หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: กว่าสิมาเป็นปืนแก๊ป

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    กว่าสิมาเป็นปืนแก๊ป

    มื้อนี้ศรีสะท้านขออนุญาตยกยอ เอากระทู้ที่กล่าวถึงปืนแก๊ป มาไว้ในบอร์ดคลังความรู้ เพราะว่าเนื้อหามันไปเกี่ยวกับความเป็นมา ประวัติของปืน ซึ่งค่อนข้างสิเป็นวิชาการ จึงขออนุญาตท่านเจ้าของบ้าน และท่านผู้ดูแลบอร์ด ตลอดสมาชิกทุกท่านเด้อ คะรับ
    เว้าถึงว่าปืนแก๊ปนี้ มันมีที่มาและวิวัฒนาการตั๊วคะรับ เอาพอสังเขปนอ เดิมทีก่อนสิมาเป็นปืนแก๊ป สิเป็นปืนจับจูด มาเป็นปืนคาบชุด ต่อมากะมาเป็นปืนคาบศิลา จั่งวิวัฒนาการมาเป็นปืนแก๊ป
    - ปืนจับจูดกะคือปืนบ่อมีนกสับ เมื่อบรรจุดินปืน หมอน(มอน)และกระสุนเสร็จก็ใช้ไฟจุดทางรูชนวน ปืนชนิดนี้นิยมเฮ็ดเป็นปืนใหญ่ ตัวอย่างอยู่หน้ากระทรวงกลาโหม
    - ปืนคาบชุด เป็นปืนที่ถืกออกแบบมาให้มีนกไว้สำหรับคีบสายชนวน(ฝ้ายฝั่นเป็นเกลียวเชือกประมาณไส้ปากกา หรือใหญ่กว่านั้นหน่อย)สายชนวนที่ว่า สินำไปชุบสารละลายดินประสิว(ขี้เจีย)เจือจางแล้วตากให้แห้ง ตรงโคนของลำกล้องที่บรรจุดินปืนสิมีรูข้างแล้วมีแอ่งใส่ดินล่อ(หมื่ออ่อย)มีฝาปิดไว้เมื่อบรรจุดินปืนหมอน(มอน)และ กระสุน และใส่ดินล่อเสร็จ ก็จุดชนวน ปกตินกปืนคาบชุดนี้สิง้างอยู่ ต่อเมื่อต้องการยิงก็เปิดฝาแอ่งดินล่อออก แล้วเหนี่ยวไก ไกที่คีบชนวนก็สิโน้มลงใส่แอ่งดินล่อ ติดเข้าไปในดินส่วนบรรจุทันที ไง่กุ๊บพี่น้อง หมื่ออ่อยควันเต็มหน้า เคยยิงมาแล้ว อิ อิ
    กว่าสิมาเป็นปืนแก๊ป

    - ปืนคาบศิลา (ปืนเพลิง) มีแอ่งใส่ดินล่อคล้ายกันกับปืนคาบชุด แต่ฝาปิดสิมีแผ่นเหล็กตั้งขึ้นเพื่อรับการสับของนกปืน ส่วนของนกปืนเป็นลักษณะปากคีบมีเกลียวหมุนขึ้นลงเพื่อหนีบหินเหล็กไฟไว้ เวลาสิยิงก็บรรจุดินปืนหมอน(มอน)กระสุน ใส่ดินล่อแต่ฝาปิดแอ่งดินล่อยังปิดอยู่ จากนั้นง้างนก เมื่อเหนี่ยวไก นกสับลงตรงแผ่นเหล็กที่ทำเป็นฝาครอบดินล่อเกิดเป็นประกายไฟ พร้อมกับฝาก็ถืกเปิดออก ประกายไฟกะสิไปติดดินล่อและติดไปในลำกล้อง เกิดการเผาไหม้ระเบิดส่งกระสุนออกทางลำกล้อง อั่นนี้กะไง่กู๊บ คือกันกว่าสิมาเป็นปืนแก๊ป

    - ปืนแก๊ป ต่อมามีการเฮ็ดแก๊ปขึ้นมาใช้ ปืนที่เคยจุด ที่เคยใช้หินตีกระทบ ก็ถืกปรับปรุงมาใช้แก๊ปแทน โดยการเปลี่ยนจากเจาะฮูข้างโคนกระบอกมาเฮ็ดเป็นพวย(นมหนู/กะดอ) นกสับถืกออกแบให้น้อยลงและทำเป็นรูสำหรับใส่แก๊ป ถ้าเป็นแก๊ปแบบครอบพวย กะสิใช้นกสับแบบตันแทน การบรรจุการยิงก็สิง่ายขึ้น คือบรรจุเสร็จกะใส่แก๊ปง้างนกยิงได้เลย สมัยโบราณ ยุคล่าอาณานิคมพวกยุโรปนำมาใช้(รวมทั้งปืนคาบชุด/ปืนคาบศิลา/ปืนแก๊ป) เข้าใจว่าคนเอเชียคงได้ศึกษาจากพวกยุโรปเหล่านี้ และสยามเองกะได้สั่งซื้อปืนเหล่านี้มาเป็นอาวุธในกองทัพนำ แต่ยุโรปเองมีระบบเทคโนโลยีสูงกว่าบ้านเฮาเลยสามารถเฮ็ดได้ดีและมาตรฐานกว่า เพราะตามที่ผมเห็นมา ปืนแก๊ปยุคเก่าของยุโรป มีกระสุนปลอกเป็นนัด มีระบบเฮ็ดให้แก๊ปเลื่อนขึ้นมาเวลาง้างนก เวลาสิยิงกะฉีกปลอกกระสุนทางด้านดินปืน แล้วยัดลงไปในลำกล้องเสร็จกะง้างนกใส่แก็ป หรือถ้ามีแก๊ปเลื่อนได้ในตัว ก็เหนี่ยวไกได้เลย ซึ่งต่อมากะวิวัฒนาการมาเป็นปืนลูกซองปัจจุบันนี้หล่ะครับกว่าสิมาเป็นปืนแก๊ป
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  2. #2
    น้ำตาล
    Guest
    ถือดีๆๆเด้อใหย่..เล็งแม่นๆๆหันปลายกระบอกปืนหนีอย่าหันมาทางน้ำตาลโอ้ยยย..เนาะคนแม่นย้านแม๋ฮ่วย..::)::)

  3. #3
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433
    อยู่เฮือนกะยังมียุ สอง กระบอกแหม๋ กลับบ้านไปตอนวันพ่อหน่ะ ว่าสิเอาไปลองยุ เสียดายตะแก๊ป มันบ่ทำงานหล่ะ สงสัยว่ามันชุ่มดนโพด เก็บไว้ตั้งดนโพด ขอบคุณข้อมูลจากท่านลุงทิด หลาย ๆ จั่งได๋กะบ่แม่นของเล่นเด้อ ปืนผาหน้าไม้กะดาย หันไปทางน้องสาว พุ้นหล่ะ อ่ะสุหันมาทางผ้มมมมมมมมมมม โอ๊ยเนาะ

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  4. #4
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490
    น้อง"น้ำตาล"คือสิย้านปืนเน๊าะหล้า ให้อ้ายทิดคําศรี กับบ่าวโจ่โล่ พาไปซ้อมยิงที่สนามยิงปืนกะได้เด้อน้อง อิอิๆๆ
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  5. #5
    น้ำตาล
    Guest

    บ่าวเซียงน้อย

    บ่าวเซียงน้อย กระทู้ต้นฉบับโดยคุณ บ่าวเซียงน้อย บ่าวเซียงน้อย
    น้อง"น้ำตาล"คือสิย้านปืนเน๊าะหล้า ให้อ้ายทิดคําศรี กับบ่าวโจ่โล่ พาไปซ้อมยิงที่สนามยิงปืนกะได้เด้อน้อง อิอิๆๆ
    เอ๋า...อ้ายเซียงน้ำตาลกะย้านยุละเนาะอ้าย..ปืนเนาะ..อิอิ..ใหย่ศรีกับอ้ายบ่าวโจ่โล่เพิ่นสิยิงเป็นบ่หละอ้ายปืนสิบ่ลั่นใสจะของซะติ ....::)::)

  6. #6
    แบ่งปันความรู้และประสบการณ์ สัญลักษณ์ของ Tid Sri
    วันที่สมัคร
    Jul 2007
    กระทู้
    249
    ได้ปืนแก๊บแล้วบาดนี่สิพาอ้ายทิดคำศรีเลาไปใต้หนูก่อนนา

  7. #7
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433
    ป๊าาาาาาาาาด น้องมันคือสบประมาทแทะน่อ ไสลุงศรีหันมาทางนี้เบิ่่งแน่นา ปืนหน่ะมีลูกยุเบาะ หรือว่าปืนขึ้นสนิมแหม๋ ยิงโชว์เบิ่งจักเทื่อแนะแมะ

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  8. #8
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,115
    บล็อก
    1

    ความเยือกเย็น

    เว้าพื้นเรื่องปืนแก๊ปแล้วคิดถึงสมัยเป็นเด็กน้อย ผมเป็นคนสอดรู้สอดเห็นมักเล่นปืนผาหน้าไม้ ใหญ่ขึ้นมากะว่าสิเป็นทหาร อยากเป็นทหารแฮง มื้อนั่นเฒ่าพ่อเฒ่าแม่บ่อยู่เพิ่นไปนา ผมเลยเอาปืนมาเล่นเล็งใส่ผุนั่นผุนี้ ยิงใส่คนนั่นคนนี้ พวกหมู่ที่มาเล่นกะแล่นหนีเบิ้ด ผมกะนึกว่าปืนบ่ใส่ลูก เลยหันมาเล็งโอ่งมังกรเหนียวไก อีกทีลั่นปัง! ผมตกใจแทบสิทิ้มปืน เห็นแต่โอ่งมังกรเป็นฮู น้ำไหลจ๊ากๆออกมา วางปืนได้ผมแล่นหนีไปลี้อยู่เล้าย่านเฒ่าพ่อเฒ่าแม่ตี จนว่ามืดเฒ่าพ่อจั่งมาหาพ้อ

    อันนี้กะเป็นบทเรียนของผุมีปืนผาหน้าไม้เด้อครับ อย่าซุเก็บไว้ไกล้มือเด็กน้อย เก็บไว้ดีๆ อาจสิบ่โชคดีคือผมกะได้ เหอๆๆ เกือบฆ่าคนตายแล้วผม

  9. #9
    น้ำตาล
    Guest

    ดูวีดีโอ YouTube ออนไลน์ บ่าวโจ่โล่

    บ่าวโจ่โล่ กระทู้ต้นฉบับโดยคุณ บ่าวโจ่โล่ บ่าวโจ่โล่
    ป๊าาาาาาาาาด น้องมันคือสบประมาทแทะน่อ ไสลุงศรีหันมาทางนี้เบิ่่งแน่นา ปืนหน่ะมีลูกยุเบาะ หรือว่าปืนขึ้นสนิมแหม๋ ยิงโชว์เบิ่งจักเทื่อแนะแมะ
    55+เพิ่นคือสิเคียดเนาะว่ายิงปืนบ่เป็นให่หยอกนำแน้ใหย่บ่าวโจ่โล่..อิอิ.น้ำตาลว่าปืนมันขึ้นสนิมเบิ่ดแล้วหละบ่าว..มันสิยิงออกบ่บุ๊ปืนใหย่ศรีนะ...::)::)

  10. #10
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ...แม่นความบ่าวภูไทว่านั้นหล่ะ ปืนผาหน่าไม้ สิมีลูกบ่อมีกะซ่าง ห้ามบ่อให้แน(เล็ง)ใส่คน มันสิหย่ามมือ บาดเทื่อหลงแน หลงลั่นไกตอนมันมีลูก สิว่าหยังแต่ปืนขนาดนิ้วชี้มือเฮาเพิ่นยังห้ามแนสุ่มสี่สุ่มห้าเนาะ อิ อิ อิ
    ...แม่นหยังหล่ะน้ำตาล มาเว้าคักแท้ยิงบ่อออกกะมาสิยาก จับด้ามทั่งเอาโลดกะได้เด้หล่ะ ฮ่วยย ผั่นสิบ่อจุกน้อยพู้นบ่อ เหอ ๆ ๆ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •