กำลังแสดงผล 1 ถึง 3 จากทั้งหมด 3

หัวข้อ: .................มันมาอีกแล้ว..................... .....

  1. #1
    เซียงข่อล่อ
    Guest

    .................มันมาอีกแล้ว..................... .....

    มาอีกแล้วเด้อพี่น้อง เซียงข่อล่อมาแล้ว

    เซียงข่อล่อมาแล้ว....................
    มาเอาแนวไปไว้ มาเอาไข่มันไปหว่าน
    มาเอาแนว...ยาน ไปไว้ถ่าไลหมา เพิ่นว่า

    ว่าแล้วกะให้จ่มจักหน่อยแหนะ เถอะ
    บ้านมหา V 1.2 นี้จังแหม่นเนอะ กะซามสิเปิดประตูเข้าได้ จั่งแหม่นยากๆ เข้ามาแล้วสิบ่ออกจักเทื่อเบิ่ง

    ว่าแล้วกะเอิ่นพี่น้องสาก่อน
    หันมาฟังทางพี้เด้อน้องพี่อาวอา ฟังเซียงข่อล่อมาสิกล่าวจาเผยเว้า
    สิให้ซุมหมู่เจ้ามีความสุขหัวหม่วน ให้ความสุขทั่วถ่วนบ่มีขาดเขิน
    ถาม........
    เป็นจั่งได๋หล่ะหมู่เจ้า สำบายดีแหน่บ่
    เป็นจั่งได๋หมุ่เจ้า กินเข้าแล้วไป๋น้อ
    เซียงได้มาพบพ้อ บ้านมหาน้อหม่องเก่า
    หม่องที่เคยเอ่ยเว้านำเจ้าแต่ก่อนกาย
    หรือแม่นทุกข์ยากฮ้ายบ่มีเงินติดถ่งส้งสั้นบ้อ
    ยื่มนำเซียงข่อล่อ มีแล้วจั่งค่อยคืนกะได้เด้อ
    อันว่า ดอกแลต้น อย่าสับสนบ่หลายหล่ำ
    คั้นบ่มีแท้ๆ เป็ดน้อยข่อยกะเอา ................ซำนี้ก่อนเด้อ เดี่ยวมาว่าใหม่


  2. #2
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ถามแล้ว กะสิได้ตอบซั้นตั้วเนาะบาดนี่

    ได้ยินเสียงเซียงข้อล้อได้มาต่อถามเถิงซั้นดอกเทิงสับปนคนเลจ่มนำกะปานนั้น

    แนวมันเฮือนคนละบ้านบานประตูคนละป่อง ซ่องงวกพุ้นงวกพี้จักสิเข้าปองใด๋

    ซั่วสิเข้าเฮือนได้เอาจนเมื่อยพอตาย คอบว่ามันยากหลาย v.12 หลังนี้ เอ้าเข้ามาได้แล้วกะดีหละ อิอิ

    อันว่าเงินคำแก้ว อัดไพกะเขินขาดเซียงเอ้ย มีแต่ในละพ้นบาท กับเทิ่งใบละห้าร้อยเต็มปุ้งอยู่กระเป๋า

    ทุกค่ำเช้าเลาะเที่ยวหากินเว้าเรื่องทางหนี้สินแม่นบ่มีพอน้อย คันเจ้ามีจักร้อยให้ข้อยขอยืมแน่สิไปหา

    เลาะแก้พอกินข้าวล่องคอสั้นดอก อิอิ บ่เคยเป็นหนี้อยากเป็นหนี้

  3. #3
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    โอ้ท่านครูบาทั้งคู่ คันแม่นหลายปานนั้น เอามาปันผมจักหน่อย แหน่เปี๋ยง
    พอต่อชีวิตบักเซียงน้อย ผู้ยังหน่อยบักกะตาง
    เพิ่นมีหลายเพิ่นกะได้มาอ้าง สตางค์แดงเพิ่นเต็มไถ่ น้อ
    หมู่ป็ดไก้ซ้างม้า สิเต็มซ่าอั่งเฮียนตี้
    คิดยากเด้บ่าวทองคำผู้นี่ ซ่างบ่อมีคือหมู่เพิ่น แท้นอ
    ตกกะเทินได้หลงโอ้ นอนแล้งจั่งแม่นกรรม
    ย้อนว่าทุกข์ยากฮ้าย ปากก่ำกินมันหมก อ้ายเอ้ย
    คันบ่อกินหมกมัน ปากบ่อดำนอปานนี่
    คนผู้ทุกข์ดี่ดี้ มันตกหว่างคราวซวย
    แต่คอกงัวกับคอกควาย ผัดติดแอร์จนเหมิดเกลี้ยง อ้ายเอย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •