หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 18

หัวข้อ: ???.~...ความคิดถึง...กะคืออ้าย...~.???

  1. #1
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,598

    อายหน้าแดง ???.~...ความคิดถึง...กะคืออ้าย...~.???


    สายฝนรินฮำย้อย....นั่งใจลอยคิดถึงพี่
    หลายราตรีได้ผ่านพ้น...คิดถึงอ้ายผู้ห่วงหา
    ถึงเพลาสิผันเปลี่ยน....น้องยังเพียรส่งใจตาม
    คอยทวงถามความคิดถึง....ฮอยคำนึงกะคือเจ้า
    มื่อได๋นั่งใจเศร้า...เสียงเว่า่อ่อยยังประจักษ์
    ฮักบ่มีเปลี่ยนผัน...หลับตาฝันกะมีเจ้า
    เหงาใจหลายมื่อหายหน้า....อยากสิโทษเวลา...ที่นำพาให้อ้ายห่าง
    อยากสิโทษหนทาง...โทษทะเลที่ขวางกั้น...คิดถึงน้อง..ส่งบ่ถึง...เด๊น๊อ..พี่ชายเอ้ยยยย



    ((บู๊ยยย...บ่ได้แต่งดน..กะเข้าท่าเด๊ล่ะเนาะ..???.~...ความคิดถึง...กะคืออ้าย...~.??????.~...ความคิดถึง...กะคืออ้าย...~.??????.~...ความคิดถึง...กะคืออ้าย...~.???))
    :heart:~?*??*?~*... คื อ วั น ห นึ่ ง ที่ หั ว ใ จ....
    ................จ ะ ห อ บ รั ก ไ ป ซ บ อุ่ น ไ อ ดิ น... .....
    * ~?*??*?~:heart:

  2. #2
    คือตั๊วละเนาะ อิอิอิ
    ...เปรียบแม่เช่น โคมทองของชีวิต

    ช่วยชี้ทิศ ช่วยนำทาง ช่วยสร้างสรรค์

    ให้ความรัก ให้ความรู้ ชูชีวัน

    ลูกจึงมั่นกตัญญูบูชาคุณ..........เพื่อแม่ แพ้บ่ได้

  3. #3
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433
    สายฝนรินฮำย้อย ลมพัดลอย ต้อยยอดม่วง ปานเสียงทวง ปวงคำเว้า บอกว่าเจ้านั่นคิดถึง

    พออยากดึง เอาแผ่นฟ้า หม่องไกลตามาจ้อไส่ เป็นจั่งได๋แน่น้อหล่า คิดเห็นหน้าเจ้าสู่วัน

    ความสัมพันธ์บ่หวนสิ้น ความถวิลบ่เหินห่าง ไกลเพียงทางที่กางกั้น ใจเฮานั้นหากอยู่เคียง

    ได้ยินเสียงเปรี้ยงเทิงฟ้า เมฆขลาล่อขวานค่วง เจ็บทางทรวงหัวใจอ้าย คือเป็นฮ่ายมื้อคิดนำ

    สายฝนฮำทางใจอ้าย เช้าจนสายกะคือเก่า เป็นอิลืดทืดเท้า ย่อนความเศร้า ฮักบ่จาง คำแพงเอ๊ย


    ขอแจมนำน้อง นำนุ่งแนะครับ จ่ม อยู่ผู้เดียวมาดนหล่ะ ฮ่า ๆ ๆ


    แก้ไขครั้งสุดท้ายโดย บ่าวโจ่โล่; 26-05-2009 at 13:06.

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  4. #4
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,065
    บล็อก
    3

    พบปะพูดคุย

    ไห่น้องแจมนำแหนะ เจ๊โจ่..


    อ้ายเอ้ย...ฝนตกฮินฮ่ำฮ้อย น้องคอยทางคือนกเจ่า
    อย่ามาติแถลงเว้า ว่าสิเอาหินมาคั้นส้ม
    ว่าเอาลมคิดฮอดข่อย จดหมายน้อยบ่มีเห็น
    ว่าแต่มีใจฮัก แต่บ่เห็นความเว้า... แท้น้อ


    ไปแระ ง่วงงงนอน ได้ซ่ำนิละ ท่านจารย์ศรี ,จารย์เจ้โจ่ :em01)




    :heart: ไทอุบล คนเมืองนักปราชญ์:heart:

    http://up.how2phin.com/pictures/a46ce89bb69277bd7b1a2f0912d7cb05.gif

  5. #5
    ร่วมถ่ายทอดความรู้สู่สังคม สัญลักษณ์ของ สาวเมืองกะสิน
    วันที่สมัคร
    Sep 2007
    กระทู้
    584
    สายฝนรินฮำย้อย ใจคนคอยกะลอยลอง

    เหลียวบ่เห็นฮอดหม่อง ทางอ้ายสิต้าวคืน

    ยินเสียงฝนแล้วสะอื้น อ้ายเป็นอื่นบ่คืนหลัง

    มีแต่หัวใจพังพัง ที่นั่งฟังเสียงฝนย้อย...


