อากาศช่วงนี่จักว่าแม่นหยัง เทิงหนาว เทิงลม ฝนตกอีกต่างหาก เบื่อคัก มื้อวานนี่เจ็บคอกะเลยเฮ็ดซุปจ้า
กระเพาะปลานี่ซื้อมาจากร้านไทย แพงเติบแต่กะอยากกิน เลยหลับตาซื้อ อิอิ ส่วนหนึ่งของเครื่องปรุงจ้า
จัดการเอากระเพาะปลาแช่น้ำ เห็ดหอมกะล้างดีๆแช่น้ำคือกันจ้า กระดูกหมูนั่นกะจัดการตุ๋นให้เปื่อย
หม้อซุปปรุงรสตามมักจ้า หน่อไม้หั่นเส้นต้มให้จืดจ้า
เห็ดหอมหั่นลงหม้อซุปจ้า ตามด้ายหน่อไม้
จัดการล้างกระเพราะปลาหั่นเป็นชิ้นให้น้อยลงต้มทิ้งน้ำจักสองเทือ เอาลงใส่หม้ต้มกระดูกหมู ตุ๋นไปเรื่อยๆ
พอได้ที่แล้วกะละลายแป้งมันลงใส่จ้า ให้น้ำซุปออกข้นๆ
หม้อต้มซุปติ๋มใส่หอมใหญ่ กระเทียม ก้านเซเลอรี่ รากผักชี พริกไทยเม็ด พอสุกต้องเอาจาดหม้อซุปให้เบิด
ปรุงรสซีอิ๊วขาว เกลือ น้ำตาลนิดหน่อยจ้า
ตักใส่ถ้วย บ่มีไข่นกกระทาเด้อจ้า เลยบ่ใส่ ปรุงรสอีกทีตามมัก ของติ๋มเติมแค่ พริกไทยป่น พริกน้ำส้ม พริกป่นพอจ้า
เชิญแซบจ้า
Bookmarks