หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 21

หัวข้อ: ......ถามข่าว...ซุมเฮาบ้านมหา.....

  1. #1
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    ......ถามข่าว...ซุมเฮาบ้านมหา.....

    ........เป็นจังได๋น๊อพี่น้อง สำบายดีอยู่หรือบ่
    คิดฮอดกันแหน่บ่น๊อ บ่ได้พบพ้อหน้าด้วยงานนี้แม่นยากหลาย
    ใจยังคิดฮอดอ้าย ซุมเอื้อยพี่ ลุง อาว อา
    บ่ได้มาแวะเวียนหา แต่กะเพียรส่งใจยู้
    กะพอรู้ข่าวบ้าง บ้านมหาเปลี่ยนแนวใหม่
    เป็นเวอร์ชั่นที่สดใส ไผมาเห็นกะอยากเว่าซุมหมู่เจ้า...ว่าจ่างได๋ พี่น้องเอ้ยยยย


    ..................สำบายดีเนาะค่ะ จำกันได้บ่น๊ออออออออ..."แก้มแดงแรงใจ" เด้อค่ะ..


  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    สบายดีอยู่น้องหล่าเฮือนมหาน้องพี่ คือว่ามีข่าวดีหยังบ่อบอกพี่น้องพอฮู้ข่าวงาน
    เจ้าเฮ็ดบุญขึ้นบ้านหรืองานทอดกฐินจุล หรือแม่นบุญประเพณีอิหยังนอแก้ม
    คือแซมจดหมายน้อยตอยควมฝากส่ง มาคืออ่งแท้หล่ะหล่าลุงป้าบ่อเล่าเถิง

  3. #3
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    .......อ้ายศรีเอ๊ย!!!......แม่นข่าวดีหยังน๊ออ้าย ได้ยินไผเพิ่นเว่ากล่าว
    อันว่าทางน้องสาว สิมีข่าวดีนั้น ยังบ่กล้าไปบอกไผ
    ได้มื้อดีก่อนเด้ออ้าย จั่งสิเล่าความหา
    จดหมายน้อยสิค่อยมา ให้ใส่ซองแหน่เด้อเจ้า
    บุญของนางที่เว่า คือขนข้าวที่เกี่ยวใหม่
    ใส่ในเล้าหลังบักใหญ่ เอิ้นอ้ายชายให้มาช่วย ขนข้าวซ่อยกัน
    อย่าสิลืมเด้อมื้อนั้น แรมสิสามเดือนสี่
    ให้คุณพี่เตรียมตัวไว้ เพราะงานนี้เป็นประธาน เด้ออ้ายศรี เอ้ยยยย



    ........เขียนไว้ตั้งบักหลาย...หายจ้อย เสียดายเด๊..........

  4. #4
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    ...คิดฮอดเด้อเซียงข่อล่อ พ่อรูปหล่อที่คมขำ
    คิดฮอดหลายอ้ายทองคำ ผู้เพิ่นเหลาปานเสาไม้
    คิดฮอดหลายชายคนนี้ ทิดคำศรีผู้ดั้งโด่ง
    ฝากความคิดฮอดเถิง อ้ายโป้ยก่ายคนโก้ ปานนี้เจ้าเป็นจั่งได๋
    บ่าวกบินทร์ผู้เคยได้ เว่าต่อถามหา
    ผู้วาจาแสนหวาน อ้ายขี้โก๋ห้างจิ้น
    ยังบ่สิ้นคำหวานนี้ ส่งถึงพี่ไก่น้อยคนงาม
    ยังไต่ถามว่าคิดถึง เอื้อยส้มป่อยคนโก้
    อ้ายโจ่โล่คนผู้นั้น ยังคิดฮอดอยู่คือเก่า
    ทั้งอ้ายบ่าวเซียงน้อย ยังส่งใจให้บ่เซา
    เป็นได๋น๊อซุมหมู่เจ้า ห่างหายบ่ได้แว่
    มาทะแม๊.. เข้ามาเว้า..... ผญาเค้าคำคืน......

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    แก้มแดงเอ้ย
    ไปใสมาน้อหล้าว่าแม่นลืมบ้านมหาลืมวาจาอ้ายโป้ยก่ายแล้วตี้
    คือไปมิดไปมี่หากะโงต่าวโค้งแม่นโตเจ้าไปอยู่ใสหล้าเอ้ย
    อ้ายโป้ยก่ายยังอยู่นี้เวียนหาอ่านคำผญาคิดฮอดคำวาจาอ้ายบ่ลืมเด้อน้อง
    ได้แต่คองคอยถ้าย่านเจ้าลืมบ้านมหาบ่หวนมาอีกคือเก่าบ่ว่าแลงว่าเซ้าคอยแล้วกะเล่าคอย
    ดีใจหลายบ่น้อยเห็นเจ้าต้าวคืนมาอันวาจาของนางซ่างม่วนหลายผญาเจ้า
    ให้เจ้ามาวารเว้ามีแนวใด๋เอามาว่าบ่ว่าคำผญาทางบทกลอนว่านั้นทางอ้ายนี้มักหลายหล้าเอ้ย

  6. #6
    เจ้าหน้าที่ประชาสัมพันธ์ สัญลักษณ์ของ บ่าววิทย์
    วันที่สมัคร
    Jun 2006
    กระทู้
    903
    ฮักแพงเพียงกันเสมอมั่นเคียงหมาย บ่ได่คู่เฮียงกายกะบ่วายเว่นใจ..ดอกน้องเอ้ย
    อันควมดีในใจเฮาสองคองกันอยู่ นั้นคือสิ่งอุ้มซูให้เฮาฮู้ทางไป
    ขอให้น้องมีสุขใจอยู่ไสน้องกะอุ่น ได่เป็นทุนพอคึดฮอดให้ได่กอดในฝัน
    ยามก่อนนอนได่เห็นกันยามฝันกะดีใจ ทางชีวิตเฮายังใกล้คือสิได่พบพ้อ..ดอกน้อน้องเอ้ย....

