หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 32

หัวข้อ: แกงไก่ใส่ล่อน

  1. #1
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1

    แกงไก่ใส่ล่อน


    แกงไก่ใส่ล่อน

    มื้อฅนภูไท สิเฮ็ดแกงไกใส่ล่อนให้กินเด้อครับ เป็นสูตรของเฒ่าแม่เพิ่นถ่ายทอดมาให้ผม ล่อนหรือเส้นล่อน หมายถึง วุ้นเส้นเด้อครับ คนสมัยก่อนเขาเอิ้นวุ้นเส้นว่าล่อนหรือเส้นล่อน น่าสิมาจากด้ายไนล่อน ผุเฒ่าผุแก่เพิ่นอาจสิเห็นว่าวุ้นเส้น มีเส้นคล้ายๆกันกับเส้นด้ายไนล่อน กะเลยพากันเอิ้น ปัจจุบันนี้คำว่าล่อนกะน่าสิบ่ค่อยมีผุได๋ใช้ปานได๋แล้วหละน้อ(อันนี้ฅนภูไทตั้งข้อสังเกตเอง) มาเบิ่งวิธีเฮ็ดกันเลยครับ

    แกงไก่ใส่ล่อน

    สับไก่ใส่หม้อชิ้นพอคำ

    แกงไก่ใส่ล่อน

    ใส่พริก ข่า ตะไคร้ หอมแดง กระเทียมโขกละเอียดลงไป ใส่น้ำปลาแดก ใบมะกรูดลงไป แล้วยกขึ้นตั้งไฟทำการคั่ว

    แกงไก่ใส่ล่อน

    ใส่กะทิลงไปทีละนิดคั่วให้กะทิแตกมันให้กะทิซึมเข้าไปในเนื้อไก่ แล้วค่อยใส่หางกระทิลงไป

    แกงไก่ใส่ล่อน

    พอน้ำเดือดใส่เส้นล่อนลงไป

    แกงไก่ใส่ล่อน

    พอเส้นสุกดีแล้วใส่ผักอีตู่ ต้นหอม ปรุงรสตามใจชอบยกหม้อลง

    แกงไก่ใส่ล่อน

    ตักใส่ถ้วยเสริฟกำลังฮ้อนๆกับข้าวเหนียว 8)8)8)

    แกงไก่ใส่ล่อน

    นี่หละครับสูตรของเฒ่าแม่ ลองเฮ็ดกินเบิ่งเด้อครับรับประกันความแซบ 8)::)::)

    ปล.เมนูนี้ผุบ่าวผุสาวไปจีบกันใหม่ บ่กล้ากินปานได๋ เหอๆ กินแต่ต่อนไก่บ่กล้ากินเส้น แกงไก่ใส่ล่อน

  2. #2
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,552
    ให้เส้นสุกๆๆแนหละ ระวังหยึ่งเด้อ

  3. #3
    ฮ่าๆๆ เอิ๊กกๆ บ่เคยได้ยินจักเทือ"แม่นหยังน้อล่อนหนี่คือได้เอามาใส่แกง"::) เขียนให้เบิดแหน่อ้ายภู เส้นล่อนกะว่าเส้นล่อนแหน่ หึ๋ยยยย.....
    บ่เคยแกงใส่กะทิจักเทือ มักแต่ใส่น้ำซือๆหั่นหละ อิอิ กะคนบ่มักกะทิ

  4. #4
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1
    น้องติ๋ม แกงไก่ใส่ล่อน ถืกต้องแล้วครับ ::) (โทรไปถามเพิ่นแล้ว เฒ่าแม่ยืนยันพันเปอร์เซ็นต์แถวบ้านเอิ้นจั่งซี้เด้อครับ ตอนแรกกะว่าตะงิดๆใจอยู่ว่าแม่นเอิ้นบ่ถืก)

  5. #5
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    อือ....ได้ควมฮู้ศัพท์..การเอิ้นวุ้นเส้นแล้ว...สงสัยมาโดนเติบอยู่ เส้นล่อนหว่าซั่น..อิอิ...บ่มักกะทิคือกันเด้อเฒ่าภูเอ้ย...ปรับปรุงแหน่มื่อหลัง...กะทิกับผักอีตู่มันบ่เข้ากันเด้อ..ถ้ากะทิมันต้องใบโหระพา...(อันนี่ควมเห็นส่วนโตเด้อ อิอิอิ)..

  6. #6
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1
    เฒ่ามั่วบ้านข้อยเขาบ่กินโหระพากันตั้ว ผุเฒ่าเขาบ่พากันใส่แมะ กินแต่ผักอีตู่ เต็มที่กะผักอีตู่ไทย(กระเพรา)
    แต่ว่ากะแม่นความเจ้าอยู่ดอกเฒ่ามั่ว แกงกะทิใส่โหระพาเคยกินอยู่กะเข้าท่าคือกันเด้หละน้อ 8)

  7. #7
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,760
    แกงแล้วถิ่มไว้ให้มันอืด มันจังได้หลายๆ

  8. #8
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    รู้จัก และ เคยกินจ้า หักบ่ได่ใส่กะทิ แต่พริกแกงสิออกเผ็ดๆแน่ะ..8)

  9. #9
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    อันนี้กะเป้นเมนูมักอีกหละ ทางบ้านกะเฮดกินคล้ายกันนิหละจ้า ประกอบกับเป้นคนมักกินวุ่นเส้น บ่ว่าสิเป้นยำ หรือ แกง กะเเซบ เปลี่ยนจากไก่เป้นปลากะเเซ่บคือกันเด้อ ค่ะ ลองเฮดเบิ่ง ..

    ปล. ยุกาสินสิเอิ่นเส้นฮ้อน หรือ เส้นใส่เเกงฮ้อน วาสั่น

  10. #10
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1
    น่าสิแม่นนะเพราะส่วนหลายบ่ใส่กะทิกัน มีแต่ภูไทที่เฮ็ดแบบนี้ อย่างน้ำยาข้าวปุ้นคือกัน ภูไทสิใส่กะทิ สิบ่มีน้ายาที่บ่ใส่กะทิ(น้ายาป่า) เดี๋ยวว่างๆสิเฮ็ดมาสู่กินเด้อ รู้สึกว่าสิมีอีกเมนูหนึ่งเด้อที่นิยมกินกันนั่นกะคือแกงล่อนใส่ปลากระป๋อง(ต้องถามสาวไก่น้อย ไทกะสินเขามักกินเหอๆ)

    ปล.บังเอิญมีญาติเป้นคนกาสิน ไทยางตลาดคร๊าบบ ::)

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •