ป่นแมงจินูน

[บ่าวอุบลมิวสิค]

แมงจินูน เป็นสัตว์ที่กินใบไม้เป็นอาหาร จินูนที่นิยมกินทั่วไปมีหลายชนิด
ประเภทและวิธีการหาแมงจินูนแต่ละอย่างกะสิพอสรุปได้ ดังนี้

๑.แมงจินูนแดงน้อย ลักษณะกะสิมีโตสีแดงแต่โตบ่ใหญ่เท่าได๋ ชนิดนี้จะมีปริมาณหลาย หาได้โดยวิธีการใต้เอา นำกกบักขาม กกโก กกเกลือ กกม่วง เป็นต้น

๒.แมงจินูนหม่น หรือ แมงจินูนแดง ที่เอิ้นแมงจินูนหม่น กะคือ เวลาเฮาไปใต้นำกกไม้ เวลากลางคืน แมงจินูนชนิดนี้ สิมีแป้งสีขาวๆปกคลุมปีกไว้ เฮ็ดให้เฮาเห็น เป็นสีหม่นๆ แต่ว่าเมื่อมันไปเฮ็ดฮู แป้งมันกะสิลบ เห็นปีกเป็นสีแดง กะเลยเอิ้นว่าแมงจินูน แดง การหากะหาได้โดยการไปหาก่น นำฮู นำตีนโคก โดยเฮาสิสังเกตุ ว่าเป็นขวยจินูน กะคือ มันสิเป็นขวย เพาะเยาะแพะแยะ ข้างๆต้นไม้ต้นน้อยๆ นั่นหละขวยจินูนแดง ส่วนถ้าเป็นขวย แต่บ่อยู่ข้างต้นไม้น้อย อย่าไปก่น บ่แม่นขวยจินูน

๓.แมงจินูนแดงใหญ่ อั่นนี่มีเป็นบางท้องที่ กะคือมันสิมีลักษณะคล้ายๆกับแมงจินูนแดงหรือแมงจินูนหม่น นี่หละแต่โตสิใหญ่กว่า โตใหญ่กว่าโป้มือพุ่นหละ วิธีหากะคือ ไปหาก่นเอาคือกัน

๔.แมงจินูนทอง หรือแมงจินูนเหลี่ยม หรือแมงเหลี่ยม กะเอิ้น แมงชนิดนี้ สิมีสีเขียวมรกต เหลี่ยมแวววาวสวยงาม โตใหญ่เติบ หาได้โดยไปหาต่อยเอานำกกบักม่วง ตามแสงไฟนีออนตามบ้าน

๕.แมงจินูน อื่นๆ เช่น แมงจินูนดำ นำกกยอ กกคูน แมงจินูนดำน้อย นำกกขาม หรือแมงจินูนอื่นๆอีกแล้วแต่ แต่ละท้องที่สิมี
แต่ที่เด่นๆคือ จินูนแดง

จินูนแดงหาได้ง่ายตามต้นผะอุง ต้นลำดวน การจับจินูนแดง ใช้ไม้ส่าว(ไม้ไผ่ขนาดยาว) ผูกปลายด้วยขวดน้ำอัดลมพลาสติกตัดคออก ให้เหลือกแต่กระบอก
เมื่อเจอจินูนแดง ก็เอากระบอกไปต่ง(รอง)แล้วก็สั่นไม้ส่าว จินูนจะตกลงในกระบอก เก็บใส่ข้องหรือขวดน้ำอัดลมพลาสติก 1.25 ลิตร หรือ 2 ลิตร ตามสะดวก

การทำกิน บางที่จะนิยมใซ้ขี้ (เอาเครื่องในออก) และเด็ดปีก เอาไปคั่วกินก็อร่อย หรือ คั่วพอหอม แล้วเอามาตำ ใส่มะม่วง น้ำปลาแดก ชูรส หอมหัวแดง แซบอีหลี

[sunaree2]

บ้านสาวภูไท ฮ้องแมงขะนุนได้หะ ออกเสียงแบบนี้เลย *แมงขะนุน*
กินแล้วแซบ แต่บ่เคยป่นลองเบิ่งจักเทื่อ...

[บ่าวอุบลมิวสิค]

สำเนียงภูไท ว่าซั่นเถาะ อิอิ

[ปลัดโตคนเดิม]

บ้านผมฮ้อง แมงกี่นุน บางคนเขากะฮ้อง แมงขนุน คือกัน.............หนุ่มภูไทไกลบ้าน........

[ผู้ก่อการรัก]

แถวบ้านพี่แม็กซ์เรียกไรไม่รู้ ไม่เห็นมีอ่ะ ไม่เคยกินด้วย แง้ว แง้ว

[aom]

อ๋อ .......ตัวจินูน อร่อยน่ะ แซบหลายเด้อ

[บ่าวสายฟ้า]

สายฟ้าเอา มาชิมแมงจินูน

[บ่าวอุบลมิวสิค]

ยามนี้จินูนลงฮู้ ไปขุดเอานำดอนป่าช้า ไปแต่เช้าจั่งสิได้ ไปสวยบ่ได้ คะเจ้าขุดเอาเบิดก่อน

[ตรี ศรีเมืองใหม่]

สุดยอดอาหารอิสานครับแมงกีนูนนี้..ตัวใหญ่ๆแกะปีก,เด็ดขา,แล้วก็เอาเครื่องในออก นํามาตําเป็นๆใส่กับบักม่วงดิบ...โอ๊ย..ดึงหูกะบ่อออก (แซบแฮง)

[บ่าวอุบลมิวสิค]