    "อ้ายเอ้ย..น้องนี่คองคอยอ้าย คอยมาหลาย ฮู้แนบ่
    แต่ใจนางนี่บ่ท้อ สิรออ้ายแต่ผู้เดียว "แต่ผู้เดียว" เด้ออ้ายเอย"


    คิคิ ขอแจมจ้าขอแจม พอดีฝนกำลังตก บรรยากาศเป็นใจนั่นแหม
    แก้ไขครั้งสุดท้ายโดย สาวเมืองกะสิน; 28-05-2009 at 15:23.

  6. #6
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,598


    ....สายฝนรินฮำย้อย....ปานเสียงอ่อยจากสวรรค์
    ว่าห่วงฉันเด้อเธอ.......ป่วงละเมอในคำเว่า
    มื่อได๋เศร้าสิอยู่ข้าง....บ่หวลห่างทางใจหนี
    ฝากฤดีคอยเฮียง....อยู่คู่เคียงกับน้องเจ้า
    คำเว่าหวานปานน้ำอ้อย...เทียวมาต้อยให้คึดต่อ
    เห็นว่าเพิ่นรูปหล่อ...คำกะหวานจ้อย..จ้อย...ใจดวงน้อยบัดคิดนำ..ซั่นแหลววว
    สายฝนฮำเทื่อนี้....ฝากวจีให้คืนส่ง
    ใจยังคงคิดถึงเจ้า....อยู่หม่องได๋กะมีเจ้า...ทุกแลงเช้าบ่เปลี่ยนแปลง..แท้แล้ว...พี่เอ้ยยย



    แหะ..แหะ..ว่างๆ กะสิได้มาจ่มนำอ้ายทิดโจ่อยู่ดอก
    มาเด้อ...มาจ่มนำกัน.....น้องติ๊ก/สาวกะสิน ...กะแจ่มบ่หน่อยเนาะจ้า..
    ว่าแต่ว่าผู้มาจอบเบิ่งกะอย่าจอบสื่อๆ เด้อ เว่านำกันแหน่เด้อจ้า....แม่นบ่บ่าวเมืองแปะ

    แก้ไขครั้งสุดท้ายโดย ตะวันนา; 27-05-2009 at 06:38.
    :heart:~?*??*?~*... คื อ วั น ห นึ่ ง ที่ หั ว ใ จ....
    ................จ ะ ห อ บ รั ก ไ ป ซ บ อุ่ น ไ อ ดิ น... .....
    * ~?*??*?~:heart:

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ความคิดถึงกะคืออ้าย สาธยาย กลอนน้องว่า
    อุปมาเปรียบล้น ฝนย้อยหลั่งริน
    มันกัดกินหัวใจอ้าย ภายในไขบ่ถืก
    พอปานกืกหนวกบ้า ผญาต้อยเจ้าตื่มคำ ฮึ


    ....บ่จอบซื่อๆดอก ตอบโต้อยู่ จ่มหลาย......
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  8. #8
    ฝนสิมาฟ้าสิครึ้ม ความคิดถึงกะคือเก่า

    ถึงห่างไกลใจบ่เหงา หากใจเฮานั้นอยู่เคียง

    ได้ยินเสียงหัวใจอ้าย พัดตามสาย ลมวอนวอน

    คือคำกลอนอ้ายฝากเว้า คิดถึงเจ้าผู้อยู่ไกล

    ฝากสายลมไปบอกอ้าย คิดฮอดหลายทุกเช้าค่ำ

    คิดฮอดนำแต่กับอ้าย บ่เคยวายดอกห่วงหา พี่ชายเอย



    ลองแต่งผญาเบิ่งเด้อจ้า

  9. #9
    ร่วมถ่ายทอดความรู้สู่สังคม สัญลักษณ์ของ บ่าวกบินทร์
    วันที่สมัคร
    Apr 2007
    ที่อยู่
    ซุหม่อง...ที่ไป..!!!
    กระทู้
    598
    ซึ้งหลาย.....จั่งแม่นเก่งเน๊าะคนเขียนนิกะดาย อยากเขียนเป็นเด้น้อ....
    สิได้เว่าหยอกสาวเป็น ภาษา ผญา.........ซั่นดอกหว๋า.........พี่น้อง

  10. #10
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433



    ความคิดถึงดึงแขนอ้าย มาเที่ยวม่ายคำผญา บ่อาจป๋าความคำนึง ให้นึกถึงคำจาเว้า

    สิแม่นเหงายามฝนย้อย เห็นเมฆลอยอยากเอิ้นสั่ง (แม่นเบาะน้อ) "คิดถึงจัง" แนวอยากเว้า ซั่นบ้อเจ้าจั่งเอ่ยคำ

    เว้าขำ ขำซั่นบ้อหล่า หรือหากว่าออกทางใจ น้ำตาไหลยามคิดหวน ได้ทบทวนคำจาเว้า

    ร้อยขุนเขากะขอข้าม ทะเลครามอ้ายขอฝ่า เพียงได้จาเห็นหน้าน้อง แนวขัดข้องกะแม่นฝืน

    ร้อยวันคืนอ้ายผ่านพ้น เจ็บกะจนหัวใจหล่อย นั่งตาลอยคิดฮอดน้อง เคยโฮฮ้องอยู่ฝ่ายเดียว

    ได้แต่เทียวเหลียวมองฟ้า ยามดาราสาดแสงส่อง พออยากจองดวงดาวแจ้ง เขียนแปงไว้ ว่าคิดถึง ซั่นแหล่วน้องสาวเอ๊ย



    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •