กำลังแสดงผล 1 ถึง 6 จากทั้งหมด 6

หัวข้อ: ลองเขียน เทียมเอก...........

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ลองเขียน เทียมเอก...........

    ปลาค้อน้อย ไหลลอยเลียบหลี่ หนีบ่ม้ม ลมหล่อหลี่หลอน
    คือเจ้าออ้น ป้อนคำคิดคด ปดโตอ้าย หมายมุ่งหม่างเมิน
    เดินทางเศร้า มัวเมามืดมิด คิดว่าเจ้า ใจแจ้งแจ่มจริง
    น้ำแน่นิ่ง ลองหลิงใหลลึก นึกบ่พ้อ พานแพ้พลิกแพลง
    อ้ายอยู่แจ้ง คำแพงมีมืดมิด คิดบ่ซื่อ ซาบซึ้งซิซบเซา ซาแหลว

    ลองเขียน เทียมเอก ไว้ในบอร์ดผญา ครับ เพราะว่าเคยเขียน เทียมเอก และ คำก่าย ไว้ใน จินตกวี คิดว่าไว้นำผญา อาจสิมีคนเขียนนำ หลายกว่าครับ แต่เขียนแล้ว กะจักแม่นอ่านเข้าใจหรือบ่ ถ่อนั้นหล่ะ บ่ได้มีเจตนาเว้าให้ไผ หรือ พาดพิงไผเด้อครับ และกะบ่ได้ไปนำจีบไปเด้อ อยากลองเขียนเบิ่งซื่อ ๆ หนิหล่ะครับ


  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    โอ่วว...เป็นบทกลอนที่ไพเราะมาก ...คักๆๆ อ้าย เอาอีกๆสินำอ่านค่ะ

    ปล...ฮ่วย...ทางนี้หละนั่งยิ้มเป๋อ ยิ่มเป้ย ว่าเเม่นสิฝากมาให้ไก่น้อยติสั่นดอก ฮ่าๆๆ.... หึยย จั่งเเม่นเพิ่นฟ้าวออกโต

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ฮ่าๆๆ..โอ้ยยเว่าแม่ะเนาะไก่น้อย ..จักผุได๋สิไปว่าให้เพิ่นน้ออ.>:d.แต่ว่ากะมักนำอยู่แนวเหล่นคำนิอ้าย..คือสิยากเติบอยู่ดอก..ไปหัดเขียนเบิ่งก่อนเด้อ..

  4. #4
    และกะบ่ได้ไปนำจีบไปเด้อ อยากลองเขียนเบิ่งซื่อ ๆ หนิหล่ะครับ
    พุ้นแหล่วอ้ายข่อย 55++จักไผว่าให้เพิ่น ออกโตคัก หนูไม่รู้เด้อค่ะเด้อ ไล่เตะข่อยสาหละ คริ คริ

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ปัญญาฮู้โจ่โล่หลวงหลาย สาธยาย หย่าวยินแยงเยิ้น
    เกินไผแท้ทางเทียวทันท่าน ศรีมาเห็นอ่านอ้างออยเอื้อนอิ่มเอม
    จิตเกษมสรรสร่างแสงสีสาดส่อง เฮ็ดตัวอย่างแก่น้องนวลเหน้านาดนาง
    ศรีบ่อได้กล่าวอ้างโอ้เอ่ยเอาเอง บ่ออาจเส็งภูมิเพียงพาดพิงภายพื้น
    ศรีขอยืนประนมไหว่วิงวอนเว้าว่า อยู่กับบ้านมหาซ่อยกันพาสืบสร่างอย่าไลม้างห่างไกล ท้แหลว


    ...พอได้บ่ออาว..คันบ่อถืก บ่อม่วนกะตี๋ให้แด่.....

  6. #6
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612
    ...ย้อนว่ามักผญาย่อย...........ยาย(ขยาย)คำคมค่า
    ภาษางามยามเว่า.................เฮาฮู้ฮ่ำเฮียน
    อาจสิผิดพลาดเพี้ยน.............เขียนคำบ่เทียบท่อ
    ขอฝึกฝนอักษรแทรก.............ให้เฮียนฮู้ฮุ่งเฮือง...ซั่นแหล่ว....


    //พอได้บ่จารย์......เล่นนำแหน่เด้อ เทียบเอก

    ปล. ย้านแต่ผุ้สาวมักเนาะอ้ายชายกะดาย....หน่ายคนหล่อเด๊เนาะ...อิอิ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •