ปลายี่สก...เฮ็ดหยังกินดีน้อ...

[มั่วหน่าฮ่าน]

ได้ปลายี่สกมาครับ..โตนี่หนัก 5 กิโลเคิ่ง...ขอดเกร็ดได้เลือดเลยครับ..พี่น้อง


บ่ฮู้ว่าสิเฮ็ดหยังดี กะเลยสับแหลกๆ แล้วเอาไปตั้งไฟให้มันสุก


อีกส่วนหนึ่งกะตั้งน้ำฮ้อนเอาเครื่องต้มยำใส่..บ่ต้องบอกหล่ะมั้งว่าอีหยังแน..พอน้ำเดือดกะเอาเนื้อปลาใส่ ปรุงรสให้มันเกือบๆแซบ บ่ต้องให้มันแซบหลาย เดี๋ยวสิได้เฮ็ดดู๋..


ส่วนที่สับแหลกๆ กะยืมสูตรลาบปลาดุกพร้อมกับเครื่องปรุง...มาปรุงรสชาด...
เคล็ดลับคู่ครัว : เฮ็ดอีหยังกะอย่าเฮ็ดแซบหลาย เดี๋ยวมันสิได้กลับมาเฮ็ดอีก...(ขี่ค้านตั๊ว)..อิอิอิ

[หล่อร้อยเมตร]

ป๊าด น้ำลายไหลนำต้มปลาแหม๋น้าบ่าวมั่ว มันดีคัก... เฮ็ดส้มฟักนำเด้อยะพี่แซบคักคือกัน

[ตรี ศรีเมืองใหม่]

ป้าด//อยากยกซดต้มหัวปลาเด้เน๊าะ...เฮ็ดแจ่วพริกป่นใส่มะนาวมาพร้อมเด้อครับ จั่งแม่นสูตรมัน

[pui.lab]

วันนี้ขอรับตำแหน่งแผนกติ (อินสเปคเตอร์) ยืนเบิ่งเขาทำกับข่าวหรือว่าทำเอ็งค๊าคุณมั่ว อิ อิ

[บ่าวสายฟ้า]

โอ้ย เอา บ่วง(ช้อน) มา สิซดต้มปลา นิ เป็นตะแซบคัก

[ส.มักม่วน]

ถามแหน่จ้า ไผกะได้ตอบนิ่มแหน่ ปลายี่สกนี่ ภาษาอีสานบ้านเฮาเผิ่นเอิ้นปลาหยัง บอกแหน่จ้า

[ฟากฟ้า]

ให้กินนําแนเด้อ มาเป็นตะแซ่บแท่

[มั่วหน่าฮ่าน]

วันนี้ขอรับตำแหน่งแผนกติ (อินสเปคเตอร์) ยืนเบิ่งเขาทำกับข่าวหรือว่าทำเอ็งค๊าคุณมั่ว อิ อิ

เจ้ปุ้ยคร๊าบ...งานนี่บ่มีการแหกตาครับ..ผีมือมั่วฯล้วนๆ...เฮ็ดเป็นหลายอย่างเด้อครับ...สาวได๋เอาไปเลี้ยงเล่นๆอยู่บ้าน..หายห่วงเรื่องกับข้าวกับน้ำ...อิอิอิ

ถามแหน่จ้า ไผกะได้ตอบนิ่มแหน่ ปลายี่สกนี่ ภาษาอีสานบ้านเฮาเผิ่นเอิ้นปลาหยัง บอกแหน่จ้า

ตอบสาวมักม่วนครับ..ในภาษาอีสาน เขาเอิ้นว่า "เอิน หรือเอินตาแดง" ถ้าผุได๋มีข้อมูลหลายกว่านี่กะฟ้าวมาชี้แจงเด้อครับ..

มาเด้อพี่น้องซุผู้ซุ..คนกินต้มปลานำกัน...อิอิ ::)

[ติ๋ม เปอร์โย]

ป้าดปลาโตใหญ่ปานนี่ยังย่านหมู่บ่อิ่มตี้ ได้ยินว่าสับนิ้วเจ้าของตื่ม 55++
เนื้อปลาเป็นตาแซบเนาะ บ่เคยกินจักเทือปลายี่สก เคยกินแต่ปลาขาว+ปลาซิว อิอิ

[สาวบ้านนา]

ป้าด เห็นนํ้าต้ม คือมันหลาย ตาซดฮ้อนๆ ดูดตรงหัวปลาเนาะ เลียฮอดมือ เยี่ยมหลาย