มืดมาก ถ่ายรูปยามคืนเนาะพี่น้อง กะมัวแต่ไปเที่ยวบ่ได้กินข้าว หิวกลางเดิกซั่นแหล่ว อิอิ
เมนูนี่ตอนอยู่เมืองไทยบ่เคยเฮ็ดกิน มีแต่ซื้อกิน แต่พอมาอยู่เมืองนอก อยากมาจำเป็นกะต้องเฮ็ด
เครื่องปรุงกะมีบ่ครบ แล้วแต่สิหาซื้อได้หละจ้า....
หลักๆกะมีข้าว พริกแกงเผ็ด น้ำปลา เกลือ ผสมสู่อย่างให้เข้ากัน ปั้นเป็นก้อนซุปไข่ทอดกรอบๆ
แล้วกะแหนม หมู่ฮักเฮ็ดมาฝากจ้า ฉีกแหนมเป็นชิ้นตามมัก เอาเข้าเวฟพอสุก พักไว้
แล้วกะเตรียมหั่นต้นหอม ตะไคร้ ขิงสด พริกทอด ถั่วลิสงคั่ว เอาชามสำหรับคลุกมา
ใส่น้ำตาลนิดหน่อย น้ำหมากนาว น้ำปลา ใส่แหนม +เครื่องที่เตรียมไว้+บี้ข้าวทอดใส่นำ คลุกให้เข้ากัน
ตักใส่จาน เมี้ยงกับผักอิเลิด ไผมีผักชี ใบสะระแหน่ใส่นำกะได้จ้า แต่ติ๋มหาบ่ได้ ไกลบ้านเนาะ
แซบตามมีตามเกิด พะนะ
Bookmarks