กำลังแสดงผล 1 ถึง 8 จากทั้งหมด 8

หัวข้อ: กระหยัง

  1. #1
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1

    ความเยือกเย็น กระหยัง


    กระหยัง ภาษาภูไทบ้านผมเอิ้น ขะม้อง

    กระหยัง

    กระหยังกะคือตะกร้าชนิดหนึ่ง มีลักษณะคล้ายกระบุงแต่มีเชือกฮ้อยเอาไว้พาย หรือเอาไว้ผูกใส่เอวเวลาไปหาอยู่หากิน เช่นไปหาหน่อไม้ ไปซ้อน ไปหาเก็บเห็ด เฮ็ดจากไม้ไผ่สานเป็นรูปทรงกระบอกมีหลายขนาด กระหยังเป็นอีกเครื่องมือหาอยู่หากินที่จำเป็นสำหรับวิถีชีวิตของคนอีสานสมัยก่อนครับ

    ปล.คือกันกับกระต่าที่แตกต่างกันกะที่ตรงกระหยังสิใช้เชือก

    กระหยัง

  2. #2
    แบ่งปันความรู้และประสบการณ์ สัญลักษณ์ของ Tid Sri
    วันที่สมัคร
    Jul 2007
    กระทู้
    294
    ทางยโสคือบ่มีอ้าย มีแต่กะต่าคือว่านั้นล่ะ หูมันบ่แม่นเชือกแต่เป็นไม้ไผ่เด้ล่ะ

  3. #3
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1
    เอ้าบ่มีติ เวลาไปซ้อนกุ้งซ้อนแมงตับเต่าอยู่บ้านใช้หยังหละ ปกติเขาสิใช้กระหยังผูกใส่เอวยามเฮาไปซ้อนจั่งสิสะดวก หรือเวลาไปหาหน่อไม้เฮากะพายเอา ส่วนกระต่าบ้านผมสิเอาไว้ใช้งานที่บ่หนักปานได๋เช่น ใส่แนวกินไปลงวัด หรือใส่แนวกินไปไฮ่ไปนา

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    กระทู้ต้นฉบับโดยคุณ ฅนภูไท
    เอ้าบ่มีติ เวลาไปซ้อนกุ้งซ้อนแมงตับเต่าอยู่บ้านใช้หยังหละ ปกติเขาสิใช้กระหยังผูกใส่เอวยามเฮาไปซ้อนจั่งสิสะดวก หรือเวลาไปหาหน่อไม้เฮากะพายเอา ส่วนกระต่าบ้านผมสิเอาไว้ใช้งานที่บ่หนักปานได๋เช่น ใส่แนวกินไปลงวัด หรือใส่แนวกินไปไฮ่ไปนา
    บ้านข้อยเวลาไปส่อนกุ้ง ส่อนแมง ใช้คุอูม คุออม ตั้วอาว เป็นคุสานด้วยไม้ไผ่ยาขี้ซีมีฮวงไม้ ปากออมๆ แคบๆ ลอยน้ำอ่องล่องผูกเซือกมัดใส่แอวเอาโลด

  5. #5
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1
    อ้ายทิดศรีผมถามอีกแหน่เวลาไปซ้อนใช้อิหยังซ้อนครับ บ้านผมเขาใช้กระด้งเขิง(กระโด้)เด้อครับ


    กระด้งเขิง(กระโด้)

  6. #6
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    โอ..เฮ็ดดีตั้วหล่ะเนาะ กะโด้แมะ แถวบ้านข้อยกะใช้สวิงธรรมดานี้หล่ะอาว คันบ่อซั้นกะใช้ผ้าแหย่ง หวิงนี้คันส่อนแล้วเลือกเสร็จกะซิดไหว่โลดดอก ลางเทื่อมีฮอดปลิงค้าว ซิดผิดทางไปติดเสื้อผู้ส่อนอยู่ข้างๆเอ้ดเลดอยู่กะมี ด่ากันว่าสั่น อิ อิ แต่ว่า กะหยังนี้ สิแม่นอันเดียวกับ กะซ้าบ่อหืออาว สงสัยแมะ

  7. #7
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    ฮ่าๆๆ...มีแต่แนวบ่เคยเห็น..พี่น้องเอ๊ย...

  8. #8
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,273
    กะหยัง กะคือกะต่าถอดฮวงซือนี่ล่ะเนาะ คันใส่ฮวงกะเอิ้นกะต่า คันบ่ใส่ฮวงใส่สายแทนกะเอิ้นกะหยัง เอาไว้ยามไปขัวหอยดีคักมัดใส่แอว แล่นกะบ่หลูด ดีคัก

    ส่วนวา กะด้งเขิง บ้านผมบ่เอามาต๊ะส่อนทั่วไปเด๋ ยังเอามาส่อน บักไข่ผำ กะได้

    ส่วนว่าหวิง เอาไว้ส่อนธรรมดานี่ล่ะ คือใหญ่ศรีลาววานั่นล่ะ ส่อนไปถืกดปลิงค่าว ขนคีงลุกยาบๆ

    ส่วนวาคุขี่ซี เอาไว้ถ่าขังปลาดีคัก เอาไว้ตักน้ำให้งัวกะได้

    ส่วนวา เวลาไปตึกแห สิใช้ข่องลอย หรือ ข่องเป็ด ข่องธรรมดานี่ล่ะแต่วาสานเป็นรูปเป็ด แล้วกะเอาไม้งิ้ว หรือ ต้นโน(สโน) หรือ เอาฟองน้ำ(โฟม) มัดใส่ทางข้าง ลอยอ่องล่อง

    จั่งซั่นล่ะ กะบาทเอ้ย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •