อุกะปู (อ่อมปูนา)

[ฅนภูไท]

อุกะปู (อ่อมปูนา)

ตอนช่วงบ่ายคนภูไทไปย้ายงัวไปล่ามไว้ตีนทุ่งเอาเสียมไปนำ กะเลยไปหาขุดกะปูได้มาหลายเติบกะเลยสิเฮ็ด อุกะปูสู่พี่น้องเฮากินแลง มาเบิ่งขึ้นตอนวิธีการเฮ็ดกันเลยครับ



พอได้ปูมาแล่วเฮากะเอาไปล้างให้สะอาด




เอากะปูไปตำให้ละเอียด ขั้นตอนนี้อาจสิโหดนิดๆแต่อย่าคิดอิหยังหลาย




พอกะปูละเอียดดีแล่วเฮากะเติมน้ำลงไป




นำมากรองคั้นเอาแต่น้ำ เฮ็ดแบบนี้จักสองถึงสามครั้งจนน้ำเริ่มใส



นำน้ำปูที่ได้ขึ้นตั้งไฟ เคี่ยวให้น้ำแห้ง



ใส่พริก ใส่ปลาแดกลงไป



ใส่ผักชีลาว ดอกผักบั่ว (ต้นหอม) ลงไป



ใส่ข้าวคั่ว ผักอีตู่ลงไป ปรุงรสตามใจชอบ ยกหม้อลง



ตักใส่ถ้วยเสริฟกำลังฮ้อนพร้อมข้าวเหนียว8)8)8)



ตามสูตรทางบ้านผมอิหลี เขาสิใส่กบใส่เขียดหรือใส่ปลานำเด้อครับ

ปล. เคี่ยวให่น้ำแค่นๆเด้อมันจั่งสิแซบสินัว

[น้ำตาล]

บ่ได่กินดนแล้ว..อ้ายภู..เห็นแล้วน้ำลายไหล...กินแลงพอดีเนาะนิ...::)

[sompoi]

ได่ความรู้เมนูใหม่เนาะบ่าวภู.( เป็นตาเฮ็ดยาก) แต่มักนำอยู่พวกปูนิ ขอกินนำอย่างเดียวดอก..อุอุ..8)

[สาวเมืองกะสิน]

ปาดๆๆๆเมนูโปรดเลยนี่:g:g มักกินคัก ปีใหม่เมื่อบ้านตั้งใจคักว่าสิได่กิน แต่ว่ากะอดเพราะว่าบ่มีเด็กน้อยเอามาขายให้คือสู่ปี อยู่ตลาดกะหาบ่มี สงสัยเขาเล่นปีใหม่กันหมด
ขอบคุณอ้ายภูที่เอาให้น้ำลายไหลเด้อ ฮิๆๆๆ


แต่ว่าเห็นแม่อยู่เฮือนเพิ่นเฮ็ดเพิ่นแกะมันปูออกมาก่อน ใส่ถ้วยไว้ จากนั้นกะเอาโตปูไปตำแล้วกรองเอาน้ำ เคี่ยวมันปูให้มันๆๆๆเหลืองๆแล้วจังใส่น้ำปูทีหลัง ปรุงออกมาทั้งมันทั้งแซ่บ กินกับข้าวเหนียวฮ้อนๆๆๆๆ เอาอิหยังมาแลกกะบ่ยอมจ้า

[lukhin_inter]

...ที่สุรินทร์ จังหวัดที่ลูกหินอยู่ตอนนี้ก็มีคือกัน แต่ลูกหิน บ่แน่ใจว่ารสชาดจะคือกันอยู่บ่...ไหน อ้ายลองมาใช้ชิมหน่อย (อิอิ..หลอกกิน)..ทางสุรินทร์เขาเอิ้น "ระแวร์กะดาม" เอาปูสด ๆ มาตำ โหด ๆ คืออ้ายเฮ็ด ...คั่นน้ำ ใส่เครื่องปรุงคือกันนี้หละ... ลูกหินบ่เคยเฮ็ดเองดอกคะ บ่กล้าเบิ่งด้วย ....ย้าน ย้านหิวแฮง.....

[ขอโทษที่คิดถึง...เด็กดื้อ]

ปูน้อยพุหน้าสงสาร...
เป็นตาแซบแท้...อยากกินนำเด๋

[ติ๋ม เปอร์โย]

เคยกินอยู่เด้อเมนูนี่ แต่ตอนเป็นเด็กน้อย แต่บ่เคยลงมืออ่อมเองจ้าแม่เฮ็ดให้กิน
แต่เคยไปซ่อยแม่ขุดปูอยู่ เอาไม้ไปแทกเบิ่งฮูปูก่อนว่าเลิ๊กบ่ คั่นกายศอกไปแล้วติ๋มสิบ่ยอมขุดเลยหละ อิอิ ให้แม่มาขุด เอาเปรียบผู้เฒ่าคัก::)

[wit]

สุดยอดเลยครับ เมนูนี่ถ่าพุได๋ได้กินแล้วสิติดใจ ยุบ้านกะสูตรเดียวกันนี่หละครับ แตวาถ่าเป็นไปได้กะลองไซบักแตงโมน้อยที่บอทันหวาน นำลองเบีงเด้อครับ สิได้รสชาติแซบไปอีกแบบนึงครับ 8) :g

[pui.lab]

เคยกินค๊าตอนเป็นเด็กน่อย แต่ว่าที่บ้านเอิ้นว่าลาบปู ใส่พริกผง เฮ้ดคล้ายๆลาบหมู

[ตรี ศรีเมืองใหม่]

ถูกต้องครับน้องปุ้ย..ทางอุบลฯ สิทําเป็นลาบกะปู ตําเอานําคือกันนี้ละ แต่บ่ออุ เอามาปรุงเป็นลาบแทน บางคนก็ทําเป็นลาบสุก บางคนก็ทําเป็นลาบดิบ โดยบ่อต้องตั้งไฟก็ได้ แล้วแต่คนมัก....เอ/คนภูไทนี้รู้เมนูเก่าๆเยอะเน๊าะครับ..ซึ่งคนสมัยทุกมื้อนี้น้อยคนนักที่สิรู้..ดีครับดี เอามานําเสนอเยอะๆเด้อครับ ของกินอิสานบ้านเฮา