เมื้อคนอิสานคือข่อย อยากกินแกงไตปลา อิอิ

**ติ๋ม เปอร์โย** · 24-11-2007, 22:10

เคยไปกินนำหมู่ที่เป็นคนใต้เฮ็ดสู่กิน กะแซบดี มักหลายกะเลยคึดอยากเฮ็ดกินเองบ้าง
แต่บ่มีปลาย่างคือเขา กะเลยถามอ้ายทิดศรีว่าใช้ปลาทูสดได้บ่ คำตอบคือว่า ได้ กะเลยเฮ็ดเบิ่ง
เริ่มจากเอาไตปลาเบิดขวดโลดไปต้มกับหอม กระเทียม ตะไคร้ ใบหมากกรูด ข่า ดับกลิ่นคาวจ้า
เครื่องแกง พริกตามใจมัก หอมแดง กระเทียม พริกไทยเม็ด ตะไคร้ ข่า ขมิ้น กะปิ เนื้อปลาต้มสุก ปลาต้องหลายอิหลี เกลือเม็ด โขลกโลดจ้า
ผักที่หาได้ มีหน่อไม้หั่น หมากเขือผ่า4 หมากเขือพวง ฟักทองหั่น ถั่วฝักยาว พริกไทยอ่อน
กรองเอาน้ำต้มไตปลาใส่หม้อ เติมน้ำได้จ้าต้มให้เดือด ละลายเครื่องแกงลงใส่ พอเดือดอีกเทือ ใส่ฟักทอง หน่อไม้ หมากเขือพวง พริกไทยเม็ด
พอเดือดให้ชิมเบิ่งก่อนปรุงรส แล้วใส่หมากเขือ ถั่วฝักยาว ใบหมากกรูด เนื้อปลาทูน่าในน้ำ 2กระป๋อง พอเดือดปิดไฟ
เมื้อคนอิสานคือข่อย อยากกินแกงไตปลา อิอิ

เมื้อคนอิสานคือข่อย อยากกินแกงไตปลา อิอิ

ได้แกง2หม้อพอดีจ้า ถ้าหม้อเดียวบ่มีโอกาสได้โมโห(เดือด)เลยหละ ล้น อิอิ หม้อใบละ10ลิตร มาเอาไปกินซ่อยกันจ้า
เมื้อคนอิสานคือข่อย อยากกินแกงไตปลา อิอิ

ตักใส่ถ้วย อ้ายทิดคำศรีบอกว่า แกงอันนี่ค้างคืนไว้แห่งแซบหลาย ว่าซั่น
เมื้อคนอิสานคือข่อย อยากกินแกงไตปลา อิอิ

มื้อนี่ติ๋มกินกับขนมจีน เชิญแซบจ้า ฟ้าวกิน ฟ้าวไปอาบน้ำ แปรงฟัน ม้วนปาก หย่ำหมากฝรั่ง55++คืนนี่สิไปกินเลี้ยงซั่นแหล่ว อิอิ
กลิ่นดีอิหลี ฝรั่งย่านเลยหละ ไผกะอย่ามาขอเต้นรำกะแล้วกัน ::)

**wit** · 24-11-2007, 22:26

ยอมรับเลยคับ...วาอีสาน..100%..อีหลีคับ...แถมให่อีกจักเคิงซาวกะได้ ::)

**ตรี ศรีเมืองใหม่** · 24-11-2007, 22:33

สุดยอดครับน้องบ่อเสียแรงที่....รอกิน อิอิๆๆ(เอาไป 5 ดาวสําหรับแกงไตปลา)

**pui.lab** · 25-11-2007, 01:52

โอ๊ยน้ำลายไหล ขอนั่งร่วมวงนำน้องติ๋มกินคนเดี๋ยวบ่แซ่บ ขอสองจานเด้อจานเดียวไม่อิ่ม :g

**ติ๋ม เปอร์โย** · 25-11-2007, 07:56

ขอบคุณจ้าอ้ายเซียงที่เข้ามากินซ่อย

เจ๊ปุ้ยจ๋า ติ๋มขอจานที่มีไข่ต้มจ้า ของมักเด๋ขนมจีน ขาดบ่ได้ อิอิ
ยกให้เป็นหม้อเลยจ้าเจ๊ ติ๋มแกงหลายโพด ตักใส่ถุงแช่แข็ง ยามค้านเอาขึ้นมาอุ่นกินได้เลย อิอิ