ย่อนทุกข์จนแสนยาก จำจากถิ่นดินอีสาน
ได้มาหาทำงาน ไกลเฮือนซานมาทางพี้
เมืองเกาหลีวานั้น มันหนาวเหน็บเอาคักแน
คิดฮอดพ่อฮอดแม่ คิดฮอดลุงฮอดน้า
ผุคอยถ่าให้ต่าวคืน บางมื้อนั่งสะอื้น
ฝืนเฮ็ดงานย้อนจำใจ อยากกลับไปเมืองไทย
ไปพักใจอยู่ทางบ้าน จั่งได้มาจาต้าน
เป็นคำขานบอกข่าว อีกบ่โดนซิกลับต่าว
แดนอีสานบ่อนเค้า ไปกราบเท้าพ่อแม่ผม ซั้นแหล่ว...
จั่งซั่นหละอยากไปอยู่ไกลหลาย อยู่ใกล้ ๆ คือ ข่อยนี่แมะ เที่ยวบ้านปานฮอยปลาบืนพู้นหนะ
เข้าใจชีวิตคนไกลบ้านคับบ่าวนาจานผมเองกะคือกันกับบ่าวนั้นล่ะคับ ลางมื้อเหงาหลายกะวนเวียนเข้ามาแต่บ้านมหานี่ล่ะคับ
มานั่งอุกอั่งเอ้า เหงาตรมระทมจิตร
คิดขึ้นมาน้ำตาไหล ตอ้งห่างไกลไลบ้าน
จากเฮือนซานมาไกลล้น ย้อนความจนดอกเป็นเหตุ
เฮ็ดให้ต้องพำลัดดพราก จรจากพ่อแม่มา
ตกยามแลงนั่งเบิ่งฟ้า หมู่นกกาทั่งน้อยไหญ่
ออกหากินในยามเซ้า ตกแลงเข้าดอกซูฮัง ซั้นแหล่วท่านเอ้ย...
สิห่างไกลอยู่ทางได๋ไหลลาล่อง
ขอให้เจ้าอย่าคาข่องหมองใส
ได่ไปดีมาดีหม่องเหนือใต้
ทุกข์อย่าได่ซูนต้องข่องคา
เทิ้งรถราถ่าขับอย่าเผลอไหล
ให้ตั้งหมกอกตั้งใจภัยอย่ามา
เถิงไกลห้องเฮือนบ้านซานเคหา
คนตั้งตารอคอยเจ้าเค้าคืนเมื่อ...เด้ออ้าย..
ปล..เดินทางโดยสวัสดิภาพเด้อจ้า..คุณพระคุณเจ้ารักษา..
เเม่นสิไกลกะขอให้ไกลเเต่ฮั้วเทือกไฮ่นาสวน
เเต่สำนวนวาจา บ่ไกลกันพอน้อย
เพิ่นว่าฮักกันนี้ มีพงหนามกะปีนฝ่า
ปารถณาสิฮวมเเล้ว เเม่นไกลอ้ายกะบ่ลืม ดอกเด้อ....
ปล...ฝากกำลังใจดีๆ ส่งให้คนไกลบ้าน บ่าวนาจานเด้อคะ เก็บเงินเก้บทอง กลับมาบ้านเฮา ผู้ยุบ้านเพิ่นกะสิถ่ายุคือกันหละจ้า สุ้ๆๆ 8)..
จำจากบ้านอีสานถิ่นมาไกล
หนีลาไลห่างเฮือนแฮมฮ้าง
หาทำส่างงานการเก็บเกี่ยว
ใจบ่อแป่คดเลี้ยวเทียวโอ้อ่าวอวน
เสียงสายลมหวิวหวิวพลิ้วพัดผ่าน
เหมือนเสียงคนไกลบ้านให้หวั่นไหว
ฟังเสียงลมที่โชยพัดมาแสนไกล
แต่เสียงเธอเหมือนอยู่ใกล้มิไกลเลย....
อยู่แห่งไหนให้รู้ไว้มีใครคิด
ทั้งพี่น้องเพื่อนสนิทชิดเขนย
คิดถึงพี่เฝ้าคอยหามาเคียงเคย
แม้นไกลเลยอย่าลาลับรีบกลับมา...
ยามนี้หนาวแล้วนะระวังหน่อย
จงหมั่นคอยห่มให้มิดชิดอุ่นหนา
กิ่นให้อิ่มนอนให้หลับนับเวลา
คอยรักษาสุขภาพตราบถึงวัน...
เมื่อยามเหงาพี่อย่าลืมมองรูปถ่าย
ยามท้อใจให้คิดถึงคนทางบ้าน
ยามเศร้าสร้อยค่อยค่อยคิดมิตรผูกพันธ์
คิดไปถึงความสุขสันต์วันที่คอย..////////////// เว้าผญาบ่เปนแต่อยากให้กำลังใจค่ะ :)
บ่อเป็นหยังดอกครับ วรรณกรรมทั้งหลายล้วนประมวลมามีมาก หากผู้ได๋ได้เสพซ้อง สิยอย้องว่าดี น้องเอ้ยกระทู้ต้นฉบับโดยคุณ ja-aey
ขอบคุณค่ะ อ้ายศรีสะท้านหมอธรรมประจำบ้านมหา
กฎการส่งข้อความ
อ้างข้อความนี้
