คำแพงเอ๋ย..........

[ศรีสะท้าน]

อ้างถึง:น้องแพรเอ๋ย...

...จะแม่นส่อยชีวิตเอื้อยเนาะหล่า...เนาะ..

ปล..คึดฮอดเจ้าคือเก่าเด้อ..นาง..

เป็นหยังคือว่า น้องแพรซ่อยซีวิต เลาซุกเจ้าลงข้างถนนย้านสิบล้อเหยียบคอบ่ส้มป่อย อิ อิ

คำแพงเอ้ย
คำแพงเอื้อน อ้างเอ่ยเขยผญา
คำแพงสัพพะสรรจา แต่งผญาผิติเว้า
หลอนเล่าตั๋วให่ซายเถ่า ซาหายเหงามื้อหนึ่งหนึ่ง
คำแพงหยอดสอดซึ้ง ตรึงสะท้านมาผ่านกลอน แท้นอ

[บักหล่าลูกกก]

คำแพงเอ้ย......

อย่ามัวเว่าหลายปาก หากปลงใจอย่าได้รอ คำสิขออ้ายสิเว่าเถ่าแก่เฒ่าสิเคี่ยวควม
สามแสนกวมปลายเปิดอ้ายสิต่อขอเหลือสอง พอสำรองเหลือไว้มัดจำงัวบักเขียวน้อย

บาดยามเป็นสาวจ้อยควายตมบ่อยากขี่ บาดว่ามีลูกน้อยได้บายขี้ก่อนงาย
ฟังควมซายโลดเจ้าฟ่าวมาเอาเข้างานแต่ง ปล่อยฮอดแลงเดิ๊กข่อนนอนยามเช้าสิตื่นสวย เด้

แต่งกันโล้ดถ่อน ครับ วัยรุ่นใจร้อนเนาะ

[xeep]

คำแพงเอ้ย...

บ่ได้เชยนางหล่า อ้ายบ่ว่าบ่เสียใจ

บ่ได่ฮ่วมบุญนำ บ่คะลำดอกยาอ้าย

ซูมื่อนี่ กะกินงายผู้เดียว บ่ยุ่งเกี่ยวกับผู่ได๋ คำแพงเอ๋ย

แม่นเจ้าเสยเตยเวย บ่งึดเลยซินแล้วหล่า ซิว่าบ้าบ่เหลือใจ ดอกคำ...ชั่นดอกว้า

[หมูน้อย]

แวะเวียนมาอ่านคำผญา
คิดฮอดเมื่อก่อนเคยหัดเล่นแต่งคำผญา
แต่เนื่องด้วยภาษาที่บ่แข็งแรง
เฮ็ดให้น้องต้องลามือ..การแต่งคำผญา
กลับมาอ่านคราวนี้..คำผญาเป็นคำที่อ่านแล้ว
ได้ซึ้งถึงความรู้สึกที่ผู้เขียนสือออกมา
เก่งจังเลยทุกๆๆคนที่แต่งคำผญา

......ปล....อิอิอิอยากได้ครูสอนเขียนผญาจังเลย........

[xeep]

แวะเวียนมาอ่านคำผญา
คิดฮอดเมื่อก่อนเคยหัดเล่นแต่งคำผญา
แต่เนื่องด้วยภาษาที่บ่แข็งแรง
เฮ็ดให้น้องต้องลามือ..การแต่งคำผญา
กลับมาอ่านคราวนี้..คำผญาเป็นคำที่อ่านแล้ว
ได้ซึ้งถึงความรู้สึกที่ผู้เขียนสือออกมา
เก่งจังเลยทุกๆๆคนที่แต่งคำผญา

......ปล....อิอิอิอยากได้ครูสอนเขียนผญาจังเลย........

คำแพงเอ้ย....

สาวโรงงานหวานส่ม ฟังคารมเผิ่นเป็นหยังน้อ..นั่นน้อ

ซ่างมาเตาะจาเว้า หาเค้าคนสอน...แท้น้อ

อ้ายผู้หัวข่อล่อ รูปบ่หล่อ ขออาสา

เว้าพื้นเรื่องคำจา กะว่ามีอยู่หลายเค้า

แต่บ่เก่งดอกเด้อเจ้า คำบ่เก่าบ่กินใจ ดอกว้า

แต่อาสาเอาไว้ เผื่อได้ใกล้สาวโรงงาน...นี่แล่ว

[หมูน้อย]

คำเว้าจาอ้ายอ่านแล้วเข้าใจง่าย
แต่บางคำน้องหล่ายังอ่านบ่เข้าใจ
ย้อนว่าเป็นคนเหนือ..แต่ในชอบวัฒนธรรมอีสาน
คั้นอ่านและเขียนผิดประการใด๋น้องคงต้องอภัย

....ขอบคุณหลายๆๆเด้อจ้า...
ไว้น้องหล่าสิมาฝึกเขียนผญานำในยามว่าง

..............ยิ๋นดีเน๊อเจ้า...............

[xeep]

อั่นว่าเหนือ อิสานนั่น ความสัมพันธ์บ่ไกลห่าง

ทั้งคำจากล่าวต้าน หลายด้าน นั่นเกี่ยวกัน

บ่สำคัญดอกเด้อหล่า ซิฮ้องว่าภาษาได๋

ขอแต่ว่ามีใจ ฮักในสิ่งที่ควรต้อง เด้อหล่า

ซิไปหาหม่องได๋ได้ วัฒนธรรมของไทย จรรโลงไว้ ให้คงอยู่

อย่าให้ผุจั่งไม้ ดำรวค์ไว้ได้ผ่าเผย ....