กำลังแสดงผล 1 ถึง 6 จากทั้งหมด 6

หัวข้อ: พาไปหากินเลาะห้วย กับตามไฮนา

  1. #1
    แบ่งปันความรู้และประสบการณ์
    วันที่สมัคร
    Mar 2007
    กระทู้
    163

    พาไปหากินเลาะห้วย กับตามไฮนา


    หลังจากพาไปดง เเล้วข่อยกระสิพาพี่น้องบ้านมหา ไปหากินเลาะห้วยมื้อนิ ถ้าเเมนผุใดเคยไปหากินเเบบข่อย สิคึดภาพออกเลยว่าเป็นเเนวใด เเต่คนบ่เคยกะอ่านเเล้วให่จินตนาการเอาเด้อ มันหาบ่ง่ายคือตลาดสำโรงเด้อ.
    ข่อยตะคาวยังอยู่บ้านนิมักหากินคะนาดเลย เเมนไผชวนไปหากินไปนำเขาโลดบ่ใด่ย่านขี้ตม เว้ามาเเล้วตะคาวยังน้อยข่อยกะทุกข์ยาก คือกันกำพร้าเเม่ตายพ่อยัง พ่อกะบ่ใด่เลี้ยงให่อยู่นำเเม่อุ้ย อยู่นำเเม่อุ้ยกะชอยเพิ้นหาอยู่หากิน พอเเม่อุ้ยเพิ้นตายกะไปอยู่นำเเม่ป้า เฮาอยู่นำเพิ้นอันใดมันจบมันงามกะเอ็ด หาอยู่หากินข่อยนิบุกเบิกเลย
    ตืนเหวอๆเเบๆบ่ใด่ใส่เกิบ ไปดงลงห้วยกะบ่ใด่ใส่ เอาขัดเอวไว้ย่านมันขาด เเล้วเพิ้นสิบ่ชื้อให่ โอยยหนอ.
    -----นาเเม่ป้าอยู่ติดห้วยใหญ่ เข้าเอิ้นห้วยนิว่า วังเเช่กอย เพราะว่าตะกิกะเก่าไทยบ้านเอากอยไปเเช่ เเล้วน้ำกะคันบาดนิฮั่นปลาหลายคักว่าเถาะ. มื้อนิข่อยบ่ใด่ไปเลี้ยงงัว ปล่อยไปนำฝูงงัวไทบ้าน กะเลยสิไปงมปลา หมู่ชวนไปหนองน้อยๆนิล่ะ น้ำมันเเห้งใกล้เป็นตมเเล้ว เห็นปลาบ่อนหยุบๆยุ จักปลาหยังบ่อนคือปลาค้อนิล่ะ หมู่ข้อยเพิ้นล่าย ไทเเม่ป้าข้อยกะเลยเว้าว่า ปลาชิวบอนนั่นบุสิมีสิใดปลาค้อหนองน้อยๆนึง
    5555 ไทข่อยบ่ใด่สนใจว่าปลาหยังเเล่ว ฮ่างเอาข้องลอย กับ เขิง ย่างลัดทงกับหมู่ไปจุดเป้าหมาย. ฮอดหม่องเเล้วกะลงช่อนเลย ช่อนขึ้มมาบาดใดกระมีเเต่ ปีงเข็ม กับลูกออดขี้กะตู่ 555.
    ช่อนกะพอใด่ยุปลาชะเเงง เเล้วบาดนิกะพากันสะน้ำออกเเล้วงมบาดนิ ใด่เเต่ปลาเเขงเเม่ไข่พี่น้อง ได่ปลาบาดใดกะพากันฮ้องอ้างกับหมู่ เอ้ววววกูใด่โตใหญ่ส่ำ ผามือนิล่ะมึงเด้ ทางข่อยกะว่ากูงมบาดใดกะใด่เเต่เเกนหมากม่วงสอ เอ้วว เอาเเบ่งกูเเน่เด้อพอใด่เมือกินเเลงว่าชั่น... ข่อยกะงมใด่ยุเเต่ฮั่นเว้าหยอกชื่อๆ
    งมจนปวดเอวเเล้วกะพากันสิเมือเเลบาดนิ ก่อนสิเมือกะเปิดอ้างกันก้อนเด้อ 5555555.
    ----------------บาดนิสิพาไปหยู่ กะเชอ ไทญ้อ อ.อากาศอำนวย ฮ้องเเนวนิล่ะหลายคนกะบ่ฮู้ว่า กะเชอ คือหยังมีภาพประกอบยุ วาดเองเลย
