จำเป็นบ่อที่เด็กน้อยบ้านเฮาใช่มือถือ

[sikto]

บ่อรู้ว่าจะเห็ดแบบใดที่เด็กน้อยอยู่บ้านอยากใช้มือถือ เห็นหมู่นำกันในห้องใช้มือถือคุยไปคุยมา มันคือโก้แท้เน้อ ขนาดอยู่แค่ ป.1 ป.2 ยังอยากได้มือถือ บ่อฮู่บ่อว่าค่าโทรเดือนละเท่าไร เครื่องละจักบาท จักว่าจะเอาไปคุยอิหยังกัน พ่อแม่บางคนคือชื้อให้ลูกใช้ อยู่ในโรงเรียน มันจำเป็นต้องใช้ปานนั่นบ้อ เอาเวลาไปศึกษาหาความรู้ เข้าห้องสมุดบ่อดีกว่าติ โทรศัพท์มือถือ เอามาถ่ายอิหยังกัน เห็นเป็นข่าวอับอายขายขี้หน้ากันทั่วหน้า ครูในโรงเรียนบ่อรู้รู้จักเตือนเด็กน้อยบ่อน้อ ผู้ที่เข้ามาอ่านแล้วเป็นครู คอยบอกนักเรียนนำแน่ว่าบ่อต้องนำมือถือมาโรงเรียนดอก ฝากนำแน่

[Tid Sri]

เห็นด้วยยุบ่าว หน้าที่ของนักเรียนกะคือเรียนหนังสือ
แต่ถ่าจำเป็นอีหลีทางโรงเรียน ครูบาอาจาย์กะควรกำหนดเวลาในการใช้ เช่น ตอนเย็นโทรไห่พ่อแม่มาฮับ

[บ่าวดอนโบม]

ในสังคมยุคปัจจุบันนี้ โทรศัพท์มือถือเข้ามามีบทบาทในชีวิตประจำวันของคนทุกคน

การที่คนมีโทรศัพท์ใช้กะมีประโยชน์หลายๆๆหย่างครับ

แต่การที่เด็กใช้ประโยชน์กะมีคือกันครับแต่กะบ่หลายปานได๋ เพราว่าเด็กน้อยส่วนมากมีไว้คุยกับหมู่ซือๆๆ

ที่จะโทรคุยกับพ่อแม่ หรือโทรหาครูที่ปรึกษาถามปัญหาการเรียนมีน้อยมากครับ
โทรศัพท์กะมีผลกระทบต่อสมองของเด็กน้อยหลายคือกัน เนื่องมาจากคลื่นความถี่ของโททรศัพท์นั่นเอง

กับผู้ใหญ่กะมีผลคือกันเดอ้ครับ การใช้ดทรศัพท์ต้องระมัดระวังซักนิดเดอ้ครับ

[บ่าวเมฆินทร์]

ถามว่าจำเป็นบ่...บ่าวว่าจำเป็ฯคือกันครับสำหรับการติดต่อกับผู้ปกครองหรือครูอาจารย์เพื่อถามการถามงาน แต่ว่าเด็กน้อยซุมื่อนี่มักซิใช้เกินจำเป็นหลายกว่า อย่างเช่น มีโทรศัพท์แล้วเอาไว้โทรหาหมู่หาผู้บ่าวผู้สาวในเวลาเรียน อยู่ว่างบ่ได้ต้องโทรตลอด (ตามที่ได้เห็นครับ) อีกอย่างครับซอมเบิ่งโทรศัพท์แต่ละคนแล้วบ่าวหลดอยากอายเด็กน้อย เขาพากันใช้เครื่องละเฉียดหมื่นหรือหมื่นขึ้นมาแนมเบิ่งเจ้าของใช้เครื่องบ่เกินสองพันจ้อย
ส่วนว่าในโรงเรียนนั่นบ่แม่นครูเผิ่นบ่ห้ามบ่เว่า บ่าวกะเคยเป็นครูมาคือกัน บางเทื่อโรงเรียนถึงกับห้ามให้นักเรียนเอาโทรศัพท์หรือใช้โทรศัพท์ในโรงเรียนเพราะว่าเด็กน้อยสิบ่ตั้งใจเรียน แต่กะถืกผู้ปกครองมาว่าให้ว่าโรงเรียนจำกัดสิทธิของเด็กน้อย กะเลยยอม พอแต่เด็กน้อยผลการเรียนตกหรือว่าเฮ็ดโทรศัพท์เสียกะมาโทษโรงเรียนอีกว่าโรงเรียนบ่เบิ่งบ่ใส่ใจเด็กน้อย กะจักสิให้เฮ็ดจั่งได๋คือกัน

[pui.lab]

ป1 ป2 มีมือถือใช้กันแล้วติ้ กลุ้มใจกับค่านิยมของคนเอเชีย

พอดีว่าปุ้ยเขียนประสบการณ์ที่เห็นและเจอในปัจจุบัน เรื่อง
ความแตกต่างระหว่างวัยรุ่นไทยกับวัยรุ่นฝรั่ง เขียนมันส์มาก (ชมตัวเอง)
เขียนไว้หลายเดือนแล้วแต่ว่าไม่มีเวลาพิมพ์ ว่างๆ ก่อนเด้อ
แล้วจะรู้ว่าวัยรุ่นไทยกับวัยรุ่นฝรั่ง ฝรั่งชิดซ้ายบอกไว้ก่อน หึ หึ

[โป้ยก่าย]

มีมือถือเท่ากับว่ามีหมู่อยู่เคียงข้าง
สมัยสุมื่อนี้คนเฮาเริ่มเป็นคนเว้ามากขึ้นย้อนโทรศัพท์มือถือ
บ่ว่าน้อยว่าใหญ่เป็นไปนำกันเหมิด คือสิห้ามยากอยู่ดอก
ผู้เป็นพ่อเป็นแม่ค่อยเบิ่งคอยแยงลูกเต้าเจ้าให้ดีท่อนั้นหละครับ