อ่อมหอยขัว

[ฅนภูไท]

อ่อมหอยขัว



หอยขัว กะคือหอยจูบบ้านเฮานั่นหละแต่ที่แตกต่างกันกะคือหอยจูบเขาไปงมเอา ส่วนหอยขัว เขาเอาเสียมไปหาขัวเอาตามหนองน้ำตามหวยที่น้ำมันแห้งแล้ว ยามแล้งหอยสิเข้าเบ้ากะเริ่มประมาณช่วงนี้แหละครับ


หน้าตาของหอยขัวกะเป็นจั่งซี้หละ



นำหอยไปล้างให้สะอาด แล้วกะนำไปต่อยหอย บ่ต้องแช่น้ำทิ้มไว้คือหอยที่เฮาไปงม
เทคนิคในการต่อยหอย ให้หันปากหอยออกไปข้างนอกมันสิต่อยง่าย



เครื่องปรุง กะมี ผักอิตู่ ผักอิเลิด ตะไคร้ ข้าวเบื่อ ปลาแดกนัว แล้วกะพริก





ขั้นตอนในการอ่อมหอย นำหอยใส่หม้อขึ้นตั้งไฟ บ่ต้องใส่น้ำหลายเพราะน้ำจากหอยสิออกมาอยู่



พอน้ำเริ่มเดือดใส่เข้าเบือลงไป พยายามคนหลายๆๆเพื่อสิให้ฝาหอยมันเปิด



ใส่ปลาแดกลงไป



ใส่ผักอิเลิด ผักอิตู่ลงไป ปรุงรสตามต้องการ เสร็จแล้วกะยกหม้อลง



ตักใส่ถ้วย สิได้กลิ่นหอมผักอิเลิด กินกับข้าวเหนียว สุดยอดครับ 8)



เอามาให้เบิ่งชัดๆๆ เป็นตาแซบบ่ครับ แถมอีกนิด แกงหอยอย่าเฮ็ดเผ็ดแกงเห็ดอย่าเฮ็ดเค็ม ผุเฒ๋าเพิ่นบอกมา

[Tid Sri]

สุดยอดอาหารอิสานบ้านเฮาครับ ใหม่ สด จากธรรมชาติอีหลีแถมบ่มีสารพิษ บ๋า...แต่ผมมักตำราอ้ายคนภูไทที่ว่าแกงหอยอย่าไห่เผ็ด แกงเห็ดอย่าไห่เค็มนี่ล่ะคับ

[ท้าวบ่าวบา]

คักแท้นอ เห็นเป็นตาแซบกะใส่เข่าแน่เด้อคับ
ผู้เฒ่าเผิ่นว่ากิ๋นหอยเข่ายัง กินหนังเข่าเหมิด

[ไก่น้อย]

โอ่วว คักขนาด ของมักเลยตั้วนิ บักหอยคีสส ...เเซบๆ

[บ่าวสายฟ้า]

ล้างดีๆ เด้อพี่น้อง คะซั่นแหย คักๆ

[ฅนภูไท]

แม่นแล้วครับ เคร็ดลับในการล้างหอยให้เอาหอยไปแช่ไว้จัก15นาทีแล้วใช้แปลงล้างออก อย่าแช่ไว้โดนเด้อเดี๋ยวหอยสิกินดินเข้าไปเฮ็ดให้แหยเด้อครับ แต่ถ้าเป็นหอยที่งมมานำน้ำให้แช่ทิ้มไว้จักคืนให้หอยขี้ออกให้เบิ้ดสาก่อนมันจั่งบ่แหย หอยขัวเป็นหอยที่อ้วนแล้วกะแซ๊บเพราะก่อนหอยสิเข้าเบ้าหอยสิกินหลายแล้วกะสะสมไขมันไว้ใช้ในยามแล้ง ในช่วงนี้หอยสิบ่กินหยังจนกั่วฝนสิตกหอยจั่งสิออกจากเบ้า

[ศรีสะท้าน]

ขออนุญาตแทรกเด้อคะรับ สูตรหนึ่ง(ทางภาคใต้) ถ้าเป็นหอยงมมา ถ้าอยากให้เปลือกหอยสะอาด เกลี้ยงดี ให้เอาข้าวสุก(ข้าวสวย) มาสักกำมือ เอามาขยำกับตัวหอย สักสองสามเที่ยวแล้วล้างน้ำออก และถ้าอยากให้ทรายหรือเม็ดดินในตัวหอยออกไวๆ ก็ตำหมากพริกแห้ง หรือ พริกไทย ลงเคล้ากับหอย ปล่อยทิ้งไว้ซักพัก หอยมันจะแสบตา แล้วคายทราย หรือเม็ดเศษดินออกมา พะนะว่า

[หมูหวาน]

คักแท้เนาะออมหอย หอยตัวใหญ่ๆๆเนาะ กะข้าวเหนียว มีตำบักหุง นำเด้เนาะเข้ากันปานหยัง :g

[ตรี ศรีเมืองใหม่]

สุดยอดครับกระทู้นี้เอาไป 5 ดาวเลย //เว้าเรื่องหอยนี้บ่าวเซียงน้อยมักคัก มักทุกหอย บ่อว่าสิเป็นหอยทะเล หอยกีบ ฯลฯ แต่หอยที่ไปขัวเอาตามดินแบบคนภูไทไปหามานี้ หลังจากเอามาแช่ เพื่อให้คายดินแล้ว ก็เอามาต้มลวก พอสุก เสร็จแล้วจิ้มกับแจ่วหมากนาว สุดยอดอิหลีครับ หรือสิก้อยก็แซบใส่ข้าวคั่วหัวหอม ดีหลายครับคนภูไทที่นําเสนออาหารการกินอิสานบ้านเฮา

[หล่อร้อยเมตร]

เป็นตาแซบแท้น้อครับ มาช้ากั่วหมู่ อ้ายเซียง กับอ้ายทิดศรี จูบเบิ๊ดก่อนแล้วมักแท้ดอกเผิ่นจูบอ่อมหอยนั้น ::)