    กะเชอ นิเอ็ดมาจาก ไม้ไผ่ กับ เเหยง เด้อสิเป็นสามเหลี่ยมเเล้วมีด้าม เเล้ว เเหยง กะเย็บเป็นสามเหลี่ยมคือใน่รูปนั่นล่ะ เขาเอาไว้จับลูกออด ปลา
    ช่วงก่อนรึหลัง ไถนาฮุด เเล้วฝนตกมีน้ำขังตาม ไฮนา พอกางขานิล่ะ. ช่วงนั่นสิมีลูกออด ลูกปลา เเมงดา ออกใหม่เเตกยุชวดๆๆ
    เเล้วบาดนิกะเอา กะเชอ นิล่ะจุ่มลงในน้ำเเล้วหยู่บาดนิ คือเฮาถูเฮือนนิล่ะ หยู่กะพอมีหยังติดเเล้วก่ะ ส่ายน้ำล้างขี้ตมออก เเล้วกะเอา กระเชอ ค้างไว่ทึงคันนา เเล้วกะหาเลือกเก็บ เอาลูกออด เเมงดา อันใดมันกินใด่กะเก็บใส่กระต่า เเล่วอย่าลืมหักใบไม้ปิดกระต่าเเน่เด้อล่ะ กันปลาเต้นออก.
    ----------------ใส่เบ็ดยามเว็น อันนี้ช่วงดำนาเเล้วเออ ใส่เบ็ดมันกะมี 2 เเบบเด้อเเบบนึ่งกะใส่ค้างไว่เบิดคืน เเล้วไปหยามเเละกู้เบ็ดตอนเช้าๆ
    เเต่อันนี้ ไทบ้านข้อยใส่เเล้วหย่าง หลบไปหลบมานั่น ข่อยกะใส่เหยื่อตอนอยู่ เทิ่งเถียงนาพิล่ะ เบ็ดจัก 10 คันนิกะวินเเล้ว ถ้ามันหมาน วาา
    นาไฮใดคักๆ ข่อยกะเสียบเบ็ดใว่ห่างกันประมาณ 3 ก้าวบ่ไกลกันเพราะ ปลายามนิมันสวบ กับตอด ชื่อๆ บาดนิกะหย่างหลบไปหลบมาอยุ่นั่นล่ะ
    เที่ยวเบิ่งเหยื่อพร่อม จัก 2 ชัวโมงกะใด่ปิ้ง กินเที่ยงกับตำหมากถัว เเล้วพี่น้อง.
    -----------------ใส่ เเงบ กบ อันนี้ข่อยบ่มักปานใดดอก มีเเต่อ้ายเพิ่นใส่ เพราะใส่ เเงบ นิต้องหาขุด ขี่กะเดือน โตใหญ่ๆเเล้วเอามาพักๆสมกันกับ รำ หึว่า ปลาชิว กะใด่เเล้วก่ะเอาเหยื่อยัดใส่ เเงบ เเล้วกะเอาไปเชื่องไว้ตามดงหึไฮนา ม่องมันนั่นล่ะเเล้วเอาหญ้าปกใว่ ถ้าเเมนม่องมันกัหลายๆกะ ติดเทื่อล่ะ 3-5 โตกะมี ค้างใว่คืนนึงตอนเช้ากะไปหยามเอา.
    อันนี่ล่ะพี่น้อง เเนวเพิ้นพาเอ็ด เเต่สุมื้อบ่ค่อยมีเเล้วเด้อ.บางคนลูกเต้าไปทำงานกรุงเทพ กะพอมีเงินเเน่กะชื้อกินเอา เเมนผุใดไปหาบ่ชื้อกะไทบ้านกะนินทา โพดเนาะเฮย งกคักเงินอันนั่นจักว่าสิดอกไว่เอ็ดหยัง พะวะ.ลูกเต้าทำงานอยู่ไกลบ้าน กะจักว่าเขาทำงานหยัง จักใด่เงินส่งมาให่ โทรจ้ำเอาเเต่เงินเงิน ผุลางคนกะทิ่มลูกไว่บ่ส่งเงินกะมี หนีไปเลย.พากันดาวว์ รถมอไชต์ รถยน เเข่งกันจักว่าสิเอาเงินใสมาผ่อน ตะกี้ชอยกันเกี่ยวข้าว
    สุมื้อนิ โอยยยย ลูกกูทำงานกรุงเทพ นากูจ้างเกี่ยวมื้อล่ะ 120 ฮ่วยทางพี้ใด่เขยฝรั่งจ้างเกี่ยว มื้อล่ะ 140 พร้อมข้าวเที่ยงพะวาา.
    เป็นไปเบิดเนาะพี่น้อง.
    พาไปหากินเลาะห้วย กับตามไฮนา

