สำบายดีครับ

[บ่าวเมฆินทร์]

.::)....เกิดเป้นเซื้อซาติแฮ้งอย่าเหม็นสาปกุยกัย
เกิดเป็นคนดีสานให้ฮักแพงกันไว้
แม่นไผดีให้ซ่อยฮู่ให้ซ่อยซูอย่าฟ่าวย่านกันได้ลื่น
คันแม่นไผขี่ล่ายให้ไขแก้แม่นซ่อยกัน......::)
:g

[ศรีสะท้าน]

แม่นคะรับแม่น ขอจงสามัคคีค้ำนำกันกอดเกี่ยว สัพพะเพเบี่ยงเลี้ยวใจเสี้ยอย่าเกิดมี สิ่งใด๋ดีจงแพงไว้กระทำไปให้ถืกฮ่อม เพียรถนอมต่อตุ้มโฮมหุ่มให้แก่นหนา

[โป้ยก่าย]

ย้อนความจนจั้งทนสู้ดุดันฟันฟ่าหาทำงานรับจ้างหนีไกลบ้านถิ่นอี่สาน
แม่นสิคิดฮอดบ้านกะสิค่อยอดเอาย้อนว่าเฮาคนจนจั้งเที่ยวหางานจ้าง
บ่ได้ไลลาร้างเคหาบ่อนเคยอยู่คิดฮอดควายบักตู้เถียงนาน้อยฮ้มบักขาม
ย้อนว่านาขาดน้ำฝนบ่หลั่งรินตกนาที่เคยไถดำกะเล่ากายเป็นนาฮ้าง
จั้งได้หาทางสู้มาเสี่ยงดวงในเมืองใหญ่แม่นสิยากปานใด๋กะสิทนต่อสู่เอาใจตั้งต่องาน
ยามใด๋คิดฮอดบ้านได้แต่นั่งฟังเพลงเสียงบรรเลงพินแคนคิดฮอดแดนอี่สานกว้าง
มาเสี่ยงดวงทางหน้าคันแม่นบุญวาสนาดวงชะตาเสริมส่งสิบ่ลืมหมู่เพื่อนทางก้ำถิ่นอี่สาน แท้แหล้ว