"มาดูแลสุขภาพกันเด้อพี่น้อง" ( รอบสอง)

[ต่าย]

พี่บ่าวพี่ตรีจ๋า..ต่ายขออนุญาตแยกกระทู้ออกมาให้พี่น้องเพิ้นอ่านง่ายๆเด้อจ้า


หวัดดีจ้า..พี่น้อง

ต่ายละเลยนำคำแนะนำมาลงบอร์ดสุขภาพมาโดนเติบแล้ว..เพราะเห็นว่ามีพี่น้องหลายคนนำเสนอสิ่งดีๆให้พี่น้องอยู่อย่างสม่ำเสมอ...
แต่วันนี้อยากมาย้ำพี่น้องเฮาซื่อๆดอกอันเนื่องมาจากนโยบายด้านสุขภาพปี 2552
เพิ้นสิเน้นเรื่องการส่งเสริมสุขภาพเจ้าของหลายๆ..บ่ให้มีพุง..ผู้ใด๋มีล้าสมัยเด้อจ้า.อิอิ

เนื่องจากสถิติโรคช่วง5 ปีที่ผ่านมามีแน้วโน้มของโรคที่ป้องกันได้เพิ่มขึ้น.. เช่น โรคเบาหวาน ความดันสูง โรคหัวใจ โรคไตวาย ไขมันสูง
โรคหมู่นี้ส่วนใหญ่กะเนื่องมาจากพฤติกรรมสุขภาพที่บ่ถูกต้อง ตามสภาพสังคมสมัยนี้
รัฐบาลเพิ้นกะบ่นิ่งนอนใจดอกพี่น้อง..เพิ้นกะเลยทั้ง ประชาสัมพันธ์ ค้นหา กระตุ้น แกมบังคับ อิ อิ
ให้พี่น้องในวัยต่างๆไปตรวจคัดกรองโรคดังกล่าวแต่เนิ่นๆอย่าปล่อยให้ลุกลามจนเป็นโรค..
การดูแลสุขภาพปีหน้านี้..เพิ้นสิเน้นโปรเจคเรื่อง " คนไทยไร้พุง " เด้อพี่น้อง
รอถ่าเบิ้ง..เพิ้นสิมีการทุ่มงบประมาณด้านนี้ มีสปอร์ตโฆษณาออกมาหลายกว่าเก่า
พี่น้องเฮาที่อยู่ในเกณฑ์ต้องไปตรวจสุขภาพ..กะไปให้เพิ้นตรวจแน้เด้อจ้า...
คั้นไปบ่ได้ สิไปตรวจเอกชน กะแล้วแต่พี่น้องสิเลือกเอา..ขอให้ไปแน่เถาะ...
ที่ผ่านมาต่ายเห็นหลายๆคนละเลยสุขภาพเจ้าของ
ผุลางคนกะอ้างว่า....คาเวียก
ผุลางคนกะอ้างว่า....บ่มีเวลา
ผุลางคนกะอ้างว่า....มื้ออื่นก่อน
ผุลางคนกะคาแต่เข้าเว็ปมหาฮอดบ่ออกไปเบิ้งโลกภายนอกเพิ้นจั๊กเทื้อ อิอิ
ผุลางคนแฮงเป็นฮ้ายบอกว่า...อย่ามายุ่งกับข่อย..ว่านิแหมะ..ฮ่วย!
ต่ายอยากสิบอกว่าการดูแลสุขภาพมันง่ายกว่าปอกกล้วยเข้าปากอีกเด้อพี่น้อง
แค่เฮาลองหันมาสำรวจสนใจโตเองจั๊กหน่อย..เหลียวมองคนข้างๆ.
แล้วกะอดสาไปอ่าน 6 อ. ที่ต่ายเคยนำเสนอ..
ปฏิบัติให้สม่ำเสมอโดยเฉพาะ อ. 1 กับ อ. 2

ถ้าทำได้ดีสุขภาพดีกะสิตามมา รวมทั้ง อ. อื่นๆกะสิตามมาโดยอัตโนมัติจ้า..อิ อิ::)
ตรวจสุขภาพปีละครั้ง..อย่าสิย้านหมอหลายเถาะ..เพิ้นบ่ฮ้ายดอกจ้า...::)

ต่ายยินดีให้คำปรึกษาด้านสุขภาพตามดีกรีที่ต่ายเรียนมาตลอดยามแลง..ในบ้านมหา
ติดต่อขอคำปรึกษาได้ที่ Hi 7บ้านต่าย หรือในบอร์ดสุขภาพนี่กะได้เด้อจ้า
ด้วยรักและห่วงใยสุขภาพพี่น้องบ้านมหาซูคน..จุ๊บๆๆ
ต่ายตาหวาน
ฝ่ายประชาสัมพันธ์บ้านมหา ( จั๊กผู้ใด๋เพิ้นแต่งตั้งให้ อิ อิ )

[sompoi]

น่ารักจังเลยน้องต่าย ..ถือว่าเป็นเรื่องดีเนาะจ้า ที่เวบเฮาได่มีบุคคลากรคุณภาพด้านต่างๆไว่คอยส่อยเหลือพี่น้อง ต่อไปสังคมแห่งนี้กะสิได่เป็นสังคมอันอบอุ่นน่าอยู่ที่สุดเลยเนาะ :g:g