    อ้ายวิทย์อยากไปซอยขนข้าวเข้าใส่เล้าใหญ่แท้ล่ะน้องแก้ม นาน้องแก้มคือสิได้ข้าวหลายเนาะ อิอิอิ

  7. #7
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612
    ...อ้ายโป๊ยเอ๊ยยยย......บ่ได้ไกลไสดอกอ้าย.......ยังวนว่ายหม่องเก่า
    เกือบสองเดือนที่จากเจ้า...บ่ได้แว่ทางได๋....
    นางเมือบ้านพักผ่อนกายก่อนกลับมาสู้งานนี้
    สำบายดีน๊ออ้าย...น้องยังคิดฮอดชาย....แม่นห่างหายบ่ได้แว่
    กลับเมือบ้านซ่อยพ่อ-แม่ ผู้เพิ่นทุกข์ยากฮ้าย เฒ่าแล้ว ลุกบ่ไหว
    ด้วยทางไกลอีสานกว้างบ่ได้ท่องอินเตอร์เน็ต
    เฮ็ดแต่เวียกอยู่ท่งนา...บ่ได้ซา IT กว้าง.....
    ดีใจหลายอ้ายมาท้วง ทวงข่าวถามหา
    มีเวลาสิเขียนกลอน....จ่ายผญา นำหมู่เจ้า
    ยังเพียรเฝ้าอ่านกลอนอ้าย ทั้งผญาที่เจ้าจ่าย
    มันสุดแสนบรรยาย เบิ่งความหมายที่อ้ายเว้า....แม่นสุดยอดแห่งผญา ซั่นแหล่ว อ้ายเอ้ยยยย...
    .........โฮ...เกือบลงบ่เป็นเนาะเนี่ย..........

    ปล..อ้ายวิทย์ น่าท่งใหญ่เติบตั้วอ้าย หาคนเกี่ยวซ่อยบ่หวาดบ่ไหว ...สงสัยสิได้ไปจ้างคนทางในเมืองขอนแจ่นมาเกี่ยวซ่อย....สาแล้ววววววว........

    ........หือคนทางหนองคายว่าจ่างได๋น๊อ.......เกี่ยวข้าวแล้วบ่น๊อ...........ไปเกี่ยวซ่อยแหน่เด้อจ้า....

  8. #8
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    หล้านางเอ้ย
    เจ้าหากเป็นผู้ฮู้กตัญญูแทนตอบมอบให้พ่อแม่น้องผู้เพียรเลี้ยงตอบสนอง
    บุญเจ้าหลายแท้เด้อน้องให้นางค่อยอดสาคุณบิดามารดาบ่มีหยังสิเทียมได้
    อันว่ายามเจ็บไข้วัยชรามาฮอดได้อาศัยอยู่ใกล้ดูแลท่านเป็นอย่างดีหล้าเอ้ย
    อันว่าทางอ้ายนี้กะยังเที่ยวถามหาว่าแม่นไกลไลลาบ่ต่าวคืนหวนโค้ง
    โสตกลงทางอ้ายคิดอยากหมายมาถามข่าวถามเถิงเข้าอยู่เล้าคือสิล้นอั้งสางบ่น้อ
    ถามทางใจของน้องพอได้ท่องเทียวยามถามเถิงเฮือนเถิงซานฮ่าได้ไปเซายั้ง
    แต่ทางโตของอ้ายคิดยากหลายแนวเจ้าว่าอ้ายบ่เคยเฮ็ดนาคันสิมาเกี่ยวข้าวโตอ้ายเฮ้ดบ่เป็นหล้าเอ้ย
    อันว่าทางบ้านอ้ายถิ่นหนองคายบ้านเคยอยู่เฮ็ดแต่สวนไฮ่ฮั้วพอได้ส่งขาย สั้นดอกหวา นางเอ้ย

  9. #9
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    น้องสาวเอ้ย..เป็นจั่งได่หน่อหล่าคำวาจาคือมิดหมี่
    คิดฮอดเด๋ทางนี้พี่กินข้าวกะจ่มหา
    เป็นจั่งได่น้องหล่า
    คำวาจาตะเก่าก่อน
    เจ้าผู้พั่วดอกซ้อนสิมาเว่ากล่าวกัน
    ...คิดฮอดเด้อมื้อนั่นความสัมพันธ์วาจาเก่า
    เปิดหัวใจนั่งเว่า เอื้อยละเจ้าส่างม่วนหู
    อยากบอกน้องให้ฮุ้ เอื้อยยังจ่มคะนิงหา
    หากว่ามีเวลา กะค่อยมาจาเว่า
    ยามได่อุกอังเอ้า ยังคิดนำเด้อโตพี่
    ถ่าน้องยุทางพี้ ..ก่ายก้ำฝั่งกาสิน เด้อหล่าเด้อ ...

  10. #10
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    ซ่ะบ๋ายดีค๊าคุณครูแก้มแดง อยากตอบแบบผญาตอบบ่ได้ ขอตอบแบบนี่หล่ะ :-*

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •