มื้อวานไปหาหลอยหน่อไม้มาแต่หลังเฮือนผู้ใหญ่บ้าน เอามาเผาดีๆแล้วกะเขี่ยนต้มให้เซาขม คั้นใบยานางมาเตรียมไว้ ว่าสิซุบ
จากนั้นกะเอาหน่อไม้ที่ต้มจนเซาขมแล้วนั้นไปใส่หม้อน้ำยานางใส่เกลือแหน่จักหน่อย แล้วต้มจนกว่าว่า สีของน้ำยานางเซาเขียว ก็ยกลง
จากนั้นกะเตรียมเครื่องปรุง สูตรนี้บ่อใช้ข้าวคั่ว แต่ใช้ถั่วลิสงคั่ว หรืองาคั่วแทน แล้วกะมี พริกคั่วป่น ต้นหอม ผักชี หอมเป สระแหน่ เป็นหลัก ส่วนปรุงรสกะมีน้ำปลาแดก น้ำปลา ชูรส ส่วนแมงดากะฟักดีๆ ตำให้พอแหลกเตรียมไว้
พอหน่อไม้เย็นลง ก็ผสมเครื่องปรุง พริก น้ำปลาแดก น้ำปลา ชูรส แมงดา และผักที่หั่นไว้ ลงคนให้เข้ากัน ถั่วป่น และหอม ควรเหลือไว้ถ้าโฮยหน้านำ สิได้เพิ่มความแซบนัวตื่มอีก พร้อมกับผักแกล้มต่างๆ มีผักบุ้ง ผักอีเลิด ผักกะสัง ถั่วฝักยาว หมากเขือ กระหล่ำ ตามแต่สิหาได้ คันหาผักหยังบ่อได้ กะไปกินข้างๆ ผักกะตู อิ อิ
เคล็ดลับความแซบบ่อได้อยู่ที่ หน่อไม้ลักมาเด้อ อิ อิ แต่อยู่ที่ถั่วป่น พริกคั่ว กับแมงดา อิ อิ ผู้มักส้ม กะบีบหมากนาวลงไปนำจักหน่อย กะแฮ่งแซบคักอีก
Bookmarks