  2. #2
    ร่วมถ่ายทอดความรู้สู่สังคม สัญลักษณ์ของ ฟากฟ้า
    วันที่สมัคร
    Apr 2007
    กระทู้
    548

    เอารูปมาลงเพิ่มให้ซือๆเด้อจ้า อันตาลไปหางมปลาบ่ย้านปลิงบ้อ
    เว่ามาเป็นตะอิปลิงหลายคัก อันเฮาถ้าเก็บอยู่เทิงโคกเอาดอก
    ให้โตเป็นพุลงไปงมเด้อ

  3. #3
    แบ่งปันความรู้และประสบการณ์
    วันที่สมัคร
    Mar 2007
    กระทู้
    163
    ไทถ่าเก็บยุทั่งเทิง กะมีเเตสิโยนเเกนหมากม่วงนิบุ โยนขึ้นให่นั่น นั่งอยู่ทางเทิ่งกะหุบเเน่เด้อตีนชิ่นนั่น มาบไปเเนมเห็นของดีไทญ้อ สิคารำผีไท่เด้.

  4. #4
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    สุมื้อนิ โอยยยย ลูกกูทำงานกรุงเทพ นากูจ้างเกี่ยวมื้อล่ะ 120 ฮ่วยทางพี้ใด่เขยฝรั่งจ้างเกี่ยว มื้อล่ะ 140 พร้อมข้าวเที่ยงพะวาา.
    เป็นไปเบิดเนาะพี่น้อง. ::)

  5. #5
    แบ่งปันความรู้และประสบการณ์
    วันที่สมัคร
    Mar 2007
    กระทู้
    163
    เจ้ปุ้ย ว่ามันเเมนความข่อยบ่สั่น บ้านนากะทาด เเฮงเป็นตาน่าย กระเทยดดอก ลาวใด่ผัวเยอรมัน จ้างคนเกี่ยวข้าวเเล้ว เกี่ยวข้าวเเข่งกันไผชนะ ใด่ 500 เเถมเบียร์พร้อม.คึดเบิ่งโลด

  6. #6
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    2,194
    เป็นซั่นหละ ไผเงินหลายผู้นั่นเว้าเสียงดัง คนอิสานเฮาเป็นแบบนั้นหละ วิถีชีวิตแบบเก่า แทบสิบ่มีให้เห็นแล้ว นอกจากว่าสิมีคนเป็นหัวหน้าที่เข้มแข็งอี่หลีจั่งสิอนุรักษ์แนวเก่าไว้ได้

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •