี
    สารภีลือเลื่อง ดาวเลืองเหลืองอร่าม
    ตางกะงามตามช่วง พวงออกตามฤดู....นั่นแหลว.....
    แก้ไขครั้งสุดท้ายโดย จำปา; 01-12-2009 at 21:13.

หน้าที่ 5 จากทั้งหมด 7 หน้า หน้าแรกหน้าแรก ... 34567 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •