หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: จากใจหนุ่มบ้านดอน /// ซังคักผุสาวนี่

  1. #1
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,552

    จากใจหนุ่มบ้านดอน /// ซังคักผุสาวนี่


    เห็นผุสาวเผิ่นมาย่างกาย มาส่งสายตาหวานใส่
    เทียวมาส่งยิ้มให้ สิเฮ็ดจั่งได๋น้อใจเอ้ย
    แฮ่งได้เห็นรอยยิ้มเจ้า อ้ายกินข้าวกะบ่ลง
    ได้แต่เพ้อพะวง คิดนำแต่อนงค์นาถน้อง
    นอนกะคิดฝันกะพ้อ เฮ็ดแนวได๋น้อใจเฮา
    ซ่างมาคิดแต่นำเขา คิดบ่เซาเลยจักมื่อ
    บ่เคยคิดว่าเผิ่นสิมีซู้ ผู้ดูแลอยู่ทางหลัง
    ใจเลยบ่ได้ระวัง เป็นตาซังน้อใจเฮาเอ๊ย
    (เป็นตาซังน้อใจเฮาเอ้ย)
    เป็นหยังจั่งคิดแต่นำเขา มันแฮ่งเหงาเป็นลายต่าง
    ความสุขเริ่มเลือนราง แล้วจางหายในพริบตา
    สายฝนสายลมโบก พัดกระโชคโหมกระหน่ำ
    แฮ่งเพื่มความบอบช้ำ โหมกระหน่ำใส่หัวใจ
    ใจมันเปียกมันแฮ่งหนาว แฮ่งปวดร้าวสิขาดใจ
    มันเจ็บอยู่ข้างใน ทนเอาไว้ย่านคนฮู้
    มันสิเจ็บสิหนาวปานได๋ ทนเอาไว้เด้อใจเอ๊ย
    คิดเอาไว้คือจั่งบ่เคย เห็นรอยยิ้มจากไผคนนั่น
    คิดว่าสิลืมให้มันได้ แต่ทางใจมันซอย
    ตะซังคักใจดวงน้อยๆ ตะเว็นต่ำคล้อยแฮ่งเป็นตาซัง

  2. #2
    ฝ่ายเทคนิคและโปรแกรม สัญลักษณ์ของ เต็มใจให้เธอ
    วันที่สมัคร
    Jul 2007
    ที่อยู่
    ดอกคูณ เสียงแคน ขอนแก่น
    กระทู้
    1,340
    บล็อก
    6
    ซังย่อนห้ามใจตะของบ่อยู่ตั้วนิแม๋ 555

  3. #3
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5
    ..ที่เพิ้นว่า.." ยิ้มประหาร" คือสิแม่นกรณีนี้ละเนาะอ้ายหนุ่มบ้านดอน..::)
    ให้ซังแต่ผู้สาวเจ้าเด้อ....อย่าเหมารวมสาวบ้านมหาเด้ออ้าย
    มีแต่คนยิ้มหวานๆ..บ่มีคน "ยิ้มประหาร" จั๊กคนเด๊ .. อิอิ

  4. #4
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    อั่น...โบราณเพิ่นว่า "ซังอันได๋ได้อันนั่น" ตั๊ว..บ่าว...

  5. #5
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,552
    กระทู้ต้นฉบับโดยคุณ ต่าย
    ..ที่เพิ้นว่า.." ยิ้มประหาร" คือสิแม่นกรณีนี้ละเนาะอ้ายหนุ่มบ้านดอน..::)
    ให้ซังแต่ผู้สาวเจ้าเด้อ....อย่าเหมารวมสาวบ้านมหาเด้ออ้าย
    มีแต่คนยิ้มหวานๆ..บ่มีคน "ยิ้มประหาร" จั๊กคนเด๊ .. อิอิ


    บ่ได้ซังดอก สาวบ้านมหา ฮักคือหยังนี่ โดยเฉพาะสาวต่ายนี่หละ ::)

  6. #6
    ร่วมถ่ายทอดความรู้สู่สังคม สัญลักษณ์ของ ขุนสุราพ่าย
    วันที่สมัคร
    Nov 2007
    กระทู้
    197
    นิหล่ะเน๊อะเพิ่นว่า แฮงซังแฮงได้พ่อ แฮงหนีแฮงได้ใกล้ สิเฮ็ดจังได่หล่ะใจเอ้ย ม่ะซางเป็นตาหน่ายแท้หนอ

  7. #7
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5
    "..บ่ได้ซังดอก สาวบ้านมหา ฮักคือหยังนี่ โดยเฉพาะสาวต่ายนี่หละ .."

    ป๊าดด..บ่แม่นโดนยิ้มประหารจนป่วงไปแล้วตี้..อิอิ..::)
    ถ้าฮักหลายกะร่ายกลอนหวานๆมาโลดเด้ออ้าย..
    สิมา จอบอ่านซุมื้อดอก...::)::)..อย่าเจาะจงเด้อเพิ้นสิแบนกระทู้เด้....อิอิ

  8. #8
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,552
    อั่นว่าฮอยยิ้มหวานของเจ้า
    เฮ็ดให้ผุเฒ่าบ้านดอนเป็นบ้าป่วง
    บ่จักว่าเจ้าสิหลอกหรือสิลวง
    เฮ็ดให้คิดนำได้น้อปานนี่
    อกของพี่สิสลายเด้นางเอ๊ย น๊อนางเอ้ย

  9. #9
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5
    แม่นบ่น๊อ....ว่ายิ้มนาง.นั้นซ่างหวาน
    ยิ้มประหาร...บาดหัวใจ..ของอ้ายตี้
    ขออภัย......แม่ให้มา....ดอกเด้อพี่
    ลดดีกรี......ให้หวานน้อย..ค่อยสบตา....เด้อ..อิอิ


    ขั้นว่ายิ้ม.....ทำให้ใจ...อ้ายคึดป่วง
    บ่ได้ลวง......หลอกผู้ใด๋....ดอกเด้อจ้า
    ต่อแต่นี้........สิระวัง........ทางสายตา
    ยามส่งมา.....ให้หลบตา.....อย่าเผลอมอง....เด้ออ้าย....::)

  10. #10
    บ่าวเมฆินทร์
    Guest
    อ้ายบ่าวเอ๋ย........
    ซื่อว่าแนวผู้สาวนี่ถึงมีแฟนเพิ่นบ่ว่า
    เพิ่นบ่จาบอกไว้ให้เฮาได้ดอกเบิ่งความ
    แนวกำกวมมีหลายล้นมีหลายคนบ่เคยว่า
    บาดห่ายามมาเห็นฮู้มีหลายซู้เข้านั่งเฮียง
    หมดเทิ่งเสียงสิจาเว้ายามเห็นเขาเดินเคียงคู่
    เฮ็ดจั่งได๋กะบ่ฮู้ทางใจนี่สิส่วงเซา
    คึดนำเขาบ่เคยเว้นบัดมาเ็ห็นมันเป็นต่าง
    กอดเจ้าของไปพลางพลางซามพ้อนางใจเที่ยงแท้บ่แวเี้ลี้ยวดอกเกี่ยวสอง......สาแหลว

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •