ขนมไทยๆที่เฮ็ดง่าย แต่ใช้เวลาในการทอดโดนอิหลี ติ๋มสิเฮ็ดปีละเทือถึงสองเทือ
สูตรกะบ่มีหยังหลาย น้ำตาลทราย300กรัม แป้งเฮ็ดขนมปัง500กรัม ไข่ไก่3ฟอง
กะทิหมากพร้าว1กระป๋อง ผงฟู1ช้อนชา งาตามชอบ น้ำเปล่า1กระป๋องกะทิหั่นหละ อิอิ
กวนไข่+น้ำตาลจนน้ำตาลละลาย ใส่กะทิ +แป้ง+ผงฟู กวนพอเป็นเนื้อเดียวกัน ใส่น้ำ
คนจนแป้งบ่เป็นลูกใส่งา เรียบร้อย
จัดการตั้งกระทะใส่น้ำมันพืช2ลิตร ต้มพิมพ์ขนมจนฮ้อน จุ่มพิมพ์ขนมลงในแป้ง ทอดพออยู่ตัวเคาะออกจากพิมพ์
พอขนมสุกเหลืองตักออกวางบนก้นถ้วยเล็กๆ เฮ็ดไปเลื้อยจนหมดแป้ง
กินซ่อยแหน่บาดหนี่ กินผู้เดียวบ่ไหวอิหลีจ้า ต้องขนไปแจกเพื่อนบ้าน เรื่องหยังสิอ้วนคนเดียว อิอิ
แล้วติ๋มกะเฮ็ดขนมปังไว้กินยามเช้านำกับกาแฟ เชิญม่วนกับการได้เฮ็ด ได้กินจ้า อิอิ
Bookmarks