Pistaciehorn

[ติ๋ม เปอร์โย]

เป็นหน้าเป็นตาแบบนี่หละ ภาษาไทยเอิ้นว่าหยัง เป็นคล้ายๆครัวซองแต่ใส่ไส้จ้า
ทางเดนมาร์กขะเจ้าเอิ้นว่า"พิสแต้เซี่ยฮวน"5555++ งึดหลาย ขนมปังใส่ไส้กะแล้วกันเนาะ



ลงมื้อเตรียมของโลด:แป้งเอนกประสงค์250กรัม
เนย125กรัม
เกลือ1ช้อนชาเล็กๆ
น้ำตาลทราย25กรัม
นมสด11/4dl=115กรัม
ยีสต์สด40กรัม
ไส้ขนม:Pistaciemasse200กรัม อยู่ในถุงเขียวๆนั่นหละจ้า หรือสิเฮ็ดไส้ครีมเองกะบ่ว่ากัน
ทาหน้าขนมด้วยไข่1ฟอง+โรยหน้าขนมปังด้วยถั่วอันมอลด์



ลงมือนวดแป้ง+น้ำตาล+เกลือ+เนยหั่นเป็นก้อนสี่เหลี่ยมน้อยๆ นวดใส่กัน สิออกมาเป็นผงๆ
เอานมสดไปอุ่น บ่ต้องให้ฮ้อนเอาสัก30-37องศากะพอ เทจากหม้อใส่อ่าง ใส่ยีสต์ กวนให้ยีสต์ละลาย
แล้วใส่แป้ง นวดจนเนียนมือ เพิ่มแป้งเป็นนวลได้ จัก3-5ช้อนโต๊ะบ่เป็นหยัง
ปั้นเป็นก้อนกลมใหญ่ๆ เอาผ้าที่ใช้ในครัวคลุมไว้ พักแป้งจัก30นาที



เวลาผ่านไป เอาแป้งมานวดไล่ลมออก แบ่งเป็น2ก้อน เอาไม้ หรือ ที่คลึงแป้งมาคลึงแป้งออก ให้เป็นวงกลม
เส้นผ่าศูนย์กลางประมาณ23เซ็นติเมตร แต่ติ๋มกะเอาโลด ประมาณนี่หละ อิอิ
แล้วกะแบ่งแป้งออกเป็น8ชิ้น ใส่ไส้โดยการตัดก้นถุง แล้วบีบกะเอาให้ได้16ชิ้น
ห่อม้วนจากทางใหญ่ๆไปหาทางน้อยๆวางใส่ถาดที่รองด้วยกระดาษไข
เอาผ้าคุมพักแป้งอีก15นาที ในระหว่างนี่กะเปิดเตาอบโลดจ้าไฟ200องศาC



เวลาผ่านไปอีกแล้ว ตอกไข่ใส่ถ้วย ตีไข่ให้ฟู อิอิ เนี่ยเทิงตอกเทิงตี คักบ่
เอามาทาหน้าขนมให้ทั่ว โรยหน้าด้วยถั่วอันมอลด์ เอาเข้าเตาอบ15นาทีกะสุก
ถ้ายังบ่เหลืองอบต่อได้ ของติ๋มอบ17นาทีจ้า อบชั้นกลางของเตาอบจ้า



เอาออกจากถาด ผึ่งไว้ให้อุ่นๆ หรือเย็น เสริ์ฟกับน้ำชา กาแฟ เอ้าหย่าวน้องเหมียวเอ้ยมื้ออื่น อิอิ พี่ติ๋มสิมาชิมให้
พี่ติ๋มบ่เคยแพงสูตร เพราะพี่กะกางตำราเฮ็ดคือกัน อิอิ

[หมูหวาน]

อ้วนบ่ย้านแล้วนิ อ่านกินอย่างเดี่ยวเลย พ้อของแซบ เนาะ::):g:g:g

[เซียงสีผีเป้า]

คือครัวซองค์ ตั่วล่ะเนาะ


อั่นที่บ่ทันอบ เป็นเขาเซ่าเง่า งามตั่วล่ะ

[ติ๋ม เปอร์โย]

บ่อ้วนดอกจ้า หมูหวาน เฮ็ดแล้วเจ้าของกะกินซะแหม๋ชิ้นหนึ่ง นอกนั่นกะห่อดีๆ เอาไปฝากเพื่อนบ้านจ้า อิอิ

[ตรี ศรีเมืองใหม่]

วาสนาบักอ้ายคือสิได้กินแต่ข้าวต้มมัดนี้ละน้องติ๋ม...

[pui.lab]

วาสนาบักอ้ายคือสิได้กินแต่ข้าวต้มมัดนี้ละน้องติ๋ม...

เว้ามาเป็นตาน่าสงสารแท้หล่ะอ้ายเซียง วาสนาได้กินแต่ข้าวต้มมัด แถวบ้านร้านเบอเกอรี่บ่มีตี้ คิ คิ

[ตรี ศรีเมืองใหม่]

เว้ามาเป็นตาน่าสงสารแท้หล่ะอ้ายเซียง วาสนาได้กินแต่ข้าวต้มมัด แถวบ้านร้านเบอเกอรี่บ่มีตี้ คิ คิ

แถวๆบ้านก็มีอยู่ดอกน้องแต่บ่อกล้ากินมันราคาแพงขนมอันนี้..เลยหากินแต่ข้าวต้มมัดมันจั่งบ่อแพง ครับผ๊ม

[Sweet_M]

อันงานนี้เหมียวขอผ่านเด้อเอื้อย....บ่ค่อยถืกซะตาปานได๋อันนี้ อันแบบว่ามันมีขายในกระป๋อง กะเลยเฮ็ดให้ขี้คร้าน.....อิอิ....เอื้อยอย่าว่านางเด้อ

[Tid Sri]

กินแล้วสิบ่ได้เว้าฝรั่งกล่อมกันอยู่ติเอื้อย

[ติ๋ม เปอร์โย]

55++กะธรรมดาหละเนาะน้องเหมียว คนเฮาสิให้มักทุกอย่างกะเป๋นไปบ่ได้
อย่าว่าแต่อาหารฝรั่งเลย อาหารไทยแท้ๆพี่ติ๋มยังบ่กินเบิดทุกอย่างเนาะ เข้าใจจ้าน้องหล่า
อ้ายเซียงแหม๋ คั่นอยากชิมอิหลี สิเฮ็ดไปฝากดอกจ้า
อิอิ...ทิดศรีเว้าภาษาหยังกะม่วนเบิดหั่นหละ คั่นแม่นภาษารัก มักฟังตั๊ว::)