หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 17

หัวข้อ: แจ่วบอง/ปลาแดกบอง ทางขั้วโลกเหนือ อิอิ

  1. #1

    แจ่วบอง/ปลาแดกบอง ทางขั้วโลกเหนือ อิอิ


    แจ่วบอง/ปลาแดกบอง ทางขั้วโลกเหนือ อิอิ
    มื้อนี่ นอนตื่นซะเกือบเที่ยง บ่ไดเฮ็ดงาน วันหยุด อิอิ หยุดบ่คือบ้านเขา แต่ช่วงบ่ายต้องไปประชุม
    ย่านบ่มีหยังกินมื้อแลงกะเลย สับปลาแดกบองไว้ อีกอย่างย่านมาบ้านค่ำนำ บ่มีเวลาเฮ็ดกับข้าวจ้า เลิกค่ำอิหลี
    แจ่วบอง/ปลาแดกบอง ทางขั้วโลกเหนือ อิอิ
    มาเบิ่งเครื่องปรุง อันนี่ตามประสาคนไกลบ้านจ้ากะมี ปลาร้ากระป๋องบ่ต้องหลายซำนี่หละ จกออกมาล้างน้ำ
    เครื่องเทศเมื้อหั่นแล้วต้องนำไปคั่วให้เบิด เพื่อความหอม มีข่า ตะไคร้ หอมแดง กระเทียม คั่วโลด แล้วตำให้ละเอียด
    พริกแห้งคั่วป่นไว้ ใบหมากกรูดซอย หมากขามเปียก คึดว่ามีทอนี่หละ จำบ่ได้::)
    แจ่วบอง/ปลาแดกบอง ทางขั้วโลกเหนือ อิอิ
    ลงมือสับปลาแดก พอแหลกแล้วใส่หมากขามเปียกสับรวมกัน แล้วใส่เครื่องเทศ สับต่อไป
    จนได้ที่ จับโยนลงครกพริกป่น ตำรวมกัน ปรุงรสด้วยน้ำปลานิดหน่อย ผงชูรส ถ้าบ่กินใส่น้ำตาลแทนนิดหน่อย
    แจ่วบอง/ปลาแดกบอง ทางขั้วโลกเหนือ อิอิ
    เมื้อรสดีแล้วตักออกใส่ถ้วย ถ้วยสีน้ำเงินนั่นดิบจ้า ถ้วยสีชมพูนั่นคั่วสุกแล้ว ไผมักแบบใด๋กะตามซำบายจ้า

  2. #2

    ยามแลงมาสิกินกะเลยเฮ็ดหมูแดดเดียวทอดนำ กินแต่แจ่วซื่อๆกะย่านบ่อ้วน อิอิ
    สูตรเนื้อหมูหั่นเส้น หมักกับรากผักชี กระเทียม พริกไทย ตำให้ละเอียด ปรุงรสเกลือ น้ำตาล
    น้ำมันหอย ซีอิ๊วขาว งา หมักแล้ว บ่มีแดด อบไฟอ่อนๆพอแห้ง แล้วกะทอด

    แจ่วบองจัดการคั่วให้เบิดซะ เวลากินสิได้บ่คึดมาก คั่วแล้วกะแซบดีคือกันจ้า

    แล้วกะนึ่งข้าวเหนียวฮ้อนๆ เสริ์ฟกับผัก บ่ค่อยมีผักหลาย บ่ได้ไปร้านอาหารไทยจ้า ยากงานคัก อิอิ
    เชิญแซบเด้อจ้า 8)

  3. #3
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,876
    ป้าด/เป็นตาแซบคัก...กินกับไข่ต้มยางหมากตูมกะแซบเด้อ สาวติ๋ม

  4. #4
    Membership renewed สัญลักษณ์ของ Sweet_M
    วันที่สมัคร
    Oct 2007
    ที่อยู่
    USA
    กระทู้
    1,243
    โอ้ยยยน้อ เอื้อยใหญ่เฮ้ดหยังออกมา น้องหล่าเลิดน้ำลายเหื่อสู่แนวอะโลด อิอิ

  5. #5
    น้ำตาล
    Guest
    ป้าด//เห็นแล้วน้ำลายไหล...เป็นตาแซบคักเอื้อย...

  6. #6
    ปลาแดกบองคือเป็นตาแซบแท้น้อ
    ให้เด็กน้อยจ่ำนำจักหน่อยแนะเด้อจ้า
    ได้ผักทูนของอ้ายภูมาแล่วมันสิกิน
    กับปลาแดกได้บ่น้อลองเบิ่งเนอะเอื้อยติ๋ม...อิอิอิ

  7. #7
    ดูแลตรวจสอบเนื้อหา สัญลักษณ์ของ ต้นข้าว
    วันที่สมัคร
    Dec 2007
    กระทู้
    617
    ;d โอยยย ยากตอนสับนี่แหละจ้าพี่ติ๋ม
    กลิ่นปลาแดกกระจายทั่วครัว คนเฮ็ดโดนสับเละแน่ๆ เลย

  8. #8
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    ว้าวว....ปลาร้าทรงเครื่อง... . .อิจฉาปลาแดกเน๊าะ...ได้ไปฮอดเมืองนอกเมืองนา..อิอิ

  9. #9
    ผู้ช่วยผู้ใหญ่บ้านมหา สัญลักษณ์ของ lukhin_inter
    วันที่สมัคร
    Sep 2007
    ที่อยู่
    อิสานใต้ ประเทศไทย
    กระทู้
    2,090
    .-*""*-..-*""*-..-*""*-..-*""*-..-*""*-..

    โอ้หนอ...ลูกหินมาเห็น ปลาร้าบองเอื้อย ยามวิกาล
    ป๊าด.....อดใจ บ่ อยู่แล้ว... กะจะฟิตให้เฟิร์มประกวด
    นางงามบ้านมหา....ธิดา บ้านมหาสักกะหน่อย....
    (แต่ก็ยังหาสังกัดส่งเข้าประกวด บ่ ได้ ยุ จ้า )
    แต่ตอนนี้...คือจะ บ่ ได้แล้ว ตะบะแตกแล้ว......
    กินข้าวอีก สักรอบก่อนน๊า.....

    .-*""*-..-*""*-..-*""*-..

  10. #10
    ไปทำงานมาเดิกๆค้านเฮ็ดแนวกิน กลับมาจ้ำปลาแดกถ้วยเก่าหนี่หละ พอนอนหลับ อิอิ
    อิอิ...อ้ายเซียงกะมื้อนั่นติ๋มบ่มีไข่เนาะ เลยบ่ได้ต้ม นำเจ้าคั่นมีกะต้มมาสู่หมู่เพิ่นกินแหน่55++แซวเล่นเด้อจ้า เดิกๆบ่มีแนวเฮ็ด อิอิ
    น้องต้นข้าว...บ่มีไผกล้ามาสับเอื้อยดอกหล่า เบิ่งปังตอเอื้อยโลด สิสับคืนให้เบิ่ง 55++
    เชิญตามซำบายเด้อจ้าน้องๆคั่นมักปลาแดก ตอนเฮ็ดกะกลิ่นตลบไปคับบ้าน แต่ตอนกินนี่กะแซ๊บ แซบ...อิอิ
    เอ้อ...ผู้ลังคนอิจฉาฮอดปลาแดก อยากเป็นปลาแดกตี้ คึดให้ดีๆเด้อ คั่นส่งมาฮอดทางนี่สับหมุ่นอั๊บยั๊บ บ่เหลือหน่อ เหลือแนวเด๋::)

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •