กะปอมหรือว่าที่ภาษาไทยคะเจ้าเอิ้นว่า กิ้งก่า เป็นสัตว์เลื้อยคลานชนิดหนึ่ง บ่าวกะบ่ฮูคือกันว่า กะปอม มีมาตั้งแต่ยมได๋ฮู้อยู่อย่างเดียวคือว่าเอามาเฮ็ดกินแล้วแซบครับซวนเอื้อยซวนอ้ายไปหากะปอมมาก้อย.....
กะปอม มักสิอาศัยอยู่นำต้นไม้ หรือว่าอยู่นำตอไม้ นำหลักฮั่ว กินแมงไม้หรือแมลงเป็นอาหาร พบพ่อได้ตามพื้นที่ทั่วไป ส่วนใหญ่ กะปอม มักสิออกมาหากินยามมื่อเซ้า แม่นแท่ยามฝนตกเซาใหม่ ๆ ยามเซ้า กะปอมสิออกมาหากินกันหลายเป้นพิเศษ
กะปอม มีอยูหลายพันธุ์หลายชนิด ที่เห็น ๆ กันกะคือ กะปอมแดง กะปอมก่า มีอยุ่พันธุ์หนึ่งโตน้อยกว่าหมู่บ่ฮู่บ้านเผิ่นเอิ้นหยังแต่ว่าบ้านบ่าวเอิ้นว่า กะปอมไหม กะปอมมักสิเปลี่ยนสีให้คือกันกับมีต้นไม้ที่มันจับอยู่เพื่ออำพรางโตจากายตาของคนหรือศัตรูอื่นที่สิมาเฮ็ดอันตราย ละกะพรางตาเหยื่อบ่ให้เห็นโตบัดยามออกล่าเหยื่อ ส่วนใหญ่เฮาสิพากันออกไปหากะปอมในยามหน่าแล้งหนือยามหมดฝนแล้วเพราะว่า กะปอม ยามฝนมันสิเหม็นกุย เวลาไปหาผู้ลางคนกะเอาหนังสะติกไปยิง ลางคนกะเฮ็ดบ้วงค้องไปคล้อง ลางคนกะเอาไปทั้งสองอย่าง ผู้ลางคนเผิ่นกะไปไต้เอายามกลางคืนเพราะว่ากะปอมมันสิบ่แคะ

วิธีการปรุง
พอแต่ได้มาแล้วโตได๋ยังบ่ทันตายกะเฮ็ดให้ตายซะก่อน แล้วกะเอามาใส่เหล็กยางเอาไปย่างเทิงเตาถ่าน พอ กะปอม สุกกะเอามาขุดเกร็ดออกพร้อมทั้งผ่าท้องควักไส้ออก
แล้วกะเอาไปตำให้มุ่น แล้วกะเอาเครื่องปรุงกะมี หอมแดงซอย ผักหอมใบมน เข่าขั่ว พริกป่น ผงซูรส น้ำปลา ที่สิขาดบ่ได้นั่นกะคือให้ยำบักม่วงลงใส่ จากหั่นสิตำหรือสิคนกะแล้วแต่ พอเครื่องปรุงเข้ากันแล้วซีมเบิ่งว่าได้รซชาติที่ต้องการแล้วยังถ่าได้แล้วกะตักใส่ทิด โอ๊ะ จาน แล้วยกออกมากินกับเข่าหนียว บู้ยยยย....แซบขนาด คันแม่นมีผักกะโดนมากับนำแห่งแซบแฮง ผู่ลางคนกะอาจสิคัวก่อนเอาไปย่างอันนี่กะแล้วแต่ถนัดไผมันเด้อครับ
โอ้ย....เวามาแล้วหิวเข่า
8)8)8) :g