มื้อใด๋บุ จำบ่ได้แล้ว ติ๋มไปร้านอาหารไทย ไปได้ปลาค่อมาโตหนึ่ง แต่คือสิแม่นปลาเลี้ยงโตออกสีดำ
แล้วกะได้ดอกแคมานำกะเลยแกงส้ม กลับมาบ้านค้นตู้เย็นได้ผักกระเฉดกับผักบุ้งไทยกเลยเอามาแกงใส่กันย่านผักเน่า กินบ่ทัน
เริ่มที่ล้างปลาด้วยเกลือให้หายคาวหั่นเป็นแว่น ท่อนหางเอาไปต้มตำรวมกันกับพริกแกงส้มจ้า
น้ำพริกแกงส้มซื้อสำเร็จมามื้อนี่ แต่มาเพิ่มหอมแดง กระชาย แล้วกะพริกแดง เพื่อความหอมและรสจัดขึ้น
ล้างผักหั่นเอาแต่อ่อนๆสิได้บ่หยาบ อิอิ ดอกแคแกะเอาเกสรดอกออกถิ่มไป สิได้บ่ขม
ต้มน้ำพอเดือดละลายพริกแกงลงใส่ ปรุงรสด้วยเกลือ น้ำหมากขามเปียก น้ำตาล ชิมเบิ่ง เมื่อรสดีแล้วใส่ปลา ปล่อยให้เดือด พอปลาสุก
ใส่ดอกแคกับผักบุ้งพอผักทั้งสองอย่างเริ่มสุก ใส่ผักกระเฉด ปิดไฟ
ตักใส่ถ้วย เสริ์ฟกับข้าวจ้าวกะได้ ข้าวเหนียวกะได้ เชิญแซบกับแกงคนอยู่ต่างประเทศจ้า
Bookmarks