Blueberry Muffins

[ติ๋ม เปอร์โย]

บลูเบอรี่ มัฟฟิน บ่มีไผกล้าเฮ็ดขนมเลยเนาะ เอ้า...อ้วนอยู่คนเดียวกะได้จ้า
เปิดเตาอบไฟ225องศาC เตรียมถาดมัฟฟิน ใส่ถ้วยกระดาษไข

มีสูตรง่ายๆมาฝากคือเก่า:แป้ง4dl/240กรัม น้ำตาล2dl/170กรัม เกลือ1/2 ช้อนชา
ผงฟู2ช้อนชา นมสด11/2dl/155กรัม ไข่1ฟอง เนยละลาย25กรัม บลูเบอรี่สด/แช่แข็งกะได้125กรัม

ลงมือโลด ปั่นน้ำตาลใส่ไข่ ตามด้วยเนย+นมสด ปั่นสักพักใส่ของแห้งทั้งเบิด ปั่นจนเข้ากัน
ใส่บลูเบอรี่ ตะล่อมด้วยพายยาง/พายไม้ ตัดใส่ถ้วยมัฟฟิน ได้12ถ้วยพอดีจ้า

เอาเข้าเตาอบชั้นกลาง18นาที หรือจนสุกเหลือง

นำออกจาถาด ถิ่มไว้ให้เย็น กินกับกาแฟจ้า
สิใช้ผลไม้รสเปรี้ยวแทนกะได้จ้า หั่นเป็นชิ้นเล็กๆ

[ชายหล่ามาดามศรี]

มัฟฟิ่น ของโปรดอีกแล้วเอื้อยไก่ เป็นตาแซบอีกแล้วใส่บลูเบอรี่สดพร้อมเป็นตาแซบเน้อไปหาเก็บมาแต่ใส่ละคัฟ อิอิ ริมรั้วอยุ่พ้อคัฟ ถ่าอยุ่บ้านเฮาเฮ็ดใส่บักตากบสิเป็นตากินบ่เหอะ อิอิ อยากลองเบิ่งเด่เน้อ กลับมา มาเฮ็ดลองเบิ่งแน่เด้อคัฟ ชายหล่ากับอ้ายหล่อสิอาสาชิมก่อนหมู่ดอกคัฟ เอิ๊ก ๆๆ หาแต่อ่านกินดอกอ้ายน้องคุ่นี้ อิอิ

[มั่วหน่าฮ่าน]

ถ่าแหน่ๆ...ให้ซงกาแฟก่อนเด้อ...เบิดหนีจากซะน้อ...อิอิ..

[ติ๋ม เปอร์โย]

น้องชายหล่า บลูเบอรี่สดนั่นงอกงามอยูในกระเป๋าสตังค์จ้า
หมากตากบติ ไปขึ้นมาเดี๋ยวสิเฮ็ดให้กิน หมากพีพ่วน หมากเล็บแมวหมู่นั่น ไปเก็บมาโลด อยู่ทางนี่บ่มีขายเด๋หล่า

[หมูหวาน]

จัก 2 ชิ้นแน่ เอื่อยติ๋ม อิอิ เอาที่มีใส่หลายๆๆเด้อ อิอิ ::):g:g

[ตุ๊กตาไล่ฝน]

บ่เปิดครัว เฮ็ดขนม ย่อนว่า เฮ็ดบ่เป็นเด้อจ๊า ติ๋ม จ๋า
มาลักจกกินเอาในครัวนี่หล่ะ ง่าย ดิ อิอิ.. อ้ายมั่ว โอวัลติน เผื่อน้องนำ แก้วหนึ่ง

[ไม่สวยแต่เร้าใจ]

ข้อยฮู้แล้วเอื้อยว่าเป็นหยังมันจังบ่เป้ดออกทางข้าง ย่อนว่าถาดอบเจ้ามันเป็นหลุมวะติ้ ยุเฮือนเป็นถาดแบนเลยบ่งาม เป็นตาฮักเนาะ

[ขอโทษที่คิดถึง...เด็กดื้อ]

โอ๊ย! เบิ่งขนมมาหลายอย่างแล่ว...สรุปมักเบิดทุกอย่าง แบบนี้มีหวังอ้วนแท้ ๆๆๆๆ เหอ ๆๆๆๆ ::)

[จ๊ะเอ๋]

อิอิ แอบจกกินขนมอีกก่อน ว่าซิบ่กินกะเปนตาแซบคัก 8)

[ติ๋ม เปอร์โย]

หนี่หละเอ๋เอ้ย..แนวพาอ้วน ลดยากๆอยู่หนี่...อิอิ...แล่นเข้าฟิตเนสหน้าดำหน้าแดงอยู่แถวนี่หละ555++