หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: @ สาร(สาร์น) @

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    @ สาร(สาร์น) @

    ....สาร/สาร์น เป็นกลอนลาว/อิสานที่แต่งบรรยาย รำพึงรำพัน หรือส่งถึงคนทีฮักแพงกันได้อ่าน ลักษณะเดียวกันกับ เพลงยาว(จดหมายรัก)ในสังคมลุ่มน้ำเจ้าพระยาสมัยก่อน คล้ายกับกลอนผญา แต่มีความยาวกว่าส่วนผญา สิเป็นกลอนโต้ตอบแบบสั้นๆ การแต่งสาร/สาร์น มักขึ้นต้นว่า โอนอสารนี้....
    ....สาร/สาร์น เป็นวรรณกรรมลาว/อีสานอย่างหนึ่ง ซึ่งปัจจุบันบ่อใช้กันแล้ว คงยังหลงเหลือในเอกสารใบลาน หรือที่มีผู้นำมาถอดคำพิมพ์เป็นภาษาไทย สาร/สาร์น มีหลายอย่าง หลายชื่อ สันนิษฐานว่าคงเป็นที่ผู้แต่งเพิ่นตั้งชื่อไว้ ตามชอบใจ และเนื้อหาของไผมัน


  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ตัวอย่าง สาร/สาร์น (แต่งสมมติขึ้นมา)

    @ โอนอสารนี้เขียนจากเคหังห้องนครทองเทียวท่อง อ้ายหากคึดฮอดน้องนานล้ำได้ฮ่ำหา
    อ้ายกะเลยบ่อซ้าจึงเขียนแต่งแถลงสาร เทื่อสมภารภายพบได้ฮ่วมหอเฮียงเจ้า
    ศรีมาอุกพระทัยเศร่าเหงามะโนหนาวไหน่ เจ็บหัวใจแสบจ้าวนำน้าวจ่องดึง
    คิดไปมากะหากอึ้งอุกอั่งพังสลาย มาสิตายนำเขาเน่าทรวงทะลวงจ้ำ
    คึดพ้อคำเคยเว้าว่าขันเอาบ่อถิ่มปล่อย เจ้ามาหลอยเซื่องส่นหนีไปซ้นผู้อื่นไกล
    อ้ายหากปากบ่อได้มันเต็มหว่างทางจิต แสนสิทรมานคิดทั่งเทเพม้าง
    บ่อหอนจาออยอ้างเอาคำที่ควรค่า ปารถนาบ่อได้ เจ้าไลม้างห่างสะเทิน
    ได้แต่เพียงฝากเอิ้นเอินผ่านทางสาร บ่ออาจหาญไปหาท่องเทียวยามเยี่ยม
    บ่ออาจเทียมพระจันทร์ฟ้าแนวสัตตาโตกระต่าย บ่ออาจหมายมอบแม้งแยงได้ตั้งแต่ตา
    วาสนาบ่อเทียมเจ้าหมายเอาได้แต่เบิ่ง หยืดคอเด่ทางเทิงปานได๋นออีเกิ้งสิหงวยไง่ใส่ดิน ฯฯ

  3. #3
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ลองเบิ่งแน่เด้ออ้ายทิตศรี

    โอน้อสารนี้เขียนจากเถียงนาน้อยมุงหญ้าคาปูฟาก ฝากมาหานาดน้องนางหล้าผู้อยู่ไกล
    ย้อนความฮักจั้งค้อยได้เขียนส่งทางสารแสนสิทรมาณคิดฮ้ำคนิงแต่นำน้อง
    มีแต่หมองมัวเศร้าบ่มีเบาความคิดฮอดจั้งได้หยอดแต่งแต้มแถลงข้อส่งสาร
    แนวว่าอยู่ห่างบ้านบ่ได้เที่ยวทางยามอยากมาเห็นคนงามแต่ว่าทางไกลเยิ้น


    อิ อิ ถืกบ้อน้อคันบ่แม่นกะบอกแน่เด้ออ้ายศรี

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    กระทู้ต้นฉบับโดยคุณ โป้ยก่าย
    ลองเบิ่งแน่เด้ออ้ายทิตศรี

    โอน้อสารนี้เขียนจากเถียงนาน้อยมุงหญ้าคาปูฟาก ฝากมาหานาดน้องนางหล้าผู้อยู่ไกล
    ย้อนความฮักจั้งค้อยได้เขียนส่งทางสารแสนสิทรมาณคิดฮ้ำคนิงแต่นำน้อง
    มีแต่หมองมัวเศร้าบ่มีเบาความคิดฮอดจั้งได้หยอดแต่งแต้มแถลงข้อส่งสาร
    แนวว่าอยู่ห่างบ้านบ่ได้เที่ยวทางยามอยากมาเห็นคนงามแต่ว่าทางไกลเยิ้น


