กำลังแสดงผล 1 ถึง 5 จากทั้งหมด 5

หัวข้อ: ผญาภาษิตสะกิดใจ

  1. #1
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,552

    ผญาภาษิตสะกิดใจ

    • ความลับบ่มีให้เถิงสาม ความงามบ่ให้เถิงสี่ ความมิดความมี่บ่ให้เถิงห้าเถิงหก
    • ความดีฝังไว้เก้าศอก ความชั่วชักออกมาเก้าวา
    • ใจหนักได้กินข้าว ใจเบาได้กินกลอยหัวใหญ่
    • เจ้านายดีบ่เห็นแก่เงินแสนไถ่ แต่เห็นแก่ไพร่แสนเมือง
    • เอาลูกใภ้มาเลี้ยงย่า ปานเอาห่ามาใส่เฮือน
    เอาย่ามาอยู่นำลูกใภ้ ปานเอาไข้มาใส่เฮือน
    เอาลูกเขยมาเลี้ยงพ่อเฒ่า ปานได้ข้าวเต็มเล้าเต็มเยีย
    • หนูกินม้อน จั่งเห็นคุณแมว ลูกแขวนแอว จั่งเห็นคุณพ่อแม่
    • กินแม่นปาก อยากแม่นท้อง เทียวขี้แม่นขา
    • แจงแวงน้ำ ทาวหาบ่เห็นต่อน ซดแต่น้ำ คาแข้วแสม่งตาย
    • ไฟไหม้ป่าจั่งเห็นหน้าหนู น้ำท่วมฮูจั่งเห็นจิหล่อ
    • บ่มีความฮู้อย่าเว้าการเมือง บ่นุ่งผ้าเหลืองอย่าเว้าการวัด
    • เป็นนายให้ฮักไพร่ เป็นใหญ่ให้ฮักลูกบ้าน ขี้คร้านให้ค่อยเพียรจา
    • อย่าได้ไลลืมถิ้มผักกะเดาทวนเก่า บาดได้กินลาบก้อย ยังสิโอ้อ่าวหา
    • เข่า (ข้าว) เต็มเล้านั่งเว้ากะคือ เงินเต็มถังเว้าหยังกะได้
    • ทุกข์บ่มีเสื้อผ้า ฝาเฮือนเพกะพออยู่ ทุกข์บ่มีข้าวอยู่ท้อง นอนลี้อยู่บ่เป็น
    • ทังหลายเพิ่นแพงซิ้นปูปลายามอึดอยาก ความปากความเว้าบ่ได้ซื้อแพงไว้เฮ็ดอิหยัง
    คนทั้งหลายเขาหวงแต่เนื้อปูปลายามอดอยาก แต่คำพูดนั้นไม่ได้ซื้อจะหวงไว้ทำไม (เอ้า!.. ส่งเสียงหน่อย)::)::)::)::)::)::)::)


  2. #2
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    คัก หลายหนุมพเนจร โอ๊ะ หนุ่มบ้านดอนเจ้าไปขุดมาแต่ใสคำเว้าคติพตปราชญ์อี่สานตั้วนี่
    พอดีเลยข้อยกำลังสิพิมพ์หนังคติพต ไว้ถ้าแจกบุญผ้าป่าปีหน้า กะสิเอาของเจ้านี้หละลงแจมนำ
    ดีหลายแท้ ท่านเอ้ย

  3. #3
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,552
    ยินดีครับ
    ที่สิเอาไปลง

    แต่ว่าซองผ้าป่านั่น อย่ามากะแล้วกัน ฮ่าาาาาา
    ::)

  4. #4
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    คุณพ่อคุณแม่นั้นหนักเกิ่งธรณีผู้ใด๋ยำแจงนบหากสิเฮืองเมืองหน้า
    ว่าเป็นตอพยุงแล้วแมวสีสังมาโค่นว่าเป็นไม้แก่นหล่อนสังมาปี้นป่งใบ
    คันสิไปทางหน้าให้เหลียวหลังเบิ่งก่อนเป็นมะลูดทุดเท้าเซาถ่อนอย่าสุไป
    คันว่าได้ขี่ช้างอย่าลืมหมู่หมูหมาห่าโขมยมาลักสิเฮ่าหอนให้มันย่าน
    ลางเทื่อกวางฟานเต้นนำดงสิได้ไล่คันหากได้ต่อนซี้นยังสิได้ว่าคุณ
    คันแม่นมีสองแล้วบ่กลัวใยอย่าฟ้าวว่าบาดฮ่าเป็นฮ้างฮ้ายสิหวนโอ้อ่าวหา
    คันอยากได้คู่ซ้อนให้มีผู้ปรึกษาให้ค่อยปรึกษาขุนหมู่พงษ์พันธุ์เซื้อ
    ให้ปรึกษาคนเฒ่าขุนกวานพ่อแม่คันเฒ่าแก่บ่พร้อมเซาถ่อนอย่าสุเอา
    คันแม่นความเฮาเว้าขมในอย่าฟ้าวจ่มลางเทื่อขมขี้เพี้ยภายหน้าหากสิดี
    อย่าฟ้าวตี๋เตือนเว้าผักกระเดาขมขื่นลางเทื่อกินลาบก้อยยังสิได้ว่าดี

  5. #5
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,552
    บู๊ยยยยยยยยยยยยยยยยยยย
    มาคักแท้หละท่าน

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •