แกงอีมู้

**ฅนภูไท** · 09-12-2007, 13:44

แกงอีมู้

อีมู้ (มันอีมู้) ลำต้นเป็นเครือเลื้อยไปตามต้นไม้ ลักษณะใบคล้ายใบหมากหุงเป็นแฉก แต่ผิวใบมันกว่าใบใหญ่ไม่เกินฝ่ามือเด็กน้อย เครือมันสิแข็งมีหนามนิดหน่อยแต่หนามบ่คม ลูกมันจะออกตามเครือ สิรู้ว่าแก่จัดก็ตอนมันหล่นครับ ปลูกง่ายแค่เอาหัวมันฝังดินนิดหน่อยแล้วกลบๆ หน้าฝนก็จะขึ้นเต็มเลยครับ หน้าหนาวก็จะออกหัวครับ แล้วเฮากะขุดมาแกง ผมบ่รู้ว่าทางอื่นสิกินคือทางบ้านผมบ่ การแกงกะคือแกงหน่อไม้นี่หละครับ

หน้าตาหัวอีมู้เป็นจั่งซี้หละครับ

เฮากะเอาอีมู้มาฝานเอาเปลือกออก เสร็จแล้วกะหั่นเป็นชิ้นๆๆ

เขียดอีโม่เอาไว้ใส่แกงอีมู้

ผักสะแงะ

เครื่องปรุง กะมี อีมู้ ข้าวเบื่อหมากพริก ผักสะแงะ เขียดอีโม้ ผักอีตู่ ผักขะ น้ำยานาง

เอาอีมู้น้ำยานางลงหม้อขึ้นตั้งไฟ

พอน้ำเดือดใส่ปลาแดกลงไป

ใส่เขียดลงไปแล้วกะใส่ข้าวเบือ

ใส่ผักสะแงะ ผักอิตู่ลงไป

ใส่ผักขะลงไปปรุงรสตามใจชอบ ยกหม้อลง

เสร็จแล้วหน้าตากะเป็นจั่งซี้หละครับ

เสริฟพร้อมข้าวเหนียวฮ้อนๆๆ 8)8)8)

**ไก่น้อย** · 09-12-2007, 15:40

โอยย.. พ้อของเเปลกอีกละเด้อบาดนิ ..กาสินบ้านขะน่อยคือบ่มีน่ออิมู้นิเเมะ .(.อ้ายศรีบ้านเจ้ามีบ่)
แกงใส่เขียดอีกต่างหาก ... โอ่ววว เดอะเฟริสทาม แดท ไอเเคน ซี 555+

**มั่วหน่าฮ่าน** · 09-12-2007, 16:55

แกงอีมู้..ใส่เขียดอีโม่...พร้อมทั้งผักสะแงะ...เมนูนี่บ่เคยจักเทื่อ...ใส่ข้าวเบือคือกับอ่อมนี่ติ...เขาเอิ้นว่าเปิบวิตถาร..โอ๊ะเปิบพิศดารบ่...อิอิอิ...จักคำแหน่น๊า..

**Sweet_M** · 09-12-2007, 16:56

อันบ่ฮู้จักดอกเด้ออีมู้นี้ บัดแต่ว่าเฮ็ดออกมาแล้วคือเป็นตาแซ่บแท้บัดนี้...อิอิ

**ฅนภูไท** · 09-12-2007, 18:14

หัวอีมู้ หรือมันอีมู้น่าสิเป็นอาหารของชาวภูไท ส่วนม่องอื่นผมบ่รู้คือกันครับ ว่ากินกันบ่แต่ผมยืนยันว่ากินกันมาตั้งแต่บรรพบุรุษแล้วครับ เป็นภูมิปัญญาท้องถิ่นครับ

**ติ๋ม เปอร์โย** · 09-12-2007, 19:20

ในเมนูนี่ฮู้จักอยู่4-5อย่าง ผักอิตู๋ ผักขา เขียดโม้ น้ำยานาง ปลาแดก::)
นอกนั่นมืดตึบ บ่เคยเห็น แล้วกะบ่เคยกิน เอามาชิมเบิ่งจักคำดู๋อ้าย แซบบ่ อิอิ
มันอีมู้ บ่เคยเห็น แถวอุดรฯมีบ่หน่อ รสชาติกินแล้วคันปากบ่อ้าย คือเผือกบางชนิดบ่

**เซียงสีผีเป้า** · 09-12-2007, 23:16

มันสิคือแกง หัวอีปุก บ่ล่ะหึ

คือ แกงมันเผิ่ม บ่นอ เครือกะหนาม รากกะหนาม ฝานเปลือกแล่วคือกันอยู่เด๊ะล่ะแหม๋

เคยเห็นคะเจ้าปลูกอยู่ถามเพิน เพินบอกว่าเครืออีมู้ แต่กะบ่เคยกิน

เหลียโตนปลาแดกเนาะ ปลาเข็งน่อยตาโกนจอกหลอก ยุพะนะ::)::)
::)

**lukhin_inter** · 10-12-2007, 01:55

:gเป็นตาแซ่บนะอ้าย...ลูกหินมาดูหลายรอบแล้วนะ พยายามนึกว่าเคยเห็นไหม ก็...บ่นะ ไม่เคยเห็น ไม่เคยกินเลย ไปแถววานรฯ ก็ไม่ได้กิน รบกวนอ้ายภู..เฮ็ด ...เอามาแจกให้ลองชิมได้บ่จ้า...คงจะแซ่บหลายน๊อ...ฝีมืออ้ายภู...จรึ๋ย..!!!