    อิ อิ ถืกบ้อน้อคันบ่แม่นกะบอกแน่เด้ออ้ายศรี
    ถืกอาวถืก แม่นแล้ว แต่ให้ยาวๆจักหน่อยแหน่ จั่งคือสาร

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ลองเบิ่งซื่อๆตอกพี่ทิตมื่อนี้นอนตื่นใหม่คึดหยังบ่ออกมื่อหน้าก่อนค่อยสิส่งสารหาผู้สาวทางไกล
    คักๆ อิ อิ

  6. #6
    สุดยอดอิหลีจ้าอาจารย์ ม่วนหลายแต่เขียนบ่เป็น มื้ออื่นสิโทรถามเฒ่าแม่อยู่เฮือนดอกจ้า แล้วสิมาเขียนให้อ่าน อิอิ

  7. #7
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    โอน้อสารนี้เขียจากเคหาห้องเมืองหนองคายบ่อนเนาอยู่ฝากมาหาหม่อมซู้ผู้เคยเว้าต่อกัน
    จิตกระสันต์คิดฮอดน้องมันหมองหม่นทางใจจั้งได้บายคินสอกระดาษลงเขียนแต้ม
    แจมภาษาความเว้าแถลงการณ์คำเอื้อนเอ่ยเผยความในว่าฮักน้องบ่มีมือสิซ่วงหาย
    คิดฮอดหลายอยากเห็นหน้าในอุรามันอุกอั้งฝากความหวังต่อน้องจังเขียนแต้มส่งเถิง
    ในสารนี้บอกไว้อยากมาฮ่วมเฮียงสองอยากมาครองเคียงกายฮ่วมเฮือนหอน้อง
    มาขอจองเอาเจ้าผู้เนาไกลได้ตั้งต่อพอเป็นไปบ่หละน้องเป็นทองร่วมแผ่นเดียว
    ในสารรักฝากเกี้ยวกางต่อขอความฮักจักสิเป็นสันใด๋ยามอ่านสารผะอวนอ้าย


    อิ อิ คือบ่น้อเหมิดหม่องไปแล้ว

    ว่าจั้งใด๋สาวทางอุครเป็นตามีความหวังบ่คันทรงคือกะตอบสารผู้บ่าวทางหนองคายแน่เด้อ ติ๋ม เอ้ย

  8. #8
    อ้ายทิดคำศรี มาสอนให้ติ๋มแหน่หนี่ ซ่งยีนส์เมืองนอกเป็นค่าคายกะตกลงอาจารย์เอ้ย
    อยากตอบคัก แต่จนปัญญาอ้ายจารย์ เอ้ย เอาไว้ให้อาจารย์เพิ่นตกลงสอนให้ก่อนจ้า อิอิ

  9. #9
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    กระทู้ต้นฉบับโดยคุณ ติ๋ม เปอร์โย
    อ้ายทิดคำศรี มาสอนให้ติ๋มแหน่หนี่ ซ่งยีนส์เมืองนอกเป็นค่าคายกะตกลงอาจารย์เอ้ย
    อยากตอบคัก แต่จนปัญญาอ้ายจารย์ เอ้ย เอาไว้ให้อาจารย์เพิ่นตกลงสอนให้ก่อนจ้า อิอิ
    ตกลงหล่าท้าว โฮ๊ะนาง กลับมาเมืองไทยมื้อได๋เตรียมคายอ้อไว้โลด สิสอนให้ อิ อิ อิ

  10. #10
    ท้าวบ่าวบา
    Guest
    ลองเบิ่งนำแน่
    โอนอสารนี้ เขียนจากก้ำภาคกลาง ทางรังสิตฟากพี้ บ่มีน้องได้อยู่เคียง
    คึดฮอดเนียงนางน้อง ย้อนสองเฮาอยู่ไกลห่าง จั่งว่าเทิงทางพุ้นอีสานก้ำเป็นจั่งได๋
    สิเทียวหากะบ่ได้ ขอฝากไส่ดอกนำสาร ฝากคำหวานจาเว้าไปหาเจ้าอยู่ซูยาม
    แนวว่าความฮักแท้แต่เก่าดอกคราวหลัง ให้ยังคงคู่ไว้อย่าให้เจ้าได้จ่าวจาง
    อ้ายมาหาแปงสร้างเงินทองไว้ครองคู่ สิเมือขอซอนซู้ซูเจ้าไว้ฮ่วมเคียง
    เพียงแต่ความไกลนั้นมันสุมให้อยู่ในอก คึดบ่ตกคาแต่ย่านคะลาดเพพังล้ม
    ย่านหนามคมมาข้องน้องนางไปครองคู่ ย่านว่าหญ้าเจ้าซู้สิพาเจ้าไปฮ่วมทาง
    ให้นองนางเสมอหมั่นอ้ายสิหมั่นดอกเมือหา ฝากสัญญาไปก่อนก้ำสินำจ้าวดอกต่าวหลัง
    ::)
    คืออยู่บ่ ครับ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •