หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 30

หัวข้อ: คั่วหนูพุก

  1. #1
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,115
    บล็อก
    1

    คั่วหนูพุก

    คั่วหนูพุก

    มื้อนี้ฅนภูไทไปไต้หนูได้หนูพุกมาโตหนึ่ง ตอนแรกว่าสิปิ้ง แต่ย่านบ่พอกันกินกะเลยสิคั่วหนูสู่พี่น้องบ้านมหากิน มาๆๆผุได๋บ่เคยกินกะมาเบิ่งวิธีคั่วหนู

    ขั้นตอนแรก กะเอาหนูมาถอนขนออกให้เบิ้ดก่อน การถอนขนออกขนกะมีหลายวิธี วิธีแรก หมกใส่ขี้เถ้าแล้วกะถอนพอเสร็จกะเอามาลนไฟ วีธีที่2 เอาหนูไปลวกน้ำฮ้อนแล้วจั่งถอนขนออก วิธีนี้ใช้กับหนูพุกรึหนูแผงได้ทอนั่น ส่วนหนูท้องขาวใช้บ่ได้บ่หนังมันบางมันสิเปื่อยทิ้ม นอกจากวิธีนี้แล้วบางคนเขากะถะลกหนังออกกะมี


    คั่วหนูพุก

    หนูที่ถอนขนออกเบิ้ด ผมใช้วิธีลวกน้ำฮ้อน

    คั่วหนูพุก

    เสร็จแล้วเฮากะเอาหนูไปสับ เครื่องปรุงกะมี ผักชีลาว ต้นหอม ผักอิตู่ มะเขือ พริกกับตะไคร้ตำ ที่ขาดบ่ได้กะคือปลาแดก

    คั่วหนูพุก

    เอาหนูกับพริกตะไคร้ตำ มะเขือ ขึ้นตั้งไฟ ใส่น้ำปลาแดกลงไปนำ

    คั่วหนูพุก

    คั่วจนกั่วสิสุกให้เข้าเครื่อง จนหอม แล้วจั่งใส่น้ำลงไป

    คั่วหนูพุก

    พอน้ำเดือดใส่ผักชี ต้นหอม ผักอิตู่ลงไป ปรุงรสตามใจชอบ

    คั่วหนูพุก

    คั่วหนูพุก

    เสร็จแล้วกะตักใส่ถ้วยมากินกับข้าวเหนียวฮ้อนๆได้เลย เคล็ดลับ อย่าเอาใส้ทิ้มเด้อครับ ให้รีดขี้แก่มันออก แล้วเอามาสับใส่นำกัน มันสิเฮ็ดให้รสชาดดีขึ้น ออกขมอ่ำล่ำ คือคั่วบ่างนี่หละครับ

  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ขั่วโลดอาว ใส่เที่ยงนี้หล่ะ เดี๋ยวข้อยไปเอาแนวมาแก้ก่อน อ่า... อิ อิ อิ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  3. #3
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,115
    บล็อก
    1
    คั่วเสร็จแล้วอ้ายทิดศรี มาๆๆมากินนำกัน

  4. #4
    Membership renewed สัญลักษณ์ของ Sweet_M
    วันที่สมัคร
    Oct 2007
    ที่อยู่
    USA
    กระทู้
    1,097
    ฮ่วยคือมาอิจฉาผู้ได้กินขั่วหนูแท้ฮึ...
    .....โลกหมุนไป ใจอยู่กับเสียงเพลง ชีวิตฉันคืออิสระ I am what I am.....

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    แซบๆ บู๊ยย ดึงหูออกกะบ่ออกจากพาเข่าเด้อแนวนี้ นี้ขนาดคั่วหนูพุกเด้นี้ คันแม่นคั่วอีหนูแฮ่งสิคัก มื้อลุนเจ้าเฮ็ดคั่วอีหนูสู่กินแหน่เด้ออาว คือสิแซบ อิ อิ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  6. #6
    บ่าวเมฆินทร์
    Guest
    อ้ายบ่าวเจ้าเป็นหยังจั่งได้ทำร้ายสุภาพสตรีหล่ะ
    นำจักบ่วงแหน่เด้อ...กำลังหิวเข่าพอดี
    ::)

  7. #7
    น้ำตาล
    Guest
    น้ำตาลคือบ่เคยกินหละอ้าย........คั่วกบไคแน่เนาะสิได่กินนำ..อั่นนี้คั่วหนูพะนะ

  8. #8
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,115
    บล็อก
    1
    ลองกินเบิ่งเด้อน้องน้ำตาล ลองเบิ่งแล้วสิติดใจครับ ช่วงนี้หนูกำลังแซบ ถ้าหลังจากนี้ไปหนูกะบ่แซบแล้ว ยิ่งหน้าฝนยิ่งบ่แซบหนูสิคาว ช่วงนี้หนูกินข้าวหนูกำลังมัน

  9. #9
    มิสบ้านมหา 2008 - 2009 สัญลักษณ์ของ หมูหวาน
    วันที่สมัคร
    Sep 2007
    กระทู้
    1,353
    บล็อก
    5
    ขั่วสุกใหม่ๆเนาะฮ้อนๆๆๆๆๆๆ คือสิแซบ อิอิ
    ขำบางโอกาส ฉลาดเป็นบางเวลา บ้าเป็นพักๆ แต่น่ารักตลอดกาล (^_^)

  10. #10
    แบ่งปันความรู้และประสบการณ์ สัญลักษณ์ของ Tid Sri
    วันที่สมัคร
    Jul 2007
    กระทู้
    249
    ผุสาวเขาบ่กล้ากินนำดอกคั่วหนูนั้น เพิ่นอายผุบ่าว สิซดบาดใด๋กคาแต่แนมเบิ่งหน้าเพิ่น

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •