หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 29

หัวข้อ: แกงอีมู้

  1. #1
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1

    ความเยือกเย็น แกงอีมู้


    แกงอีมู้

    อีมู้ (มันอีมู้) ลำต้นเป็นเครือเลื้อยไปตามต้นไม้ ลักษณะใบคล้ายใบหมากหุงเป็นแฉก แต่ผิวใบมันกว่าใบใหญ่ไม่เกินฝ่ามือเด็กน้อย เครือมันสิแข็งมีหนามนิดหน่อยแต่หนามบ่คม ลูกมันจะออกตามเครือ สิรู้ว่าแก่จัดก็ตอนมันหล่นครับ ปลูกง่ายแค่เอาหัวมันฝังดินนิดหน่อยแล้วกลบๆ หน้าฝนก็จะขึ้นเต็มเลยครับ หน้าหนาวก็จะออกหัวครับ แล้วเฮากะขุดมาแกง ผมบ่รู้ว่าทางอื่นสิกินคือทางบ้านผมบ่ การแกงกะคือแกงหน่อไม้นี่หละครับ

    แกงอีมู้

    หน้าตาหัวอีมู้เป็นจั่งซี้หละครับ

    แกงอีมู้

    เฮากะเอาอีมู้มาฝานเอาเปลือกออก เสร็จแล้วกะหั่นเป็นชิ้นๆๆ

    แกงอีมู้

    เขียดอีโม่เอาไว้ใส่แกงอีมู้


    แกงอีมู้

    ผักสะแงะ

    แกงอีมู้

    เครื่องปรุง กะมี อีมู้ ข้าวเบื่อหมากพริก ผักสะแงะ เขียดอีโม้ ผักอีตู่ ผักขะ น้ำยานาง

    แกงอีมู้

    เอาอีมู้น้ำยานางลงหม้อขึ้นตั้งไฟ

    แกงอีมู้

    พอน้ำเดือดใส่ปลาแดกลงไป

    แกงอีมู้

    ใส่เขียดลงไปแล้วกะใส่ข้าวเบือ

    แกงอีมู้

    ใส่ผักสะแงะ ผักอิตู่ลงไป

    แกงอีมู้

    ใส่ผักขะลงไปปรุงรสตามใจชอบ ยกหม้อลง

    แกงอีมู้

    เสร็จแล้วหน้าตากะเป็นจั่งซี้หละครับ

    แกงอีมู้

    เสริฟพร้อมข้าวเหนียวฮ้อนๆๆ 8)8)8)

  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    โอยย.. พ้อของเเปลกอีกละเด้อบาดนิ ..กาสินบ้านขะน่อยคือบ่มีน่ออิมู้นิเเมะ .(.อ้ายศรีบ้านเจ้ามีบ่)
    แกงใส่เขียดอีกต่างหาก ... โอ่ววว เดอะเฟริสทาม แดท ไอเเคน ซี 555+

  3. #3
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    แกงอีมู้..ใส่เขียดอีโม่...พร้อมทั้งผักสะแงะ...เมนูนี่บ่เคยจักเทื่อ...ใส่ข้าวเบือคือกับอ่อมนี่ติ...เขาเอิ้นว่าเปิบวิตถาร..โอ๊ะเปิบพิศดารบ่...อิอิอิ...จักคำแหน่น๊า..

  4. #4
    Membership renewed สัญลักษณ์ของ Sweet_M
    วันที่สมัคร
    Oct 2007
    ที่อยู่
    USA
    กระทู้
    1,243
    อันบ่ฮู้จักดอกเด้ออีมู้นี้ บัดแต่ว่าเฮ็ดออกมาแล้วคือเป็นตาแซ่บแท้บัดนี้...อิอิ

  5. #5
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1


    หัวอีมู้ หรือมันอีมู้น่าสิเป็นอาหารของชาวภูไท ส่วนม่องอื่นผมบ่รู้คือกันครับ ว่ากินกันบ่แต่ผมยืนยันว่ากินกันมาตั้งแต่บรรพบุรุษแล้วครับ เป็นภูมิปัญญาท้องถิ่นครับ

  6. #6
    ในเมนูนี่ฮู้จักอยู่4-5อย่าง ผักอิตู๋ ผักขา เขียดโม้ น้ำยานาง ปลาแดก::)
    นอกนั่นมืดตึบ บ่เคยเห็น แล้วกะบ่เคยกิน เอามาชิมเบิ่งจักคำดู๋อ้าย แซบบ่ อิอิ
    มันอีมู้ บ่เคยเห็น แถวอุดรฯมีบ่หน่อ รสชาติกินแล้วคันปากบ่อ้าย คือเผือกบางชนิดบ่

  7. #7
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,273
    มันสิคือแกง หัวอีปุก บ่ล่ะหึ

    คือ แกงมันเผิ่ม บ่นอ เครือกะหนาม รากกะหนาม ฝานเปลือกแล่วคือกันอยู่เด๊ะล่ะแหม๋

    เคยเห็นคะเจ้าปลูกอยู่ถามเพิน เพินบอกว่าเครืออีมู้ แต่กะบ่เคยกิน


    เหลียโตนปลาแดกเนาะ ปลาเข็งน่อยตาโกนจอกหลอก ยุพะนะ::)::)
    ::)

  8. #8
    ผู้ช่วยผู้ใหญ่บ้านมหา สัญลักษณ์ของ lukhin_inter
    วันที่สมัคร
    Sep 2007
    ที่อยู่
    อิสานใต้ ประเทศไทย
    กระทู้
    2,090
    :gเป็นตาแซ่บนะอ้าย...ลูกหินมาดูหลายรอบแล้วนะ พยายามนึกว่าเคยเห็นไหม ก็...บ่นะ ไม่เคยเห็น ไม่เคยกินเลย ไปแถววานรฯ ก็ไม่ได้กิน รบกวนอ้ายภู..เฮ็ด ...เอามาแจกให้ลองชิมได้บ่จ้า...คงจะแซ่บหลายน๊อ...ฝีมืออ้ายภู...จรึ๋ย..!!!

  9. #9
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    ป๊าดดดด หัวมันคือมีแต่รากแท่ะบ่าวภูไท พอดีเจ๊ไปตลาดมาเห็นปลาหลดแม่ะ
    ไม่รู้จะเอามาเฮ็ดหยังกิน ซื้อไว้ก่อนเมนูคิดทีหลัง เอามาแจมกับอีมู้ด้วย คิ คิ


  10. #10
    มิสบ้านมหา 2008 - 2009 สัญลักษณ์ของ หมูหวาน
    วันที่สมัคร
    Sep 2007
    กระทู้
    1,478
    บล็อก
    5
    มาแปลกๆแท้หนอ มันอีมู๋ พะนะ ทางบ้านข่อยคือบ่เคยเห็นแมะ แต่มันห้วใหญ่แท้เนาะ รสชาติคือมันเทศหัวแดง บ่หนอ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •