กำลังแสดงผล 1 ถึง 3 จากทั้งหมด 3

หัวข้อ: ...ลมหนาว...สาวคราญ

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8

    ...ลมหนาว...สาวคราญ

    ยามเดือนหงายคล้อย.............ลมวอยวอยพาหนาวสั่น
    กายน้องหนาวสะบั้น...........มโนนั่นบ่ต่างกัน
    ลมหนาวพัดผันเข้า ............ความเงียบเหงามาจอดแว่
    ใจเป็นหยังแท้แท้...............ไผสิแก้ซ่อยนาง.. น้อพี่เอย
    แม่นเป็นหยังกะด้อใจเอ้ย............. แนวบ่เคยเป็นมาก่อน
    นอนหงายกะแล้วนอนคว่ำกะแล้ว.........ใจนั่นยังสั่นไหว
    เดิกเดิกนอนคุดคู้........................น้ำตาไหลฮ่งบ่อน
    จนว่าหมอนเปียกมู่......................นอนไห้ฮ่ำคะนิง
    คิดฮอดเด้คิดฮอดอ้าย...................น้ำตาไหลหยาบย่าง
    เหลียวผ่อทางกะแล้ว................ บ่ เห็นอ้าย บ่าวพี่ชาย
    ปานใดเด้ อ้ายจั่งสิเดินมาผ่าย........เมืองกาสิน บ่อนน้องอยู่
    อำเภอยาง มันหากเป็นอ้างว้าง.......ยามไกลอ้ายฟ้าหม่นหมอง
    เผยวจีจาต้าน ..........................ผ่านลมหนาวไปบอกพี่
    ว่า น้องยังคอยอยู่นี้ ................... ยังคองอ้าย อยู่เสมอ
    ถึงยามแลงยามเช้า .......................นั่งจับเจ่าเหงาหงอย
    ฮู้ บ่ น้อใจคนคอยมันเป็นทุกข์ ......อั่งอุกหัวใจ ...โอ้
    ถึงบาดยามกินข้าว.......................กินคนเดียวเป็นตาหน่าย
    ปาน ว่าลูก กำพร้า.......................หันหน้าเข้าใส่ฝา
    พ่อแม่ตายเหมิดแล้ว ...................กินคนเดียวน้อง บ่ ว่า ...หยังน๊า
    พ่อแม่มี อยู่แท้ๆ.........................มากินข้าวผู้เดียว
    ลมหนาวมาหน่างน้าว..................หนาว บ่ น้อคุณพี่
    น้องนั่นนอนอยู่พี้ ....................คือหนาวล้น ยิ่งกว่าไผ แท้น้อ
    ยามหนาวหนาวแบบนี้ ...............อ้ายนอนเคียงคือ สิอุ่น เด้น้อ
    แม่น สิต่ำถึงศูนย์ ................... น้อง บ่ คิดเดือดร้อน หากมีอ้ายแนบคิง
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    เดือนสิบสองเดือนอ้ายบ่อทันกลายความหนาวหน่วง
    บ่อเคยส่วงคึดฮอดเจ้าผู้เคยเว้าต่อกัน
    ความสัมพันธ์บ่อเคยม้างลาวางไกลจาก
    แต่ลำบากหน้าที่อ้ายซายพี้ได้ห่างลา
    ความเคยจายังจำได้หัวใจยังคือเก่า
    คึดมาอุกอั่งเอ้าหมองเศร่าย้อนคึดนำ
    ยังจดจำบ่อเคยฮ้างอำเภอยางสถานถิ่น
    กาฬสินธุ์บ่อนบ้านสถานห่องแห่งเฮา
    อ้ายยังจำตั้งแต่เจ้าเป็นนางไอ่บุญเดือนหก
    เคยได้เอาขี้ตมจกฟาดคัวถืกหัวน้อง
    แม่ใหญ่ใสจนไปฟ้องเฮือนกำนันขันเอาเรื่อง
    จนได้เข้าในเมืองไปหาลี้อยู่วัดใต้คราวนั้นจั่งแม่นซัง
    บ่อเป็นหยังดอกเด้อหล่าที่กลายมาพ้นผ่าน
    อ้ายบ่อเก็นเอามาอ่านให้รำคาญเกี่ยวกลุ้มอ้ายสุมถิ่มตั้งแต่ดน
    ต่อจากนี้กะเริ่มต้นดีกันใหม่ไทเฮาอย่าไปฟังความเขาผู้ที่หวังประสงค์ร้าย
    อธิบายเป็นหัวข้อพอฟังไปได้ฮู้เรื่อง ความขัดเคืองที่มีก่อนเก่าพู้นอย่าสูนฮ้ายต่าวคืน ซั้นแหล่วหล่ะ เหอ ๆ ๆ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  3. #3
    NONGNAN
    Guest
    ฤดูหนาวมาฮอดแล้ว..............แนวใจสาวแฮงไหวสั่น
    ฮอดยามหนาวหนาวสะบั้น...........ใจสะท้านบ่ซ่วงเซา
    ได้แต่คิดฮอดเจ้า...............ยามลมหนาวมาจอดแหว่
    คนที่บอกว่าฮักแท้.............บ่เห็นอ้ายได้ม่ายมา
    มองดาวเดือนอยู่บนฟ้า..........บนนภาที่กระจ่าง
    แต่ใจนางยังอ้างว้าง.............คิดนำอ้ายผู้ห่างไกล
    เป็นจั่งได๋น๊ออ้าย................ผู้เคยหมายสิเป็นคู่
    ยังจำได้บ่ยอดชู้..................คำเว้าที่กล่าวกัน
    พี่สัญญาว่าฮักมั่น..............ผูกสัมพันธ์ว่าหมั่นแก่น
    นั่งคอยถ่าแต่แฟน.......... แม้แต่เงากะบ่ใกล้ใจอ้ายซ่างลืมลง

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •